Бүген 83 яшендә татар театрының легендасы Шәүкәт Биктимеров арабыздан китеп барды. Сәхнәдә әҗәлне алдый алган Әлмәндәр бабай, кызганыч, тормышта әҗәлне алдый алмады...

 28 нче май көнне көн явым – төшемле булуга карамастан, башлангыч сыйныф укучылары барысы да экскурсиягә килгәннәр иде. Ләкин алар көннәрен бушка уздырмадылар, мәктәп спорт залында уйнап, күңелле стартлар оештырып, ял итеп кайтып киттеләр

 Мәктәбебезнең бертөркем укучылары туризм ярышына әзерләнделәр. Алар Кара күл буена барачаклар. Укучыларыбызга бу ярышта зур уңышлар телик. Матур җиңуләр белән,  тагын да күп дуслар табып, күңелле ял итеп кайтсыннар дигән теләктә калабыз без.

 Яңа мәктәп салганлыктан, мәктәбебезнең тәҗрибә участогын үзгәртергә туры килде. Шунлыктан бар эшне яңа баштан башларга туры килде. Икенче җиргә  бакчалар ясап, инде барлык яшелчәләр, чәчәкләр дә утыртылды. Быел мәктәпкә теплица да алынды, үзебезнең  ир –егетләребез дә теплица ясадылар. Теплицаларга кыяр, помидорлар утыртылды. Инде бакчада чәчү эшләре төгәлләнде. Укучыларыбызның  тәҗрибә участогында эшләү графигы да билгеләнде. Алда, җәй айларында бакчаларда тырышып эшлисе, мул уңыш үстерәсе калды. Хезмәт сөючән тырыш укучыларыбыз һәм укытучыларыбыз тырышырлар, Алла боерса.

 28 нче май көнне 11 сыйныф укучыларының Бердәм Дәүләт Имтиханнары башланып китте. Бу көнне тарих һәм информатика фәннәреннән сайлап алу имтиханнары булды. Безнең укучыларыбыз Шарифуллин Илфат тарихтан, Галимов Хәлим информатикадан  имтиханнар тапшырдылар. Илфат, Хәлим, алган белемнәрегезне нык туплап, тырышып  эшләгез, зур уңышлар сезгә!

 26 нчы май көнне укытучылар һәм укучылар коллективы табигать кочагына сәяхәткә чыктылар. Һәр класс тәмледән –тәмле ашлар пешереп ашаганнан соң, күңелле уеннар уйнап, рәхәтләнеп ял итеп кайттылар.  Эх, ямьле дә соң безнең туган ягыбыз!

   25 нче май көнне  авылыбызның мәдәният йортында  “Соңгы кыңгырау” бәйрәме булып үзды. Шатлыклы да , шул ук вакытта моңсу да булган бу бәйрәм укучыларыбыз  күңелендә матур хисләр калдырды. Укучыларыбыз исеменә район җитәкчелегеннән, мәгариф бүлегенннән, авылыбызның җирле үзидарәсе тарафыннан, әти – әниләрдән бары тик изге теләкләр, матур сүзләр генә  әйтелде.

   24 нче май көнне мәктәбебезнең 8 сыйныф укучылары класслары белән Малмыж шәһәрендә үткән  Пионериянең 90 еллыгына багышланган дуслык учагында булып кайттылар. Безнең укучыларыбыз бию коллективы белән  барды. Әлеге чара укучыларга бик ошады, алар шат күңел белән, матур хисләр белән кайттылар.

8 һәм 10 сыйныф укучылары төрле фәннәрдән мониторинглар эшли башладылар. Укучыларыбызның нәтиҗәләре дә уңай. Өлгермәүче балалар юк. Афәрин, укучылар. Калган фәннәрдән дә тырышып эшләгез, зур уңышлар сезгә!

 22 май көнне 11 сыйныф укучылары татар теле фәненнән язмача имтихан тапшырдылар. 4 сәгать дәвамында 11 сыйныф укучылары үзләренең фикерләрен туплап, табигатьне саклау  темасы астында изложение яздылар.