Бүген, 29 нче декабрь көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Бүген дәрес Яңа ел традициясе буларак игелекле гамәлләргә мөнәсәбәт формалаштыру, Россия халыкларының Яңа ел традицияләре турында иде һәм "Файдалы эшләр календаре. Яңа ел дәресе” дип аталды.
Шулай ук традицион рәвештә радиоэфир узды. Эфир барышында узган атна яңалыклары, яңа атнада узачак чаралар исемлеге яңгырады.

29 декабрь көнне 8А сыйныфы укучылары "Синема 5" кинотеатрында "Ёлки 12" фильмын карадылар.
Игелекле гамәлләр, дуслык, гаилә кыйммәтләре турындагы фильм укучыларга бик ошады.

26 декабрь көнне 1б сыйныфы укучылары Казан филармониясендә Яңа ел бәйрәмендә булдылар.

️25 декабрь көнне Юл хәрәкәте иминлегенең бердәм көне уңаеннан гимназиябездә сыйныф сәгатьләре узды. Укучылар сыйныф җитәкчеләре белән бергәләп юл билгеләре, юл йөрү кагыйдәләре, транспорт куркынычсызлыгы турында фикер алыштылар.

‍24 декабрь көнне гимназиябезнең 1А, 2б, 3А, 3Б сыйныфлары "Әкият" курчак театрында "Яңа ел әкияте яки бик ерактагы бер патшалыкны коткару" исемле Яңа ел тамашасы карадылар.

24 декабрь көнне гимназиябезнең актлар залында югары сыйныф укучылары өчен "Дөнья халыклары биюләре" Яңа ел марафоны үткәрелде.
Чара барышында укучылар халык биюләре башкардылар, бергәләп җырлар җырладылар, уеннар уйнадылар.
Шулай ук кайбер район һәм республика бәйгеләренә, олимпиадаларына нәтиҗәләр ясалды, сыйныфларга мактау грамоталары тапшырылды.

24 декабрь көнне 4б сыйныфы укучылары иң яхшы Яңа ел тамашасында булдылар.
Укучылар профессионал аниматорлар белән очраштылар, фотоларга төштеләр, мавыктыргыч крио-шоу карадылар, тәмле ризыклар ашадылар һәм дискотекада биеделәр.

24 декабрь көнне "Әкият" курчак театры бинасы янында "Бияләй" ярминкәсе үткәрелде. Ярминкәдә татар халык ризыкларын татып карарга һәм сувенирлар сатып алырга мөмкин иде.

23 декабрь көнне "Кышкы могҗизалар мозайкасы" исемле сыйныфтан тыш чара үткәрелде. Чара барышында укучылар Россиядә Яңа ел бәйрәмен каршылау, чыршы уенчыгының тарихы турында мәгълүматлар белделәр. Укчылар үзләренең гаилә традицияләре турында сөйләделәр.

‍23 декабрь көнне 5-8 сыйныф укучылары өчен "Дөнья халыклары биюләре" Яңа ел марафоны үткәрелде. Чара барышында укучылар халык биюләре турында күп мәгълүматлар белделәр, бергәләп җырлар башкардылар, уеннар уйнадылар.
Шулай ук Яңа ел бәйрәменә багышлап үткәрелгән бәйгеләргә нәтиҗәләр ясалды, сыйныфларга мактау грамоталары тапшырылды.