Халкыбызның алдынгы яшьләре янып йөргән мөһим проект, ниһаять, чишелешен табыр кебек. Бөтендөнья пәрәвезендә .tatar дигән югары дәрәҗәдәге доменны теркәүгә гариза бирелде.
Бу хәбәрне Казанда Интернет технологияләренә багышланган бер семинарда Ru-Center вәкиле Андрей Воробьев ирештерде. (Ул әлеге компаниядә PR һәм дәүләт органнары белән эшләүче департаментны җитәкли). Шулай ук .deti, .skolkovo, .рус кебек доменнар да үз язмышының хәл ителүен көтә.

Мәктәп бакчасында җәйге эшлэр башланды. 8-нче класс укучылары укытучылары Фирания Ханифовна, Вәсимә Мәгъфүровна белән помидор үсентеләрен утырттылар, чүп утыйлар, теплицага су сибәләр, чәчәк үсентеләрен карыйлар.

 9-нчы класс укучылары рус теле фәненнән имтиханга киттеләр. Ходай тел ачкычлары бирсен, яхшы оештыручылар насыйп булсын. Без аларга уңышлар телибез.
 

Сабантуйга әзерләнәбез. 8-нче класс укучылары район Сабан туена әзерләнәләр. Алар бәйрәм ачылышында татар биюе белән чыгыш ясаячаклар. Җитәкчеләре Гөлнара Тәлгатовна белән берлектә әзерлек эшләре бара.

ТР Дәүләт Киңәшчесе, Татарстан Республикасы тарихи һәм мәдәни истәлекләр торгызу Республика Фондының Попечительләр Советы Председателе М.Ш. Шәймиевтан мәктәп коллективына рәхмәт хаты килде. Укучыларыбыз, укытучылар, хезмәткәрләр көче белән уздырылган хәйрия ярминкәсеннән кергән 5 мең сум акчаны әлеге фондка җибәргән иделәр. Болгарны торгызу проектында катнашкан өчен укучыларыбыз Казан кремлендә узачак бүләкләү тантанасына чакырылачаклар.

30 нчы май көнне, мәктәп күләмендә уку елы дәвамында “Һәркөнне изгелек кыл!” акциясе кысыларында үткән ярышта 5, 6 сыйныф укучылары алдынгылар рәтенә чыгып, изге Болгар җиренә экскурсиягә бардылар. Укучыларыбыз андагы тарихи истәлекләрне кызыксынып карадылар. Татар халкының данлыклы рәссамнары ясаган картиналарын күрделәр. Бу искиткеч күргәзмәләр залында алар һәммәсе истәлеккә фотоларга төштеләр

31нче май көнне укучыларыбыз мәш килеп китапханә юлын таптадылар. Алар һәммәсе дә уку елы башында алган дәреслекләрен тәртипләп, китапханәгә тапшырдылар. Аннан соң үзләре укыган классларны җыештырып, бар нәрсәне үз урынына урнаштырып куйдылар. Укучылар, җәйге каникулларны матур, күңелле һәм файдалы итеп үткәрегез

Кадерле балалар бүген сезнең өчен икеләтә бәйрәм. Беренчесе балаларны саклау көне булса, икенчесе озын җәйге каникулларыгыз башланган көн. Сезнең барчагызга да матур, күңелле яллар телибез

Путинның беренче һәм икенче идарәсе арасында Президент булып торган Медведев укучыларга өр-яңа дәрес бүләк итеп китте.