29 нчы март көнне Бөрбаш мәдәният йортында Бөрбаш, Алан, Смәел, Салавыч, Норма урта мәктәпләре арасында сәләматлек театрлары конкурсы булып үтте. Коллективлар бик матур чыгыш ясадылар, конкурска нык әзерләнгәннәр. Балалар рольләргә кереп тырышып уйнадылар, каушап калмадылар.

29 һәм 30 нчы март көннәрендә 11 сыйныф укучыларының сайлап алу фәннәре буенча әзерлек имтиханнары үтте. Әлеге имтиханнар укучыларыбызга үзләрен сынап карау өчен үткәрелә. Укучылар имтханнарга әзерләнәләр, алар каникул чорында да һәркөнне консультацияләргә йөриләр.

Приказ Министерства образования и науки Российской Федерации (Минобрнауки России) от 27 декабря 2011 г. N 2885 г. Москва "Об утверждении федеральных перечней учебников, рекомендованных (допущенных) к использованию в образовательном процессе в образовательных учреждениях, реализующих образовательные программы общего образования и имеющих государственную аккредитацию, на 2012/2013 учебный год"

 26 нчы март көнне каникул планы буенча башлангыч сыйныф укучылары өчен бию иртәсе куелган иде. Укучыларыбыз әлеге чарага бик теләп килделәр. Алар заманча һәм татарча биюләр биеделәр, бергәләп күңел ачтылар.

23 нче март көнне, иртән, укучыларыбыз тәрбия эшләре буенча директор урынбасары Гөлнур Ильясовнага 55 яшь тулу уңаеннан тәбрикләү тантанасы үткәрделәр. Гөлнур Ильясовнаның хезмәтенә ике бишле куеп, бик матур теләкләр теләделәр, рәхмәтләрен җиткерделәр, Гөлнур апаны хөрмәтләп истәлекле бүләкләр тапшырдылар

Мәктәп сайтының Видеотека бүлегенә класс сәгатьләрендә файдалану өчен хәрәкәт куркынычсызлыгына багышланган видеоязмалар урнаштырылды

21 нче март көнне укучыларыбыз канатлы дусларыбызга ярдәм итү максатыннан сыерчык оялары ясап алып килделәр. Барлык укучылар да актив катнашты, алар канатлы дусларыбызга һәрвакыт ярдәм итеп торалар. Кыш айларында берсеннән – берсе матур, әйбәт җимлекләр ясап алып килеп, кошларны тәмле ризыклар белән сыйлап тордылар.

“Яңа мәктәп салабыз”- дигән хәбәрне ишеткәч, күңелдә икеләнүле уйлар аша өмет уты кабынды. Бәйрәмнән соң без ныклап эшкә дә керештек, барлык укучылар һәм укытучылар коллективы белән мәктәпне “сүтәргә” дә тотындык. Инде мәктәбебез сүтелеп бетү алдында тора. Бераздан бу урында яңа, заманча итеп эшләнгән мәктәп калкып чыгар. Биредә хезмәт куйган барлык кешеләргә дә без зур рәхмәтебезне җиткерәбез.

17 нче март көнне авылыбызда зур чара булып узды. Фидаил Шакиров истәлегенә багышлап милли көрәш бәйгесе үткәрелде. Әлеге бәйгедә Кукмара, Саба, Балтач районнары мәктәпләреннән бик күп көрәшчеләр килгән иде. Безнең мәктәбебез егетләре дә бу бәйгедә призлы урыннарны яуладылар.

Район күләмендә үткәрелгән Коръән укучылар бәйгесендә безнең укучыбыз Гильмуллин Рифат II урынга лаек булды