26 апрель - татар шагыйре Г.Тукайның туган көне. Шушы уңайдан 27 нче апрель көнне мәктәбебездә Шигърият бәйрәме узды. Укучыларыбыз Г.Тукай шигырьләрен сәнгатьле итеп яттан сөйләделәр, кайберләрен сәхнәләштерделәр. Бәйрәм Г.Тукай сүзләренә язылган җырлар белән үрелеп барды. Соңыннан барыбыз бергә "Туган тел" җырын башкардык

29 нчы апрель көнне мәктәбебездә өмә уздырылды. Һәр сыйныф үз биләмәләрен чиста итеп җыештырды, тәртипләде.Укучыларыбыз бакчада түтәлләр казыдылар, орлык өчен кишер, чөгендер уттыртылар. Һәркем тырышып эшләде, мәктәбебез тирәсе матурланып калды.

28 апрель көнне 8 классларда физика фәненнән Бөтенрәссәй тикшерү эшләре (ВПР) башкарылды.

С 24 по 30 апреля 2017 года по инициативе Всемирной организации здравоохранения в Российской Федерации планируется проведение очередной Европейской недели иммунизации, тема которой "Вакцины приносят результат!"

27 нче апрель көнне башлангыч сыйныф укучылары төрле һөнәр ияләре белән танышу максатыннан тәрбия сәгатендә авылыбызда терлекче булып эшләүче Миннебаева Кадрия белән очраштылар. Миннебаева Кадрия фермада бозау карау үзенчәлекләре, фермада эшләүче башка һөнәр ияләре турында белешмә бирде. Ул шулай ук баштагы һөнәрләре:урманчылыктагы хезмәте, тегүче һөнәре турында да балаларны кызыксындырган сорауларга җавап бирде. Балалар очрашуда үзләре өчен бик күп кызыклы мәгълүмат алдылар. 

26 нчы апрель көнне Бөрбаш мәдәният йортында укучыларыбызның иҗат отчет концерты һәм ярминкә гөрләп узды. Укучыларыбыз үзләренең талантларын һәр яклап күрсәтә алдылар.Алар арасында оста җырлаучылар, биючеләр, нәфис сүз осталарын күрергә була иде. Шушындый талантлы яшьләребезне тәрбияләгән өчен барлык укытучыларга да зур рәхмәтебезне белдерәбез.

3 нче сыйныф укучысы Гарифуллина Хания район буенча өченче сыйныфлар арасында математика фәне буенча уздырылган олимпиадада катнашып призер булды һәм диплом белән бүләкләнде. Ханияне әзерләгән укытучы Яббарова Әлфирә Мансуровнаны һәм Ханияне матур җиңүләре белән котлыйбыз, зур уңышлар теләп калабыз. Афәрин Хания!

Казан шәһәрендә уздырылган“Созвездие-Йолдызлык-2017” конкурсының йомгаклау этабында мәктәбебезнең 4 нче сыйныф укучысы Мухарлямова Динә бию коллективы белән матур чыгыш ясап диплом һәм медаль белән бүләкләнде. Динәне чын күңелдән котлыйбыз! 

“Илһам” Бөтенроссия яшь язучылар бәйгесендә безнең мәктәптән 11 нче сыйныф укучысы Нуретдинов Нияз, 4 нче сыйныф укучысы Корбангалиева Энҗе катнашып Татарстан Республикасы язучылар берлеге исеменнән диплом белән бүләкләнделәр. Әлеге укучыларыны әзерләгән укытучылар Нуретдинова Зөлфирә Зөфәровна һәм Гилмуллина Рамиля Шамилевнага зур рәхмәтебезне белдерәбез.

10 нчы сыйныф укучысы Латыпова Алсу Казан шәһәрендә уздырылган V Бөтендөнья олимпиадасында катнашып кайтты. Алсу үзенең белемнәрен татар теле буенча сынады һәм сынатмады. Ул призер булды һәм диплом белән бүләкләнде. Алсуны әзерләгән укытучылар Бариева Гүзәл Галимулловна һәм Нуретдинова Зөлфирә Зөфәровнага зур рәхмәтебезне җиткерәбез. Алсуга алдагы олимпиадаларда да уңышлар теләп калабыз. Афәрин Алсу!