Класстан тыш чара

Әлифба бәйрәме

2 март көнне 6 һәм 7 сыйныф укучылары бәйрәм концерты куйдылар. Бәйрәм концерты бик матур булды. Укучылар яңа җырлар, яңа биюләр башкардылар. Бәйрәмдә әниләренә үз куллары белән ясаган бүләкләрен дә тапшырдылар. Бәйрәм һәркем күңелендә матур хисләр калдырды.

Район этабында 6 сыйныфлар арасында үткән математик олимпиадада  безнең укучыларыбыз Сәләхетдинов Рәдис һәм Хайруллина Ләйсән дә катнашты. Районда нәтиҗәләре уңай булганлыктан, алар республика күләмендә үткәрелгән олимпиадаларда да катнашып кайттылар. Аларга  алда да уңышлар телибез, гел шулай акыллы, тырыш балалар булып калсыннар.

2 нче март көнне 8 нче сыйныфларда география фәненнән Мәгъфүр Раифович ачык дәрес күрсәтте. Укучылар укытучының сорауларына тулы һәм дөрес җаваплар бирделәр. Презентацияләр белән үткәрелгән дәрес укучылар өчен кызыклы һәм файдалы булды. Дәрес бик уңышлы утте.

Бариев Марат Мансурович призына үткәрелгән чаңгы ярышларының зона ярышларында безнең 1996 – 1997 елгы егетләр командасы яхшы уйнап, финал ярышларына үттеләр. Анда да укучыларыбыз зур тырышлык күрсәттеләр һәм истәлекле бүләккә лаек булдылар. Афәрин, егетләр! Киләчәктә дә сынатмаска, тагын да зуррак уңышларга ирешергә язсын сезгә !!!

1 нче март көнне дәресләрдән соң “Аргамак” укучылар оешмасының гомуми җыелышы булып үтте. Көн тәртибе буенча оборона – масса айлыгына нәтиҗәләр ясалды. Спорт һәм сәнгать министрлары үз юнәлешләрендәге эшләр турында чыгыш ясадылар һәм фикерләр алыштылар. Җыелыш ахырында спорт ярышларында актив катнашырга, бәйрәмнәрне күңелле һәм истә калдырырлык итеп үткәрергә дигән карар кабул иттеләр.

28, 29 нчы февраль көннәрендә, 9 нчы сыйныф укучылары математика һәм рус теле фәннәреннән пробный имтиханнарда булып кайттылар. Әлеге имтиханнар укучыларга үзләрен сынап карау максатыннан үткәрелә. Уку елы ахырында үтәчәк имтиханнарга укучылар тагын да тырышып әзерләнсеннәр һәм уңай нәтиҗәләргә ирешсеннәр иде дигән теләктә калабыз.

28 нче февраль көнне, Зөлфирә Зөфәровна 7 сыйныфларда татар теленән ачык дәрес күрсәтте. Дәреснең темасы “Җөмлә кисәкләрен гомумиләштереп кабатлау”. Яңа технологияләр кулланып үткәрелгән бу дәрестә укучылар алган белемнәрен тагын да ныгыттылар, теманы нык үзләштерүләрен күрсәттеләр һәм дәрестә бик актив булдылар.

Быел бердәм дәүләт имтиханнарын бирү тәртибе былтыргы кебек үзгә­решсез калачак. “1 февраль­дән соң кертелгән үзгә­решләр 2013 елга кагылачак”,– дип белдерде РФ мәгариф һәм фән министры Андрей Фурсенко.
Сынауларны алдан бирү этабы апрельдә башланачак. 20 апрельдә – рус теле, 23 – чит телләр, география, химия, тарих, 26 апрельдә – математика, 2 майда информатика һәм мәгълүмати-коммуника­ци­он технологияләр, биология, җәмгыять белеме, рус әдәбияты һәм физика имтиханнары билгеләнгән. Бу этапта билгеле сәбәпләр аркасында төп дулкында катнаша алмаучы чыгарылыш укучылары имтихан бирә. Төп этап 28 майдан 16 июньгә кадәр дәвам итәчәк. Барлыгы 14 фән ( рус теле һәм математика мәҗбүри) тәкъдим ителә. Бу этапларда катнаша алмаганнар өчен өченчесе бар.