Районда укытучылар коллективлары арасында зона баскетбол ярышлары узды, Юлбат мәктәбе коллективы да  бу ярышта уңышлы гына катнашты.

 Башлангыч сыйныф укучыларының “Яңа елга кергәндә” бәйрәм кичәләре күңелле һәм мавыктыргыч үтте. Шүрәле белән убырлы карчыгының әзерләгән кызыклы уеннарында  укучылар бик теләп катнашып, рәхәтләнеп күңел ачтылар. Кыш бабай белән кар кызына үзләренең җырга, биюгә, шигырь сөйләүгә осталыкларын күрсәттеләр. Укучылар яңа елның килүенә чын күңелдән сөенделәр.

27  декабрь көнне мәкәбебездә чаңгы ярышлары узды. Укучыларыбыз ярышта актив катнаштылар, 7 сыйныф укучылары иң яхшы нәтиҗәләр күрсәттеләр.

20 -23 декабрь көннәрендә  8 нче сыйныф укучысы Кәримова  Гүзәл Раиль кызы , Казанда Рәшит Нәҗметдиновның 100 еллыгы уңаеннан үткәрелгән шахмат ярышында уңышлы гына  катнашты .  Аңа алга таба да уңышлар телибез.

24 декабрь көнне Балтач  районы Субаш урта мәктәбе базасында  математика укытучыларының зона семинары үткәрелде. Семинарда “ачык” дәресләр, класстан тыш чара , “Дәүләт имтиханнарына әзерләү үзенчәлекләре”дигән темага түгәрәк өстәл артында фикер алышулар булды. Семинар эшендә Н.И.Лобачевский исемендәге математика һәм механика институтының (К(П)ФУ) математика һәм информатика укыту теориясе һәм технологияләре кафедралары җитәкчесе, профессор Шакирова К.Б. “Заманча математика укытуның проблемалары” дигән темага чыгыш ясады.

Мәктәбебездә Яңа елны каршылауга әзерлек эшләре дөвам итә. Һәрбер сыйныфка бирелгән сыннар ясау конкурсы да төгәлләнде. Барсы да җентекләп каралып, мәктәп директоры Нигъматзянов Ф.Т. тарафыннан бәя бирелде.

1 нче сыйныфта «Кар малай бәйрәмгә ашыга» темасына әти-әниләр каршында сыйныф җитәкчесе Гумерова Рузия Тимершәеховна тарафыннан ачык шөгыль күрсәтелде. Укучылар кыш турындагы белемнәрен ныгыттылар, кар бабай тәгәрәтүнең үзенчәлекләрен өйрәнделәр һәм үзләре дә шөгыль  барышында кар малай рәсемен ясадылар.

21нче декабрь көнне мәктәбебездә тарих декадасы кысаларында үткән эшләргә йомгак ясалды. Тарих һәм җәмгыять фәне укытучысы Сафин Илдар Фатхуллович бу декаданы бик кызык һәм мавыктыргыч итеп оештырды. Укучылар бик теләп Саба районына багышланган викторина сорауларына җаваплар яздылар, мәктәп музейын баетуга үзләреннән өлеш кертергә тырыштылар.

19 нчы декабрь көнне мәктәбебездә  ”Укучыларның укуга карата кызыксынуын үстерү: традицияләр һәм яңарышлар”  дип аталган тема астында район китапханәчеләренең эшлекле киңәшмәсе булып узды.Киңәшмә Юлбат урта мәктәбенең китапханә эшчәнлеге белән танышудан  башланды. Китапханәче Мансурова Энҗе Вазиховна эш тәҗрибәсе белән таныштыру барышында укучыларның китапханәгә кызыксынып йөрүләрен, җанлы тормыш белән яшәүләрен, мәктәпнең дәреслекләр белән яхшы тәэмин ителүен белдерде.

Декабрь аенда районда башлангыч сыйныф укучылары  өчен  төрле конкурслар үткәрелде. Ул конкурсларда Юлбат урта мәктәбе укучылары да актив катнашып, уңышлы чыгыш ясадылар. Ә 17 нче декабрь көнне район мәгариф бүлеге тарафыннан башлангыч  сыйныф укучылары өчен татар теленнән олимпиада үткәрелә. Мәктәп турында җиңү яулап,  4 сыйныф укучысы Нигъмәтов Аяз олимпиадада катнашу хокукын яулады.

Аязга уңышлар телибез!