Мәктәбебезнең 8 нче сыйныф  укучысы  -  Кәримова Гүзәл  ТР Яшьләр эшләре, спорт һәм туризм министрлыгы  Дәүләт оешмасы “Идел” яшьләр үзәге оештырган  XII  ”Иделем акчарлагы” яшь язучылар бәйгесенең йомгаклау  турында катнашып, яхшы нәтиҗәләргә һәм зур уңышларга ирешеп кайтты. Аның фотосы һәм иҗат иткән шигыре әдәби җыентыкка кертелде.

Афәрин, Гүзәл! Син – милләтебезнең киләчәге. Каләмеңнең карасы кипмәсен, иҗат итүдән туктама. Сиңа һәм укытучың Дания Гайфетдиновнага  яңа биеклекләр, зур уңышлар телибез.

«Русский медвежонок» конкурсы мәктәбебездә уза торган конкурслар арасында иң кызыгы, иң мавыктыргычы. Бу уку елында да,  мәктәбебезнең   46  укучысы шушы конкурста катнашты. Бездә җиңелүчеләр юк! Шуңа күрә дә укучыларыбыз бик тырышып башваткыч биремнәрен чиштеләр.

Көзге каникул көннәрендә мәктәптә түгәрәкләр үз эшчәнлекләрен дәвам иттеләр.

“Вокал” , “Бадминтон” , “Хореография” , “Драма” һәм башка түгәрәкләр эшләде.

 Ә 10 нчы ноябрьдә 4, 5, 6,7, 8 сыйныф укучылары белән “Нарат” боз сараенда булу оештырылды. Укучылар бозда шуарга бик яраталар. Аларның шат авазларыннан  боз сарае гөрләп торды.

Көзге каникулларда "Оста куллар" түгәрәгенә йөрүчеләр җиләк-җимеш, яшелчәләрдән төрле кулинар уйланмалар эшләделәр. Укучылар бик теләп үзләренең эшчәнлекләре белән уртаклаштылар.

31 нче октярбь көнне мәктәбебездә сыйныф җитәкчеләре семинары булып үтте. Киңәшмәдә катнашучылар хозурына 9 сыйныфта “Гаиләм – минем шатлыгым !” дип аталган мастер класс тәкъдим  ителде. Сыйныф җитәкчесе Фирдания Габдельхаковна хәзерге көн кадагында торган гаилә темасын, андагы проблемаларны чишү юлларын балаларга матур итеп җиткерә белде. Укучыларның сәнгатьле сөйләме, гаиләләре хакындагы фикерләре сыйныф җитәкчеләрендә җылы хисләр калдырды.

27 нче октябрь көнне  мәктәбебезнең  ике укучысы Гайфуллина  Альбина һәм Кәримова  Гүзәл  Алабуга шәһәрендә технология буенча  үткәрелгән  IV регионара  конкурста  катнаштылар.

Аларга алга таба да уңышлар телибез.

Татарстан Мәгариф һәм фән министры приказы нигезендә Юлбат урта гомумбелем бирү  мәктәбендә 22-27 октябрь көннәрендә 1-11 сыйныфларда гражданнарның хокуклары һәм бурычлары дигән темага сыйныф житәкчеләре тарафыннан Парламент дәресләре үткәрелде. Дәресләрне укучыларның яшь үзенчәлекләренә карап сыйныф җитәкчеләре интернет- матбугат материалларына таянып, презентацияләр  кулланып үткәрделәр.

Саба муниципаль районының гомуми белем бирү учреждениеләрендә 8 октябрьдән 10 октябрьгә кадәр әлеге проект кысаларында мәктәпара сайлап алу этабы узды. Әлеге проектта Саба районыннан 23 мәктәп командасы катнашты.

Мәктәбебез укучылары бик матур чыгыш ясап район мәгариф бүлегенең Мактау грамотасы белән бүләкләнделәр.

10 сыйныф укучысы Фәләхова Фәридә Татарстан һәм татар халкы тарихы буенча укучылар арасында үткәрелә торган VII Республика конкурсына үзенең фәнни-эзләнү эшен җибәде. 

Аңа уңышлар телибез!

"Оста куллар" түгәрәгендә йөрүче укучыларыбыз үзләренең иҗатлары белән сөендерәләр. Аларның түгәрәктәге эшчәнлеге алга таба тормышларында файдалы күнекмәләр калдырыр дип ышанып калабыз. Әлегә укучылар төрле ысуллар белән аппликацияләр эшлиләр.