Юлбат урта гомумбелем бирү мәктәбендә "Хыял" ял һәм сәламәтләндерү лагереның икенче атнасы да төгәлләнә. "Инглиз теле бездә кунакта" дип исемләнгән әлеге атна лагерь балалары өчен бик тә кызыклы, истә калырлык булды. Инглиз теле укытучыларыбыз әзерләгән мавыктыргыч программа: инглиз телендә җырлар, шигырьләр, кросвордлар һ.б. кызыклы уеннар. Андый җәлеп итәрлек мизгелләрне безгә үзе шул җирләрдә ял иткән укытучыбыз Рәмзия Гәбдрәүфовна бүләк итте.

Нәкъ Казан артында бардыр бер авыл Кырлай диләр...

Казан эчендәге "Шүрәле-Кырлай" паркын лагерь балалары өчен җанландыргыч урын булды.

Бүгенге көнебез  "Хыял" лагерена йөрүче балалар белән Казанга сәяхәткә бару. Төрле уеннар уйнау, аттракционнарга керү, табигать кочагында ял итү. Балалар Казаннан шатлыклы һәм кызыклы тәэсирләр белән кайттылар.

"Хыял" лагереның икенче көне матур кояш иртәсе белән башланып китте. Бүгенге көнебез Саба район үзәгенә  сәяхәт...

1 июньдә  "Хыял" сәламәтләндерү лагере үзенең эшен башлап  җибәрде. Лагерьга 24 укучы йөри, 7 укытучы хезмәт куя. Беренче көн  тарих эзләре буйлап... мәктәп музеена экскурсия белән башланып китте.

Бүген 11 сыйныф укучылары рус теленнән бердәм дәүләт имтиханы бирә.

Аларга имтиханнарын уңышлы тапшыруларын теләп калабыз!

Бүген 9 сыйныф укучылары математикадан дәүләт йомгаклау аттестациясе узалар.

Аларга имтиханнарын уңышлы тапшыруларын теләп калабыз! 

25 нче май  көнне мәктәбебездә тантаналы төстә Соңгы кыңгырау бәйрәме узды. 11 нче сыйныфны тәмамлаучы Галимҗанова Ләлә, Кәбирова Сиринә, Фатхриева Альбина,  әниләре белән бергә, бәйрәмчә

бизәлгән  зал түренә уздылар. Алар белән янәшә 9 нчы сыйныфны тәмамлаган 8 егет һәм кыз урын алды.

Бәйрәм катнашучылар күңелендә озак сакланыр әле. Алда имтиханнар... Укучыларыбызга зур уңышлар телибез!

   Беренче сыйныф укучылары  уку елының соңгы көннәрен тәмамлау алдында. Бу көннәрдә алар  бер ел эчендә  ирешелгән уңышлар, алда эшләнәсе эшләр хакында фикер алыштылар. Билгеләр  куелмаса да, һәркем үзенең белемен комплекслы тестлар ярдәмендә сынап карады  һәм нәтиҗәләр ясады.

17-21 нче май көннәрендә Саба муниципаль районы гомуми урта белем бирү мәктәпләрендә укучы 10 нчы сыйныф  егетләре кыр җыеннарында булып кайттылар. Алар анда ел әйләнә мәктәптә алган белемнәрен практик яктан ныгыттылар. Кырыс кыр шартлары аларны  тагын да якынайтты дуслаштырды.

Юлбат урта мәктәбе укучылары һәм укытучылары уку белән беррәттән, бик тырышып, мәктәп яны тәҗрибә участогында да эшлиләр. Күмәк көч белән түтәлләр әзерләнеп, аларга суган, кишер, чөгендер, кәбестә, кыяр утыртылды. Һәр сыйныфка, чәчәк үстерү өчен, җир бүлеп бирелде. Укучылар һәм сыйныф җитәкчеләре, бу эшкә намус белән карап, бик матур чәчәк түтәлләре хәзерләделәр. Бик тиздән бу түтәлләр аллы-гөлле чәчәкләргә күмелер дип өметләнәбез.