Бөтенроссия күләмендә үткәрелә торган “Зеленая школа” конкурсына безнең укучыларыбыз да катнашырга теләк белдерделәр. Экологик юнәлештә үтәчәк бу конкурс һәр айда төрле юнәлештәге эшләр белән үткәрелә һәм баллар белән бәяләнеп барыла. Беренче этапны үтеп, “Җимлек” операциясендә һәм сочинениеләр конкурсында  катнашып  15 балл җыйдылар. Хәзер конкурсның икенче этабына, “ Берегите природу” дип исемләнгән плакатлар конкурсына да  эшләрен җибәрделәр. Уңышлар сезгә!

Очрашу

Республика күләмендә уздырылган мәктәп яны бакчалары конкурсында  катнашып, мәктәп коллективы авыл хуҗалыгы министры  Ахметов Марат Готович тарафыннан сертификат алды. 

Арча педагогия көллиятеннән үз укучыбыз Лилия Шәйхетдинова ике атна дәвамында укучыларыбызга белем бирү һәм кызыклы чаралар үткәрү максатыннан практикага кайткан иде. Лилия сынауларда сынатмады. Ул укучылар һәм укытучылар тарафыннан уңай бәяләнеп,  матур фикерләр алып китте. Укучыларга бигрәк тә аның,  Туфан Миңнуллин иҗатына багышлап үткәрелгән “Тамчы шоу”  уены  ошады. Укучылар, Лилия апалары кушкан барлык эшләргә дә нык әзерләнгәннәр, шуңа да бәйрәм бик җанлы үте. Рәхмәт, Лилия, үзең теләп сайлаган бу һөнәрең киләчәктә сиңа зур уңышлар китерсен!

23 февраль – Ватанны саклаучылар көне уңаеннан Бөрбаш урта мәктәбе укучылар һәм укытучылар коллективы авылыбызның барлык бабайларын, әтиләрен, ир – егетләрен әлеге күркәм бәйрәм белән котладылар. Укучыларыбыз һәр йортка кереп, аларны матур итеп   котлап, открыткалар бүләк иттеләр.

Район күләмендә үткәрелгән “Йолдызлык – 2012” җыр һәм бию фестивалендә укучыларыбыз чыгыш ясап кайттылар.

23 нче февраль көнне Бөрбаш хоккей мәйданчыгында эшмәкәр Галиуллин Илдар призына  мәктәп укучылары,авыл яшьләре һәм студентлар арасында хоккей ярышлары булып узды. I урынны студентлар командасы,  II урынны мәктәп укучылары командасы, III урынны авыл яшьләре командасы яулады. Афәрин, егетләр!

21 нче февраль көнне 9 нчы сыйныфларда Рөстәм Шайдуллович ачык тәрбия сәгате үткәрде. “Кеше – Җирнең гүзәл чәчәге” темасы астында үткән бу чарада кешедә булырга тиешле  уңай сыйфатлар хакында сүз алып барылды. Рөстәм Шәйдуллович төрле мәкальләр һәм әйтемнәр аша бу сыйфатларны укучыларга аңлата һәм аларның мәгънәсенә төшендерә алды. Ачык тәрбия сәгате бик уңышлы үтте.

22 нче февраль көнне  укучыларыбыз макулатура җыю өмәсе үткәрделәр. Өмәдә барлык укучылар да зур активлык күрсәтте. Һәр укучы үз вакытында, тиешле күләмдә макулатура алып килеп тапшырды. Бу эшне  мәктәбебезнең хуҗалык эшләре җитәкчесе Эльмира апалары белән, укучылар оешмасында хәтер һәм тәртип саклау  министрлары булып торган егетләребез  Шафигуллин Фаяз һәм Сафаргалиев Азатлар  башкарды.

21 нче февраль көнне Казан Федераль университетында укучыларның һәм студентларның III Республикакүләм конференциясе булып үтте. Анда 10 нчы сыйныф укучысы Шарипова Гөлнур “Татар әдәбиятында әдәби- эстетик эзләнүләр” секциясендә чыгыш ясап, “Иң яхшы доклад ясаучы укучы” исемен алып, Мактау грамотасы белән бүләкләнде. Җитәкчесе Г.И. Мифтахова да сертификатка лаек булды. Аларның ясаган чыгышы “Татар лингвокультурологиясе: проблемалар һәм перспективалар” җыентыгында басылып чыкты