Буген, ягъни 14 февраль көнне Сабада Татарстан Республикасының 8-нче спартакиадасында волейбол буенча район туры узды. Шекше мәктәбеннән кызлар командасы (1996-1998 еллар) да актив катнашты. Алар Шытсу авылы мәктәбе укучыларын 2:0 исәбе белән җиңеп, Тимершык мәктәбе укучыларына 2:1 исәбе белән юл куйдылар. Аларга алдагы уеннарында һәм укуларында уңышлар теләп калабыз.

Бүген 13 февраль көнне Шекше урта мәктәбе базасында "Лыжня России - 2011" дип аталган массакүләм чаңгыда шуу ярышы узды. Әлеге ярышта укучылар, укытучылар, техник хезмәткәрләр актив катнашты.Иң кечкенә шуучыга 3 яшь.

Буген, ягъни 12 февраль көнне Сабада Татарстан Республикасының 8-нче спартакиадасында волейбол буенча район туры узды. Шекше мәктәбеннән егетләр  командасы (1995-1997 еллар) да катнашты. 14 февраль көнне узачак ярышларда кызлар командасына (1996-1998 еллар) да уңышлар теләп калабыз.

11нче февраль көнне 11нче класста "Хәрби-патриотик айлык"ка багышланган тәрбия дәресендә укучылар Советлар Союзы герое дигән бөек исемгә лаек булган пионерлар белән таныштылар. Валя Котик, Леня Голиков, Марат Казей, Зина Портнованың батырлыклары турында бик кызыксынып тыңладылар. Әлеге яшь пионерларның тәвәккәллеге, батырлыгы кебек сыйфатлары укучыларда соклану хисе уятты.

Нәҗип  Җиһановның тууына 100 ел булуга багышланган "Дулкыннар" Республика конкурсының район турында безнең укучылар да катнашты. Гарипова Динәнең (8 класс) "Кара урман" сюитасына , Зайнагиева Зәлинәнең (6 класс) "Зөһрә" балетына төрле ысуллар кулланып ясалган рәсемнәре сайлап алу турына җибәрелде.

Мәктәп шугалагы балаларның шат тавышыннан бер дә тынып тормый. Менә бүген дә I , II  класс укучылары үзләренең укытучылары белән шугалакта күңел ачалар.

Февраль ае  хәрби-патриотик тәрбия бирүгә юнәлтелде. Шул максаттан классларда төрле темага эш алып барыла, чаралар үткәрелә. Мәсәлән,  I ,  II класс укучылары “Әти дә солдат булган” рәсем конкурсында бик теләп катнаштылар һәм әтиләре турында горурланып сөйләделәр.

10 февраль көнне тәрбия сәгатендә 7 класс укучылары хәрби җырлар өйрәнделәр. Класс җитәкчеләре Миләүшә Рамилевна укучыларга бу җырларнынның  ничек килеп чыгуы турында сөйләде. Бу укучыларда хәрби җырларга карата тагын да ныграк мәхәббәт уятты.

Мәктәбебездә "Хәрби-партиотик айлык" дәвам итә. 10 февраль көнне башлангыч класс укучылары традицияләренә тугры калып, быел да армия сафларында хезмәт иткән авылдаш егетләр белән "Солдатта булган диләр” темасы астында очрашу үткәрделәр. Габдулхаков Ленар хезмәт иткән чорында әти-әни, туган авыл , дусларын сагыну турында сөйләсә, Хәйретдинов Илназ егетләргә армиягә баруның кирәклеген аңлатты. Очрашу бик җанлы үтте, укучылар теләгән сорауларына җавап алдылар. Кичә истәлек бүләкләре тапшыру белән тәмамланды.

21 февраль - Халыкара Туган тел көне уңаеннан 6 класста "Халыкка багышланган гомер" дигән Н. Исәнбәт иҗаты буенча кичә-дәрес үткәрелде. Укучылар дәрескә бик күп эзләнделәр, язучының күпкырлы эшчәнлеген барладылар. Дәрес укучыларга бик күп мәгълүмат бирде.