9 февраль көнне 5 класста “Хәрби-партиотик айлык”ка багышланган  “Язмыш сынауларын кичеп...” дигән класс сәгате үткәрелде. Анда укучылар авылыбызның хөрмәтле кешесе Бөек Ватан сугышы ветераны Шәрипов Нәҗип абыйның тормыш юлы белән таныштылар. Аның фотоальбомын караганнан соң, укучылар үзләренең алган тәэсирләрен, уй-кичерешләрен җиткерделәр.

8 нче февраль озайтылган көн төркеменә йөрүче балалар арасында “Без тынычлык яклы!”дигэә темага күңелле стартлар уены булып узды. Балалар ике командага бүленеп, үзләренең җитезлекләрен, көчләрен сынадылар.

8 февраль көнне 7 класс укучылары "Хәрби-партиотик айлык"ка багышланган класс сәгатендә "Диверсант" фильмының 1 сериясен карадылар. Аннары алар фильм турында үзләренең уй-кичерешләре белән уртаклашып, матур гына әңгәмә кордылар.

5 февраль көнне Сабада узган Татарстан Республикасының   укучылар арасында гер күтәрү буенча 8-нче спартакиадасының район туры булып узды. Безнең 9 класс укучылары Ханнанов Ильдар (2 урын), Галимов Ранис (1 урын), Ваесов Галинур (1 урын) яуладылар. Котлыйбыз! Уңышлар сезгә!

4 февраль көнне мәктәп күләмендә  мылтыктан ату буенча "Президент ярышлары” үткәрелде.

2-3 февраль көннәрендә безнең мәктәптә " Хәрби-патриотик айлыкка" багышланган чаңгы ярышлары булып узды. 1-11 класс укучылары, укытучылар коллективы чаңгыга бастылар. Даими шөгыльләнүбезнең нәтиҗәсе -  Шарипов Делюс (8 класс), Хөсәенов Данир (9 класс), Гомәров Ильнур( 7 класс) беренче булып килделәр. Укытучылар да укучылардан калышмады. 1 урында Зайнагиев Н. М., 2 урында- Гарипова А. Р., 3 урында-Зиннатова Э. Ш..

2 февраль көнне 7 класс укучылары  Бөек Ватан сугышында бик күп батырлыклар күрсәткән Чәчкә Заһирова тормышы белән  таныштылар һәм күп мәгълүмат алдылар.

1 февраль көнне Шекше урта мәктәбендә “Хәрби-патриотик тәрбия айлыгы” башланды. Айлык дәвамында күп кенә кызыклы чаралар, спорт уеннары һәм башка төрле конкурслар планлаштырыла. Барлык укучыларны чараларда актив катнашырга чакырабыз.

28 январь көнне безнең мәктәптә ата-аналар җыелышы булып узды. “Баланы фикерләргә өйрәтәбез! " темасына доклад белән   Галимзянова Г.Г. , Габдулхакова М.Р. чыгыш ясадылар. Алар тренинг формасында ата-аналарга балаларның фикерләү сәләтен үстерүнең юлларын күрсәттеләр. Тәрбия эшләре буенча директор урынбасары Гарифуллина Г.Р. укыту- тәрбия процессында таяна торган төп документлар белән таныштырды. Укыту эшләре буенча директор урынбасары Давыдова Т.А. I нче  яртыеллык нәтиҗәләре, БДИ һәм  ГИА га әзерлек турында әйтеп китте. Ахырдан ата-аналарны кызыксындырган сорауларга директор Зайнагиев Н.М. җавап бирде.

Бу ай дәвамында классларда БДБ тарихына багышланган дәресләр үтте. Бу чараларның максаты булып балаларда патриотик хисләр тәрбияләү, һәр илнең кануннарына һәм символларына карата кызыксыну уяту, ул дәүләтләрнең сәясәте, сәнәгате, яшәеш нормалары белән таныштыру тора. Башлангыч классларда  уен формасында "Дуслык белән көчле без!" исемле чара үткәрелде (җит. Кашапова Г. З., Мирасова Л. Т., Габдрахманова Р. М.). 5-6 класста "Яшәсен дуслык!" дәрес-практикумында балалар  БДБ символларыннан  "Дуслык панносы" ясадылар һәм анда үз теләкләрен яздылар (җит. Галимзянова Г. Г.) 7 класста "БДБ илләре буенча сәяхәт-дәрес" узды (җит. Габдулхакова М. Р.). Өлкән  классларда "Бәйсез дәүләтләр берләшмәсе" класс сәгатьләре үткәрелде.