19 май көнне 4 нче сыйныф укучыларын вариска кабул итү линейкасы уздырылды

18, 19 нчы май көннәрендә 9 нчы сыйныфларда рус теленнән, математикадан сынау имтиханнары үткәрелде. Укучылар кабат белемнәрен тикшерделәр.

Мәктәп бакчасында язгы эшләр гөрли. 8, 10нчы сыйныф укучылары суган, чәчәк утырттылар. Укучыларыбыз бик тырышып эшләделәр,аларга зур рәхмәтебезне белдерәбез.

17 нче май көнне 11 нче сыйныфлар татар теленнән мониторинг эшләделәр

18 нче май көнне 8 нче сыйныфларда “Гаилә татулыгы белән көчле” дигән темага тәрбия сәгате үтте.Тәрбия сәгатенә Дәминов Рәдифнең әнисе Минзәлия апа килгән иде.Өч бала тәрбияләүче әни буларак, ул балаларга үзенең киңәшләрен җиткәрде.Укучыларның сорауларына җаваплар бирде һәм өлкәннәрнең сүзен тыңларга,тырышып укырга кушты.

19 май көнне бишенче сыйныфларда математика фәнненнән арадаш аттестация үткәрелде. Укучылар үзләренең белемнәрен кабат тикшерә алдылар.

“15 май Гаилә көне” уңаеннан башлангыч классларда “Минем гаиләм” дип исемләнгән рәсем конкурсы узды..

“15 май Гаилә көне” уңаеннан барлык классларда да тәрбия сәгатьләре, очрашулар үткәрелде.11 класс укучылары классташлары Рөстәмнең әтисе Низамиев Рафис Равил улы белән очрашты Рафис абый үзенең тормышын, гаиләсе турында сөйләде. Укучыларга имтиханнарын уңышлы бирүләрен һәм киләчәктә матур гаилә коруларын теләп калды.

16 май көнне 5 нче сыйныф укучылары Мифтахов Фәргат Миннәхмәт улы белән очрашып “Гаилә-бәхет ачкычы” дигән темага тәрбия сәгате үткәрделәр.Әтиләр гаиләнең терәге, саклаучысы икәненә инандылар.

13 нче май көнне укучыларыбыз макулатура җыйнауда актив катнаштылар. Мәктәп буенча барлыгы 1060 кг макулатура җыелды. “Иң күп макулатура җыючы” 3 нче сыйныф укучысы Нурмиева Зилә булды. Ул 88 кг кәгазь тапшырды. Афәрин Зилә!.