23 нче май көнне Балтач районында 52 нче тапкыр өч республиканың дуслыгын күрсәтүче чара “Дуслык учагы” үткәрелде.Әлеге бәйрәмдә Татарстан, Марий Эл һәм Киров делегацияләре катнашты. Безнең мәктәбебез укытучылары һәм укучылары “Татар өе” станциясен оештыруда катнашты. Укучыларыбыз матур биюләре, тәмле чәйләре һәм кайнар коймаклары белән кунакларны каршы алдылар.Бәйрәм бик матур һәм күңелле үтте.

24 май көнне Бөрбаш мәдәният йортында әти-әниләр җыелышы үткәрелде. Һәр сыйныф җитәкчесе укучыларның чирек билгеләре, практика графигы белән таныштырды. Җыелышта балигъ булмаган балалар белән эшләүче муниципаль хезмәткәр Накипова Раушания Ленар кызы да катнашты.

22 май көнне 6 нчы сыйныфларда математика фәненнән арадаш аттестация үткәрелде

25 нче май көнне 9, 11 сыйныфлар өчен “Соңгы кыңгырау” бәйрәме үткәрелде.
Соңгы кыңгырау яңгырый бүген.
Яңа юл яра гомер агышы.
Соңгы кыңгырау-әнкәй догасы,
Изге юл тели аңың тавышы.

Иртәнге линейкада дежур торган 8 нче сыйныф укучылары атналык эшкә нәтиҗә ясады. Нәтиҗәләргә килгәндә, “Иң яхшы укучы класс” – 11, 3 нче сыйныф танылды.”Иң чиста класс”-6 нчы сыйныф, “Спорт сөюче класс”-10 нче сыйныф,“Иң тәртипле укучылар ” – 10 нчы сыйныф билгеләнде.

Районкүләмендә үткәрелгән “Талантлар парады”нда 10 нчы сыйныф укучысы Латыпова Алсу Балтач районы башкарма комитетының Рәхмәт хаты белән бүләкләнде

19 май көнне 10 нчы сыйныф укучылары,Гөбәйдуллин Ранил Мөнир улы җитәкчелегендә Туган якның тарихын өйрәнү максатыннан “Бөр” елгасы буенча туристик походка киттеләр.

Район күләмендә уку елы дәвамында олимпиадаларда катнашып уңышларга ирешкән укучыларны хөрмәтләү йөзеннән "талантлар парады" узды. Әлеге парадта мәктәбебез укучылары Гильмуллин Фәнис,Нуретдинов Нияз,Фахретдинов Рүзәл, Латыпова Алсу,Нуретдинова Фирүзә, Мотыйгуллина Нәзирә, Гимадиева Филүзә,Хазиева Динә катнашты. Аларга район мәгариф идарәсенең грамоталары тапшырылды.

20 май көнне укучыларыбыз урманга походка барып рәхәтләнеп ял итеп, көч туплап,табигатьнең матурлыгы белән сокланып кайттылар.

19 май- Пионер туган көне уңаеннан мәктәбебездә пионер-варислар өчен тантаналы линейка үтте.