Шимбә, ягъни 22 нче сентябрь көнне, дәресләрдән соң,   мәктәбебездә укучыларны  физкультура белән даими шөгыльләнүгә тарту, сәламәт яшәү рәвешен пропогандалау максатыннан “Татарстан кроссы – 2012” үткәрелде. Кросста барлык сыйныф укучылары, укытучылар, техперсоналлар  катнашты. Кроссның озынлыгы 2013 елда Казанда  узачак универсиада хөрмәтенә 2013 метр итеп билгеләнде.

Бүген,  22 сентябрь көнне,  Юлбат урта мәктәбе районда үткәрелгән ярминкәдә  катнашты.   Сатуда  мәктәп-тәҗрибә участогында үстерелгән яшелчә һәм җиләк-җимешләр  тәкъдим ителде.  Бу ярминкәдә укучылар һәм укытучыларның да  өлеше зур булды.

Безнең  мәктәптә башлангыч сыйныф укучылары дәрестән соң төрле төрдәге эшчәнлек белән шөгыльләнәләр. Күңелле грамматика, инглиз телен уеннар аша, хәрәкәтле уеннар, төрле юнәлештәге проект эшчәнлеге, рәсем сәнгате , оригами, китаплар иленә сәяхат, мин туган илемне яратам,серле шахмат дөньясы тематикалары буенча үткәрелгән дәресләр укучыларга төрле яклап үсәргә ярдәм итә. Укытучылар дәресләрне мавыктыргыч һәм кызыклы итеп үткәрәләр. Укучылар бу дәресләрдән күп мәгълүмат алып чыгалар.

 4 нче сыйныф укучылары, сыйныф җитәкчеләре Лилия Гаптелмәннафовна белән, тәрбия сәгатендә көзге табигатьтә кунакта булдылар. Алар көзге табигатьнең матурлыгын, төсләр төрлелеген күзәттеләр. Технология, сынлы сәнгать дәресләре өчен табигый материаллар җыйдылар.   

   Мәктәптә  “Балалар иминлеге” айлыгы дәвам итә. Шул уңайдан драма түгәрәгенә йөрүче 4 сыйныф укучылары башлангыч сыйныф укучылары алдында  “Шәһәр урамында” дип аталган сәхнә әсәре белән чыгыш ясадылар. Әлеге чыгышны укучылар зур кызыксыну белән карап, үзләре өчен бик кирәкле мәгълүмат алдылар.

  4 сыйныф укучылары үзләрен чын артистлар итеп күрсәттеләр. Алга таба да Каримова Гөлия апалары белән бик күп чыгышлар әзерләп сөендерергә ышандырдылар.

 15 сентябрь көнне мәктәбебездә Татарстан варислар көне уңаеннан театральләшкән зур җыен узды.  Остазлар – Кызыл калфак, Белмәмеш, Пеппи озын оек, Доктор Айболит, Баба-Яга рольләрендә кереп, эзтабар һәм варисларның җитезлекләрен, фикерләү сәләтләрен, кагыйдәләрен белүләрен уеннар аша  күрсәттеләр. Тантаналы вәгъдә биргәннән соң, эзтабарлар һәм варисларның муеннарына галстуклар бәйләнде. Зур җыен “Мин варисың синең, Татарстан” җыры белән тәмамланды.

Бүген дәресләрдән соң югары сыйныф укучылары һәм укытучылар коллективы бердәм рәвештә мәктәп бакчасында эшләделәр. Башта бәрәңгене казып җыйнап алдылар, ашханә өчен һәм тиздән булачак ярминкә өчен кишер  җыйдылар. Кечерәк сыйныфлар исә суганны кисеп, кышкы саклауга кую өчен  әзерләделәр. Күмәк эшләгәч, күңелле дә, тиз дә, нәтиҗәле дә булды ул.

Сентябрь ае "Балалар иминлеге айлыгы"    уңаеннан  мәктәбебездә бик күп чаралар үтә. Бүген 11нче сыйныф укучылары тормыш иминлеге нигезләре укытучысы Мөбәрәкҗанов Р.Р. һәм  сыйныф җитәкчеләре Мәҗитова Р.Г.тарафыннан оештырылган “XXI гасыр сәламәт буын балалары” дигән темага дәрес –презентациядә катнаштылар. Укучыларда тәмәке, аракы, наркотиклар куллануга тискәре караш формалаштырылды.

Мәктәбебездә “Балалар иминлеге айлыгы” дәвам итә. 11 сентябрь көнне 8 нче сыйныфта ачык тәрбия сәгате үтте. Сыйныф җитәкчесе Галимуллина Д.Г.  “Транспортта, мопедта, велосипедта йөргәндә белергә һәм үтәлергә тиешле кагыйдәләр” дигән темага бик эчтәлекле һәм кызыклы дәрес үткәрде. Әлеге чарада укучылар үзләре дә актив катнаштылар, юл йөрү кагыйдәләрен шактый яхшы белүләрен  күрсәттеләр. Шулай ук үзләрен кызыксындырган сорауларга да җавап таптылар. Сыйныф сәгатендә укучыларның яшь үзенчәлекләренә туры килгән презентация файдаланылды.

«Укучыларның   иминлеге айлыгы» кысаларында мәктәбебездә төрле темаларга класс сәгатьләре үткәрелде. 10 нчы сентябрьда 9 нчы сыйныфта «Үз –үзеңә ышаныч булсын» дигән темага класс сәгате үтте. Класс сәгатенең  максаты: укучыларда ышаныч, ихтыяр көче тәрбияләү .

Бу класс сәгатендә алар үзләре өчен кирәкле булган күп кенә мәгълүмат алдылар. Үз-үзеңә ышаныч булганда гына теләсә нинди каршылыкларны да җиңеп булачагына  инандылар. Бүгенге көндә киң таралып  бара торган начар гадәтләрдән дә читләшергә ярдәм итәчәген аңладылар.