21 май көнне мәктәпнең укытучылар һәм укучылар коллективы өмәгә чыктылар. Мәктәп, мәчет, һәйкәл тирәсен чүп – чардан чистартып, тирә – юньне  җыештырып куйдылар. Өмәдә барлык кеше дә бик актив катнашты һәм барысы да тырышып эшләделәр

Мәктәбебездә  төрле юнәлештә сәләтле укучыларыбыз шактый. Биючеләр, җырчылар, нәфис сүз осталары, каләм  тибрәтүче – шагыйрьләр.  Шулар арасында ел да   шигырь язучы  балаларның сәләтен тагын да үстерү максатыннан  “Алтын каләм” конкурсы үткәрелә.   Бу конкурска 5 сыйныф укучысы Латыйпова  Алсу һәм 10 сыйныф укучысы  Шарипова Гөлнурларның иҗатлары да җибәрелде

Габдулла Тукай иҗатына багышлап укучылар стена газеталары  чыгардылар. Газеталарга  укучылар үзләре дә,  Тукайга һәм аның иҗатына багышлап шигырьләр язганнар, аның  шигырьләре һәм  әкиятләре буенча рәсемнәр дә ясаганнар

19 нчы апрель көнне 1 – 4 сыйныф укучылары белән берлектә, озайтылган көн тәрбиячесе  Фәния Мансуровна  Тукай туган көнен искә алып, аның иҗатына багышлап бик матур чара үткәрде. Бәйрәмгә Тукай әкиятләре геройлары да кунакка килде.

Ниһаять, яңа мәктәпкә нигез салу өчен эш башланып китте. Бер төркем эшчеләр балчык казу, мәктәп өчен төзелеш материллары кайтару эшләре белән шөгыльләнәләр.

17 нче апрель көнне туган тел айлыгы кысаларында башлангыч сыйныф укучылары арасында әкиятләр сөйләү конкурсы үткәрелде. Мәктәп күләмендә үткәрелгән бу бәйгедә иң оста әкият сөйләүчеләр булып -  1 нче сыйныф укучысы Валиев Асаф, 2 нче сыйныф укучысы Гарифуллин Әнис, 3 нче сыйныф укучысы  Нурмиев Илшат һәм 4 нче сыйныф укучысы Шәйхетдинов Шамил билгеләнде.

14 – 15 нче апрель  көннәрендә мәктәпләр арасында үткән волейбол ярышларында безнең  1996 – 1997 нче елгы кызларыбыз командасы зона ярышларында уңышлы чыгыш ясап, финал ярышларында катнаштылар һәм III урынны яуладылар.

13 нче апрель  көнне  Бөрбаш  мәчетендә   8 – 11 сыйныф укучылары Россия ислам  университеты ректоры Рәфыйкъ  Мөхәммәтшин белән очрашу үткәрделәр.

Укучыларыбыз район күләмендә үтәчәк “Парклар маршы” экологик конференциясенә әзерләнәләр. Шигырьләр, сочинениеләр яздылар, рәсемнәр ясадылар, табигать күренешләрен  фотога төшерделәр. Укучыларыбызга бу бәйгедә уңышлар телик!

Оргкомитет проекта  приглашает школьников общеобразовательных учреждений РФ,  учащихся учреждений  среднего профессионального образования к участию во  Всероссийском конкурсе  «Я знаю все».
Благодаря нашему проекту, теперь каждый желающий может принять участие в олимпиаде, не отходя от компьютера и проверить уровень знаний во всех областях.