Хөрмәтле Фирания Хәнифовна ! Сез, тормыш баскычлары аша күтәрелеп, 50 яшегезне тутырдыгыз.

“Ир кеше – иген басуы, хатын – иген тулы келәт”, - диләр. “Иген”не кадерләп саклаучы “келәт” булып, балаларыгызның тәүфыйклылыгына, оныкларыгызның бәхетеңә куанып, Илсур абый белән соң сулышларыгызга кадәр кулга-кул тотынышып, тигезлектә, тынычлыкта озын гомер кичерергә насыйп итсен.

12 нче май көнне мәктәбебез  укучылары Сабантуй мәйданы тирәсендә агач утырту өмәсе оештырдылар. Агач үсентеләренең күпмедер өлешен  Балтач тыюлыгы җитәкчесе китерсә, бер өлешен үзебезнең укучылар  алып килде. Ул көнне укучыларыбыз 700  төпкә якын агач утыртып кайттылар. Киләчәктә Сабантуй мәйданы тирәсе безнең укучыларыбыз утырткан агачлар белән  шаулап торыр.

Татарстан президенты Р.Н. Миннеханов Сабантуй үткәрү көннәрен билгеләү турында указга кул куйды

Авылыбызда 9 май - Җиңү көнен бәйрәм итәргә балалар да, өлкәннәр дә бик ныклап әзерләнде. Мәктәп укучылары бәйрәмгә чыктылар, ветераннарны котладылар.

4 май көнне сугыш ветераны, авылыбызның иң өлкән кешесе Мөхәрләмов Юныс бабай һәм тыл ветераны Гарифуллин Барый бабайлар белән 5 – 7 сыйныф укучылары очрашу үткәрделәр. Юныс бабай инде өлкән яшьтә булуына карамастан бик матур итеп балалар белән фикерләрен уртаклашты. Барый бабай ул еллардагы  халыкның нинди эшләр башкаруы хакында сөйләде

3 нче май  көнне башлангыч сыйныф укучылары  сугыш чоры баласы,  мәгариф ветераны Габделхак Исхакович белән очрашу үткәрде.  Габделхак Исхакович укучыларга  үзенең балачак хатирәләрен сөйләде. Сугыш елларының авыр вакыйгаларын искә төшерде...

Быел Татарстан дәүләт вузларының коммерция бүлекләренә керәчәк беренче курс студентлары өчен уку бәясе 2-3 тапкыр артыр дип көтелә.
Гуманитар юнәлешләрдә белем алу елына 60200 сумнан ким тормаячак, техникларында - 112 меңнән башланачак. Бу Россия Мәгариф һәм фән Министрлыгы эшләгән яңа “Мәгариф өлкәсендә дәүләт хезмәтләрен норматив финанслау системасын” куллану белән бәйле.

“Изгелек җирдә ятмас” -  диелгән татар халык мәкалендә, мохтаҗ гаиләләргә ярдәм итү максатыннан мәктәбебезнең укучылар һәм укытучылар коллективы бик күп мәктәп кирәк - яраклары, кием – салымнар, уенчыклар  җыеп, Балтачтагы Хәйрия кибетенә тапшырдылар.

Район күләмендә үткән “Куркынычсыз тәгәрмәч” ярышында катнашып безнең укучыларыбыз    21 мәктәп арасында VII урынны алып кайттылар. Укучыларыбызга киләчәктә тагын да тырышып, призлы урыннарга ия булуларын да телибез.

Ышанасы килми, әмма бу хак. Бүген төнлә сырхауханәдә татар халкының бөек язучысы Туфан Абдуллович Миңнуллин якты дөньядан киткән. Туганнарының һәм якыннарының тирән кайгысын уртаклашабыз. Мәрхүм белән хушлашу 3 май көнне 9.00 сәгатьтә Камал театры бинасында узачак.