14 нче февраль көнне башлангыч сыйныф укучылары арасында өстәл теннисы буенча ярыш булып узды. Аның нәтиҗәләре буенча II класстан Зиннатов Айзат, III класстан Хусаинова Раилә, IV класстан Ибрагимов Фаил җиңүче дип табылдылар.

Мәктәптә 21нче февраль- Халыкара Туган тел көненә багышланган чаралар дәвам итә. 14нче гыйнвар көнне 6нчы класс һәм 7нче класслар арасында "Мәкаль әйтәм, дәвам ит" уены булды. Әлеге уенда халык авыз иҗаты җәүһәрләре булган мәкальләрне иң күп белүчеләр ачыкланды. 6нчы класстан Зәйнәгыева Зәлинә, 7нче класстан Вәисова Гөлдания җиңүчеләр булып танылдылар.

"21 февраль - Халыкара Туган тел көне" уңаеннан Кашапова Г.З. башлангыч класслар арасында "Тел күрке - сүз" дип аталган исем астында кичә үткәрде. Кичә укучыларның 3 телдә хәерле көн теләүләре белән башланып китте. Кичәдә туган тел турында шигырьләр, мәкаль- әйтемнәр искә төшерелде.  Кичә укучыларның китапчыкларга язылган теләкләрне укуы белән тәмамланды.

Буген, ягъни 14 февраль көнне Сабада Татарстан Республикасының 8-нче спартакиадасында волейбол буенча район туры узды. Шекше мәктәбеннән кызлар командасы (1996-1998 еллар) да актив катнашты. Алар Шытсу авылы мәктәбе укучыларын 2:0 исәбе белән җиңеп, Тимершык мәктәбе укучыларына 2:1 исәбе белән юл куйдылар. Аларга алдагы уеннарында һәм укуларында уңышлар теләп калабыз.

Бүген 13 февраль көнне Шекше урта мәктәбе базасында "Лыжня России - 2011" дип аталган массакүләм чаңгыда шуу ярышы узды. Әлеге ярышта укучылар, укытучылар, техник хезмәткәрләр актив катнашты.Иң кечкенә шуучыга 3 яшь.

Буген, ягъни 12 февраль көнне Сабада Татарстан Республикасының 8-нче спартакиадасында волейбол буенча район туры узды. Шекше мәктәбеннән егетләр  командасы (1995-1997 еллар) да катнашты. 14 февраль көнне узачак ярышларда кызлар командасына (1996-1998 еллар) да уңышлар теләп калабыз.

11нче февраль көнне 11нче класста "Хәрби-патриотик айлык"ка багышланган тәрбия дәресендә укучылар Советлар Союзы герое дигән бөек исемгә лаек булган пионерлар белән таныштылар. Валя Котик, Леня Голиков, Марат Казей, Зина Портнованың батырлыклары турында бик кызыксынып тыңладылар. Әлеге яшь пионерларның тәвәккәллеге, батырлыгы кебек сыйфатлары укучыларда соклану хисе уятты.

Нәҗип  Җиһановның тууына 100 ел булуга багышланган "Дулкыннар" Республика конкурсының район турында безнең укучылар да катнашты. Гарипова Динәнең (8 класс) "Кара урман" сюитасына , Зайнагиева Зәлинәнең (6 класс) "Зөһрә" балетына төрле ысуллар кулланып ясалган рәсемнәре сайлап алу турына җибәрелде.

Мәктәп шугалагы балаларның шат тавышыннан бер дә тынып тормый. Менә бүген дә I , II  класс укучылары үзләренең укытучылары белән шугалакта күңел ачалар.

Февраль ае  хәрби-патриотик тәрбия бирүгә юнәлтелде. Шул максаттан классларда төрле темага эш алып барыла, чаралар үткәрелә. Мәсәлән,  I ,  II класс укучылары “Әти дә солдат булган” рәсем конкурсында бик теләп катнаштылар һәм әтиләре турында горурланып сөйләделәр.