Лагерьныӊ өченче көне кызыклы узды. Көн иртәнге зарядка белән башланды. Тәмле иртәнге аштан соӊ юл йөрү кагыйдәләре белән танышкач, көнебез спорт площадкада күӊелле стартлар белән дәвам итте. Ярыштан соӊ бераз ял итү максатыннан, укчылар этика кагыйдәләре белән танышты. Төшке аш вакыты да килеп җитте. Аннан укучылар өчен мавыктыргыч «Эрудит шоу» мероприятиесе узды. Көнгә йомгак ясалды, лагерьныӊ флагы төшерелде. Лагерьныӊ тагын бер көне артта калды.

Лагерьныӊ икенче көне кызыклы һәм мактыргыч узды. Укучылар көнне иртәнге зарядка белән башлады. Көн дәвамында юл йөрү кагыйдәләре буенча әнгәмә, спорт площадкасында туплы уеннар, рәсем конкурсы һәм математика фәненә багышланган « Үз уен» да катнаштылар. Көнне йомгаклаганда отрядларныӊ иӊ актив укучылары лагерьныӊ флагын төшерде. Лагерьныӊ тагын бер көне артта калды.

1 июнь – Халыкара балаларны яклау көне. Балаларның киләчәге матур булсын өчен тыныч, имин тормыш, яраткан туган җир, гаилә җылысы, күңелле балачак кирәк.
Шундый якты, шундый көләч
Беренче көне җәйнең,
Назлап кына сыйпап сөя,
Кочагыдай әнинең.
Балаларны яклау көне —
Шундый матур бәйрәм бар,
Мәйдан тулы бала-чага,
Балаларга урам тар.
Бәхетле безнең балачак,
Яклау-саклаулы булгач,
Чыңлап тора җырларыбыз,
Чәчкәгә, нурга тулгач.

Укучыларныӊ җәйге ялын кызыклы, файдалы уздыру максатыннан 1 июньнән мәктәп яны « Кояшкай» ял һәм сәламәтләндерү лагеры эшли башлады. Лагерьныӊ башлану көне «Баларны яклау көне» белән туры килгәнлектән, мәдәният хезмәткәрләре белән бергәлектә тәрбиячеләр күӊелле уеннар оештырды. Әлеге чара авылныӊ « Сабантуй паркы» нда узды.

1 июнь көнне “Могҗиза” хезмәт һәм ял лагере эшли башлады. Укучыларыбыз мәктәп бакчасында тырышып эшләделәр, күңелле ял иттеләр.

31 май көнне 11 нче сыйныф укучылары математикадан имтихан тапшыралар.Аларга уңышлар теләп калыйк.

30 май көнне укучыларның читраттагы гомуми җыелышы үткәрелде. Һәр сыйныф ел буена эшләнгән эшкә отчет ясады,укучылар оешмасына яңа президент, министрлар сайланды.

30 май көнне 9 нчы сыйныф укучылары рус теленнән имтихан тапшыралар.Аларга уңышлар теләп калыйк.

24 май көнне Бөрбаш мәдәният йортында Нәҗип Әминовның “Мәңгелек яра” (“Кичер мине, Гөлсем”) спектаклен карадык.

26 нчы май көнне 7 нче сыйныф укучылары “Чисталык акциясендә” катнашып каенлык, плотина буйларын чүптән чистарттылар.