28-29 августта халыкка хокукый ярдәм күрсәтү максатыннан мәгариф мәсьәләләре буенча "кайнар линия" телефоннары эшләячәк. Мәгариф учреждениеләрендә укучылар, аларның ата-аналары һәм укытучылар кайнар линия телефоннары аша мәгариф системасының төрле аспектларына кагылышлы сораулар бирә ала.

“Мәктәп эшчәнлеге кимендә кичке сәгать 8 гә кадәр дәвам итәргә тиеш. Ә күпчелек очракта анда тормыш төшке сәгать икедән соң тынып кала”, – дип белдерде ТР мәгариф һәм фән министры Альберт Гыйльметдинов Мамадыш районында “Дәрестән соң мәктәп” дигән темага багышланган укытучыларның төп август киңәшмәсендә. Мәктәпкә белем бирү генә түгел, хезмәткә өйрәтү, балаларның сәләтен ачарга ярдәм итү бурычы йөкләнә дигән сүз бу.

Ике ел вакыт узганнан соң, Казанга янәдән бөтендөнья татар яшьләре җыела. Матур традициягә әверелеп баручы әлеге форум быел юбилеен бәйрәм итә – аның беренче тапкыр оештырылуына инде 5 ел вакыт узып киткән.

Татарстанда яңа уку елы башланыр алдыннан, 20 августтан 20 сентябрьга кадәр, “Игътибар - балалар!” һәм, параллель рәвештә, “Автобус” операцияләре уздырыла. Әлеге чараларның икенчесе аеруча мәктәп автобусларына кагыла.

Бүген Татарстан Республикасы буенча ЭЭМның ЮХИДИ идарәсендә уздырылган матбугат конференциясендә шулар һәм балалар катнашында килеп чыккан һәлакәтләр, аларны киметү юллары хакында сүз булды.

Яңа мәктәп салу эшләре көннән – көн алга бара. Мәктәп тирәсендә эш кайнап тора. Һәркем үз хезмәтен җиренә җиткереп, тырышып башкара. Кемдер идән җәя, кемдер ут кертә, кемдер ишек куя, кемдер стеналарын эшли.

Мәктәп яны тәҗрибә участогында укучыларыбыз җәй буе тырышып эшләделәр. Кыяр, помидор, кәбестә уңышыннан  пешекчеләребез мәктәптә эшләгән һәркем өчен  яшелчә салатлары әзерлиләр.  Мәктәбебезнең тәҗрибә участогында барлык яшелчәләрнең дә уңышы зур, димәк бу укучыларыбыз һәм укытучыларыбызның  тырыш хезмәтләре нәтиҗәсе дигән сүз.

Россия Мәгариф һәм фән министрлыгы хәбәр иткәнчә, бердәм дәүләт имтиханнарына тагын үзгәрешләр кертеләчәк. Дәүләт сынаулары катлаулыгы ягыннан ике баскычка - базалы һәм профильлегә бүленәчәк. Әлеге эксперимент 2014 елда гамәлгә ашырылыр дип көтелә.

Елъярымга сузылган фикерләшүдән соң “Мәгариф турындагы” закон, ниһаять, хакимият тарафыннан уңай бәяләнде. Бу атнада ул Россия Дәүләт Думасы каравына кертеләчәк. Әмма белгечләр фикеренчә, документны камилләштерү юнәлешендәге эш әле тәмамланмаган. Хәзер дискуссияләр парламент дәрәҗәсендә дәвам итәр дип көтелә.

Күмәк хуҗалыкка ярдәм итү максатыннан укучыларыбыз эшкә чыктылар. Бер төркем укучыларыбыз амбар алдында эшләсәләр, кайберләре фермада һәм бәрәңге басуында эшләделәр.

Пәнҗешәмбе көнне балаларга катлаулы фәннәр укытырга ярамый. Россиянең баш санитария табибы Геннадий Онищенко әнә шулай ди. “Математика яки физиканы бу көнне укытырга ярамый, чөнки пәнҗешәмбе балалар өчен генә түгел, олылар өчен дә атнаның иң авыр көне булып санала”, – дигән ул бу хакта. Роспотребнадзор җитәкчесе моннан тыш барлык балаларны беренче сменада гына укытырга һәм физкультурага өстәмә буларак мәктәпләрдә бию дәресләрен кертергә тәкъдим иткән. Ә сез яңа уку елында нинди үзгәрешләр кертер идегез?