25 февраль көнне мәктәп китапханәсендә "Халыкара туган тел" айлыгы кысаларында "Сүзлекләрдә тел байлыгы" исемле библиографик дәрес үтте. Китапханәче 5 класс укучыларын тел һәм сүзлекләр тарихы, китапханә фондындагы сүзлек төрләре белән таныштырды. Укучылар кызыксынып сүзлекләр белән эшләделәр.

Ватанны саклаучылар  көне уңаеннан, 22 февральдә, мәктәп укучылары арасында эстафета уеннары булып узды. Барлык балалар 4 командага бүленеп ярыштылар. Җиңүче командага мәктәп дирекциясе истәлекле бүләкләр, ә калган командаларга Рәхмәт хатлары  тапшырды.

Шимбә көнне мәктәптә бәйрәм кичәсе гөрләде. 2 класс укучылары үзләренең әтиләре, бабайлары белән бергәләшеп җитезлектә, тапкырлыкта көч сынаштылар. Аннары укучылар бик матур концерт күрсәттеләр, үзләре ясаган бүләкләрен тапшырдылар.

19 нчы февраль көнне 4 нче класс укучылары әти-әниләре белән шугалакка килде. Тимераякта шуу, төрле уеннар, ярышлар бик күңелле булды.

19 февраль көнне мәктәбебездә 9 класс укучылары рус теленнән (укытучы Габдулхакова М.Р.) ГИА бирделәр. ГИА барлык таләпләргә туры китерелеп үткәрелде.

15 нче февральдә Әфган сугышына багышланган класс сәгатьләре үтте. СССР гаскәрләренең Әфган җирләреннән чыгарылуына 22 ел үтсә дә, алар безнең хәтердән юылмый.

Укучыларыбыз төрле конкурсларда бик теләп катнашалар. "Универсиаданы каршылап!" социаль реклама республика бәйгесендә 5 класс укучысы Габделхакова Айгөлнең эше (җитәкчесе Габделхакова Г.Р.) 3 нче урынга лаек булды. Аңа Мәгариф Министрлыгының класстан тыш эшләр буенча республика үзәгенең Дипломы тапшырылды.

12 февраль көнне 6 класс укучылары арасында математика фәненнән район олимпиадасы үткәрелде. Укучыбыз Фатыйхов Салават (укытучысы Назирова Д.А.) I урынны яулады. Бүгенге көндә Салават 26 нчы февральдә узачак республика бәйгесенә әзерләнә. Без Салаватка ышанабыз!