23 нче апрель көнне Балтач спорткомплексында каратэ буенча ярышлар уздырылды. 2 нче сыйныф укучысы Базагутинов Әмир әлеге ярышта 1,2 урын алып диплом һәм медаль белән бүләкләнде. Әмирне бу зур җиңүе белән котлыйбыз, уңышлар теләп калабыз.

Мәктәбебездә тәҗрибә уртаклашу максатында ачык дәресләр дәвам итә. Бу атнада инглиз теле укытучысы Г.С.Мөхетдинова кышкы спорт төрләре темасына , презентацияләр кулланып 5- классларда матур дәрес күрсәтте. Хезмәттәшебезгә алдагы эшләрендә дә уңышлар, ә укучыларыбызга киләчәктә дә шундый актив булуларын теләп калабыз.

Туган тел айлыгы кысаларында башлангыч сыйныф укучылары арасында шигырь сөйләү конкурсы булып узды.Балалар Г. Тукай шигырьләрен яттан сөйләде. Конкурста барлык укучылар да актив катнашты.

Иртәнге линейкада дежур торган 7 нче сыйныф укучылары атналык эшкә нәтиҗә ясады. Нәтиҗәләргә килгәндә, “Иң яхшы укучы класс” – 11, 2 нче сыйныф танылды.”Иң чиста класс”-10 нчы сыйныф, “Шәфкатьле класс”-7 нче сыйныф,“Иң тәртипле укучылар ” - 11нче сыйныф билгеләнде.

25 нче апрель көнне Г.Тукайның иҗатына карата кул эшләре күргәзмәсе куелды. 7 нче сыйныф укучылары бик тырышканнар. Аларның хезмәтендә Шүрәле белән Былтырны да, Су анасын да,Кәҗә белән Сарыкны һ.б.геройларны да күрергә мөмкин.1 урын Файзрахманова Нәргизә, 2 урын Габидуллина Зәлидә, 3 урын Шарипова Фәйрүзә булды

Мәктәп буенча уздырылган “Иң матур сыерчык оясы”конкурсына йомгак ясалды һәм җиңүчеләр билгеләнде.

Мәктәп буенча уздырылган “Иң күп бөре җыючы”бәйгесенә йомгак ясалды һәм җиңүчеләр билгеләнде.

22 нче апрель көнендә башлангыч сыйныфларда Бөтенрәссәй экологик дәрес үткәрелде

15-22 нче апрель көннәрендә Бөтенрәссәй экологик дәрес үткәрелде. Бу акция кысаларында 5-11 сыйныфларда экологик диктант үткәреләде. Укучылар экология, биология фәннәреннән белемнәрен тикшерә алдылар.

25 апрель көнне 4 классларда математика фәненнән Бөтенрәссәй тикшерү эшләре (ВПР) башкарылды.