22 нче апрель көнне башлангыч класс укучыларына янгын куркынычсызлыгы буенча дәрес бирелде. Янгын булган очракта үз - үзеңне ничек тотарга икәнлекне искә төшерделәр. Эвакуация планын кабат өйрәнеп, практикада кулланып карадылар.

21 апрель көнне мәктәбебездә "Работа над текстом как основа подготовки к ЕГЭ по русскому языку" темасына рус теле һәм әдәбияты укытучыларының район семинары узды. Эшлекле сөйләшүдә рус телен һәм әдәбиятын укытудагы мөһим мәсьәләләр- БДИ һәм ГИАга әзерләү, белем күтәрү курсларыннан яңалыклар- турында сүз барды. Мәктәпнең рус теле укытучылары Гарифуллина Г.Р. 8 класста К.Г.Паустовскийның "Телеграмма" хикәясе буенча "Зарубки на сердце" темасына "фильм төшерү" формасында дәрес-импровизация, Давыдова Т.А. 10 класста "Синтаксис словосочетания и простого предложения" темасына БДИга рус теленнән әзерлек дәресе үткәрде. Габдулхакова М.Р. кунакларга "В гостях у сказки" дигән "литературная гостиная" күрсәтте. Рус телчеләре семинары эшлекле үтте.

15 апрель көнне теннис сөючеләр Казан шәһәрендә булдылар. Якташыбызга көч бирделәр. Җиңү кабат Сабада.

18 нче апрель көнне башлангыч класслар укытучысы Кашапова Г.З. татар теле фәненнән ачык дәрес күрсәтте.

Саба мәдәният йортында Космонавтиканың 50 еллык юбилее уңаеннан "Йолдызларга омтылам" дип исемләнгән смотр-бәйге  оештырылды. Безнең мәктәп укучылары, Габделхакова Айгөл, Зиннатова Әдилә, Мирзагалләмова Диләрә, Зиннатов Айзат, Халиуллина Нурсилә, Фаваризова Рәлинә, бу бәйгедә актив катнаштылар һәм Грамотага лаек булдылар.

Бер төркем укытучылар (Амиров Ф.М., Амирова Л.С., Каримова А.И.,Ханнанова А.С.) Казан шәһәре Мәгариф үзәгенең 178 нче мәктәбе белән якыннан таныштылар.  Алар заманча ачык дәресләрдә булдылар, түгәрәкләр эшчәнлеген карадылар, чын мәгънәсендә тәҗрибә туплап кайттылар.

2 класс укучылары Халыкара "Инфознайка 2011", "Конкурс Специалистов" конкурсларында актив катнаштылар. Һәр укучы Сертификатка ия булды, ә Зиннатов Айзат Җиңүче Дипломына һәм истәлек бүләгенә лаек булды. Афәрин!

12 апрельдә Космонавтика көнен билгеләп үтәбез. 1961 нче елның 12 апрелендә, дөньяда беренче буларак, бортына кеше утырган "Восток” космик корабле җир тирәли орбитага чыгарылды. Бу кеше-очучы космонавты Юрий Алексеевич Гагарин. Ул илебез хөкүмәте тапшырган эшне үтәде. Әлеге истәлекле көн Шекше урта мәктәбендә дә билгеләп үтелде. Дөньяны танып-белү эшчәнлеген үстерү, әйләнә -тирәлектә баручы күренешләрне аңлауларына этәргеч бирү, матурлыкны күрә белергә өйрәтү, туган җиргә мәхәббәт тәрбияләү максатыннан, 8нче һәм 11нче классларда тәрбия сәгате Космонавтика көненә багышланды. Укучылар Ю. Гагарин турында видео карадылар һәм бик күп яңалык тупланган презентация белән таныштылар.

12 апрель - Космонавтика көне уңаеннан 7 класста (класс җитәкчесе Габдулхакова М.Р.) "Син Ю. Гагаринны яхшы беләсеңме?" дигән темага класс сәгате үтте. Укучылар Ю.Гагарин турында төрле кызыклы чыгышлар ясадылар. Бу тәрбия сәгатендә укучылар космонавт турында бик күп кызыклы мәгълүматлар алдылар.

8 апрель көнне безнең мәктәптә "Аҗаган - 2011" зона ярышлары узды. Анда Шекше, Шәмәрдән, Корсабаш, Явлаштау, Иштуган мәктәп командалары мылтыктан атуда, автомат җыюда, ОЗК киюдә, төзелеш һәм җыр конкурсларында көч сынаштылар. Шекше мәктәп командасы 1, Шәмәрдән - 2, Явлаштау - 3 урынга лаек булдылар.