24 нче гыйнвар көнне “Саба дулкыннары”  радиосында  “Мәктәпләр тормышы” тапшыруында безнең мәктәп чыгыш ясады. Алып баручылар Әдилә Хәмитова һәм Илнар Халилов уку елының беренче яртыеллыгы нәрсәсе белән истә калды соң? – дип, яртыеллык нәтиҗәләре белән таныштырды.

24 нче гыйнвар көнне район балалар иҗат үзәгендә “Дулкыннар” конкурсы узды. Балалар  берничә номинация буенча чыгыш ясадылар. Вокал номинациясе буенча Нәфкатъ Мубаракшин 2 нче, ансамбль номинациясе буена (чыгыш ясаучылар: Рахимуллин Тәбрис, Нигъмәтов Аяз, Сәйфуллина Ләйсән) 1 нче урын яулады.

Мәктәбебезнең рус теле укытучысы Миләүшә Мидхатовна, Мәгариф министрлыгы тарафыннан уздырылган тренинг-семинарда булып кайтты. Семинарда күнекмәләр-тренингысын уңышлы үтеп сертификатка ия булды.

  4-11 гыйнвар көннәрендә “Галстуклы ил” республика балалар оешмасы активының профиль сменасы “Костер” лагерында узды. Монда республика районнарыннан  иң актив һәм иң талантлы балалар килгән иде. Юлбат мәктәбеннән Рахимуллина Чулпан, Гайфуллина Гөлинә, Галләмова Фирүзә барды.

Балаларның каникул көннәрендә Лесхоз бистәсенең “Ләйсән” балалар бакчасы базасында  укучылар арасында  шахмат буенча укыту-күнегү җыеннары узды. Анда районыбызның яшь шахматчылары бу спорт төрендә теоретик һәм практик  әзерлеген ныгытты, уеннарда сыналды. Җыеннарда Юлбат урта мәктәбе укучылары да бик актив катнашты.  Хафизов Хәйдәр  һәм Рәхимов  Ильзат актив катнашкан өчен грамота, ә Кәримова Гүзәл “Блиц-турнир”да призлы урынга, “Быстрые шахматы” уенында иң яхшылар булып дипломга ия булды.

«Хокук  бозуларны  кисәтү»  айлыгы   кысаларында  бүген , 18 январь көнне, 5- 7  сыйныф   укучылары  белән  ТИН  укытучысы  Мөбәрәкҗанов  Р.Р. «Хокук  бозуларны  кисәтү  һәм хокук бозулар өчен җаваплылык »  дигән темага  сыйныф сәгате үткәрде.

16 гыйнвар көнне мәктәбебезнең хоккей мәйданчыгы укучыларның шат авазы белән яңгырап торды.  Һава торышы да хоккейчылар өчен бик кулай иде. Чалт аяз кояшлы көн  түгәрәккә йөрүче укучыларның кәефен күтәргән булса кирәк. Егетләр, ике командага бүленеп, ярышны башлап җибәрделәр. Уен кызганнан – кыза барды. Шома боз өстеннән алка әле бер, әле икенче капкага таба очты...

Бүген, 16 нчы январьда, мәктәбебездә барлык классларда да сыйныф сәгатьләрендә «Чисталык дәресләре»  үткәрелде. Бу сыйныф сәгатьләрендә укчыларны  табигатебезне яратырга һәм сакларга кирәклеге турында аңлатылды. Чөнки безнең сәламәтлегебез үзебезнең әйләнә–тирә мохиткә бәйле. Бигрәк тә сулыкларны чиста итеп сакларга.

12 гыйнвар көнне Лесхозда спорт мәдәният үзәгендә чыршы бәйрәме булып узды. Әлеге чарага төрле конкурсларда, олимпиадаларда җиңү яулаган, мәктәпләрнең иң алдынгы укучылары чакырылган иде. Безнең мәктәптән  4 укучы: Фәләхова Фәридә, Фәтхриев Ирек, Рахимуллина Чулпан һәм Мансуров Райнур бу чарада катнашты.

 8 нче гыйнвар көнне “Вокал”, “Драма” түгәрәгә җитәкчеләре тарафыннан “Үткәннәргә кире кайтып” исеме астында балалар белән күңелле уеннар кичәсе үткәрелде. Балаларның сәламәтлеген үстерүне истә тотып , фикерләүгә, хәрәкәткә кызыклы уеннар уйнатылды. Балаларга “Күнегүләр утравында”, “Белмәмеш тукталышында”, “Ромашкалар аланында” булу бик ошады. Алар бирелгән биремнәрне бик тиз һәм җитез итеп башкарып чыктылар.