30 нчы май көнне, мәктәп күләмендә уку елы дәвамында  “Һәркөнне изгелек кыл!” акциясе кысыларында үткән ярышта 5, 6 сыйныф укучылары алдынгылар рәтенә чыгып, изге Болгар җиренә экскурсиягә бардылар. Укучыларыбыз андагы тарихи истәлекләрне  кызыксынып карадылар. Татар халкының данлыклы рәссамнары ясаган картиналарын күрделәр. Бу искиткеч күргәзмәләр залында алар һәммәсе истәлеккә фотоларга төштеләр. Аннан соң гаҗәеп сокландыргыч  Коръән китабы куелган зур залга күтәрелделәр. Нинди сокландыргыч мизгелләр! Шундый Изге Китап янында басып тору да, нинди зур дәрәҗә, нинди шатлык! Мондый искеткеч матурлыкны без тагын кайда күрер идек. Анда изге теләкләребезне теләдек.

  Тарихи, истәлекле урыннарны караганнан соң, укучыларыбыз, изге Болгар җиребездә намаз укыдылар. Күңелләреннән теләкләр теләп, дога кылдылар.

   Шундый матур, күңелле сәяхәтне оештырган директорыбыз Гүзәл Галимулловнага, район мәгариф бүлеге җитәкчесе Гөлнара Зәкәриевнага без зур рәхмәтебезне җиткерәбез. Без, сабыйлар күңеленә шундый изгелек орлыклары салганнары өчен,  Ходай аларның үзләрен зурласын. Эшләрендә зур уңышлар аларга!

   Сәяхәтне оештыруга матди ярдәм күрсәткән Җәлил хәзрәт Фазлыевка, Галиев Тәбрис Садыйк улына, Гильмуллин Илшат Рашит улына, Шәрипов Фәнис Энгель улына олы рәхмәтебезне белдерәбез. Безне автобуслар белән тәэмин иткән Норма мәктәбе директоры Габделфәрт Газыймовичка, Карадуган мәктәбе директоры Гөлсинә Фаилевнага зур рәхмәт. Шоферларыбыз Рифат һәм Рәҗәп абыйларга имин юллар телибез. Без бик бәхетле!