Балтач “Хыял” спорткомплексында“Куркынычсыз тәгәрмәч-2017”конкурсы булып үтте. Безнең мәктәптән 5 нче сыйныф укучылары Галиуллин Илсаф, Вафин Динияр, Хөсәенова Зәринә, Базагутининова Диния 2 урында калып грамота һәм истәлекле бүләкләр белән бүләкләнделәр. Команданы һәм аларны әзерләгән ТИН укытучысы Акбиров Рим Фәргатовичны чың күңелдән җиңүләре белән котлыйбыз.

5-10 сыйныфлар өчен психологик мониторинг үткәрелде.

Иртәнге линейкада дежур торган 10 нчы сыйныф укучылары атналык эшкә нәтиҗә ясады. Нәтиҗәләргә килгәндә, “Иң яхшы укучы класс” – 10, 4 нче сыйныф танылды.”Иң чиста класс”-7 нче сыйныф, “Спорт сөюче класс”-7 нче сыйныф,“Иң тәртипле укучылар ” – 11нче сыйныф билгеләнде.

6 нчы май көнне Норма урта мәктәбендә Татарстанның атказанган тренеры РСФСРның спорт остасы Васыйл Габделхәй улы Гарифуллин истәлегенә милли спорт көрәше ярышлары уздырылды. Безнең егетләребез әлеге ярышта катнашып призлы урыннар яулап кайттыллар. 7 нче сыйныф укучылары Әүхадиев Ранил -1 урын, Тимербаев Айрат-2 урын,6 нчы сыйныф укучысы Әүхәдиев Ленар-1 урында калып диплом һәм медаль белән бүләкләнделәр. Афәрин егетләребез! 

8 май көнне укучыларыбыз сугышта катнашкан әби-бабайлары, туганнары истәлегенә “Үлемсез полк “ акциясендә катнашып, авылыбыз урамнары буенча йөрделәр.

4 май көнне барлык классларда да “Алар Җиңү алып килде” темасы астында тәрбия сәгатьләре үткәрелде.

4 май көнне 9 нчы сыйныф укучылары Кукмара аграр көллиятеннән килгән укытучылар белән очраштылар. Киләчәктә үз һөнәрләрен авыл хуҗалыгы белән бәйләргә теләүче укучылар кызыксындырган сорауларына җаваплар алдылар.

8 май көнне Бөек Җиңүнең 72 еллыгына уңаеннан митинг оештырылды. Бу митингта сугыш ветераны Хөснетдинова Нурҗиһан апа, тыл ветераннары, сугыш чоры балалары катнашты. Ветераннарыбыз хөрмәтенә матур сүзләр ,теләкләр әйтелде. Укучыларыбыз катнашында матур биюләр, яңа җырлар башкарылды. Һәйкәлгә венок куйганнан соң 1 минутлык тынлык белән батырларча һәлак булганнарны искә алу булды.Бәйрәмнең беренче өлеше тәмамлангач, кунаклар чәй табыны янына уздылар.

Бөек Җиңүнең 72 еллыгына һәр сыйныф “Яран гөле” акциясендә катнаша. 8май көнне әлеге яраннар һәйкәл тирәсен бизәп торырлар.

Бөек Җиңүнең 72 еллыгына карата мәктәбебездә төрле чаралар үткәрелә.Укучыларыбыз үзидарәсе тарафыннан сугыш ветераны Хөснетдинова Нурҗиһан апага, тыл ветераннарына, сугыш чоры балаларына котлау открыткалары таратылды.