Иртәнге линейкада дежур торган 9 нчы сыйныф укучылары атналык эшкә нәтиҗә ясады. Нәтиҗәләргә килгәндә, “Иң яхшы укучы класс” – 11, 4 нче сыйныф танылды.”Иң чиста класс”-6 нчы сыйныф, “Шәфкатьле класс”-5 нче сыйныф,“Иң тәртипле укучылар ” - 10 нчы сыйныф, “Спорт сөюче класс”-7,8 сыйныф билгеләнде.

Мәктәбебездә “Туган тел” айлыгы кысаларында төрле чаралар үткәрелә.

6 нчы апрель көнне 8 нче сыйныфта” И туган тел, и матур тел” исемле тәрбия сәгате үтте. Тәрбия сәгатендә укучылар телебез турында күп кенә мәкаль-әйтемнәрне искә төшерделәр. Әдипләребез әйткән матур фикерләрне тыңладылар. Укучыларга һәрчак үз сөйләмнәренә игътибарлы булырга тәкъдим ителде. Татар теле- иң матур тел, иң нечкә, ягымлы, татлы һәм туган тел! Яратыйк аны, пычратмыйк! Бездән соң килгән буыннар да саф, чиста, бөек татар телендә горурланып сөйләшсеннәр иде. 8 нче сыйныфлар туган телебезгә карата булган фикерләрен соңыннан инша итеп язып та бирделәр.

6 нчы апрель көнне һөнәр үзләштерү лицеенда кирпеч салу буенча укучыларыбыз көч сынаштылар. Нәтиҗәгә килгәндә Галиев Дилүс -1 урында. Шакиров Рәмзил 4 урында калдылар.Җитәкчеләре Сибагатуллин Мәлик Тимерхан улы.

4 апрель көнне Гимназиядә тегү буенча, 5 нче апрель көнне Сосна урта мәктәбендә флористика буенча укучыларыбыз көч сынаштылар. Нәтиҗәгә килгәндә Хәҗиева Динә -1 урында. Мотыйгуллина Нәзирә 3 урында калдылар.Җитәкчеләре Хөсәенова Фирания Ханифовна.

6 нчы апрель көнне Бөрбаш урта мәктәбендә JuniorSkills этабы булып узды. Укучылар агач эшкәртү һәм авыл хуҗалыгы буенча көч сынашты

3 нче апрель көнне Г.Тукай исемендәге Арча педогогия көллиятендә “Илһам”Бөтенрәссәй яшь язучылар бәйгесенең зона этабы үтте. Әлеге бәйгедә Балтач районыннан 27 бала катнашты. Алар арасында безнең мәктәптән 4 нче сыйныф укучысы Корбангалиева Энҗе һәм 11 нче сыйныф укучысы Нуретдинов Нияз катнаштылар.

5 нче апрель көнне Балтач мәдәният йортында Айдар Файзрахманов җитәкчелегендәге җыр-бию ансамбле Балтач районы укытучылары,ветеран укытучылар һәм укучылар өчен искиткеч матур концерт бүләк иттеләр.

5 нче апрель көнне Г.Тукайның тормыш юлы һәм иҗатына карата 6 нчы сыйныф укучылары белән “Шигырьне таны” уены оштырылды. Икенче турга Газизуллин Кәрим, Хабибрахманова Зөләйхә, Идрисов Җәлил үтте. Г.Тукайның иҗатын иң күп белүче Газизуллин Кәрим булды.

1 апрель көнне Кукмара районы Мәмәшир урта мәктәбендә “Туган якны” өйрәнү буенча фәнни-эзләнү конференциясе булып узды. Мәктәбебез укучылары 8 нче сыйныф укучысы Корбанова Чулпан лауреат , 7 нче сыйныф укучысы Шарипова Фәйрүзә 3 урында калып грамота белән бүләкләнделәр.Әлеге укчыларны әзерләгән укытучыларга Гөбәйдуллин Ранил Мөнир улына һәи Миннемуллин Айгиз Рафил улына зур рәхмәтебезне белдерәбез.