Бүгенге көн отрядларда эшчәнлек (исем, җыр, девиз сайлау, отряд почмагы булдыру) белән башланып китте, аннары түгәрәкләрдә эшчәнлек

(вокал, оста куллар) белән дәвам итте. Икенче иртәнге аштан соң “Pole chudes” У.Дисней мультфильмнарын карау оештырылды. Ә саф һавада хәрәкәтле уеннар балаларның иң яраткан шөгыльләре.

Мәктәп яны тәҗрибә участогында хезмәт десантының эше дәвам итә. Укучылар чәчәк, яшелчә түтәлләре дымлылыгын сакларга тырыша. Әлегә көннәр бик коры тора, шуңа бик күп су сибәргә туры килә. Ә кечерәк төркемнәр могҗизалар кыры “Растения вокруг нас” аша табигать турында белемнәрен тулыландырды. Укучыларыбызның теләкләрен истә тотып саф һавада уйнаганнан соң, компьютер  уеннары да уйнап алдылар.

Хөрмәтле райондашлар! Барыгызны да 7,8 июнь көннәрендә узачак Сабантуй бәйрәме белән котлыйбыз! Бәйрәмнәр һәр өйгә, һәр гаиләгә шатлык-сөенечләр генә алып килсен. Балаларыбыз да, өлкәннәребез дә сау-сәламәт булсыннар. Сабантуйлар белән башланып киткән ямьле җәйләребезне күңелле үткәрик, киләчәк көннәргә көч-куәт туплап калыйк, басу-кырларыбызда мул уңыш үстерик. Дәртле һәм күңелле Сабантуй бәйрәме тормышыгызга ямь өстәсен, игелекле гамәлләргә рухландырсын. Барыгызга да исәнлек-саулык, гаилә бәхете һәм иминлек телибез.

5 июнь көнендә балалар җыелып, иртәнге линейка үткәргәннән соң, Фәләхов З.В. укучыларны зарядка ясатты. Аннары төркемнәргә бүленеп үзләрен кызыксындырган уеннар уйнап алдылар. “Җәмәгать урыннарында үз-үзеңне тоту” - дигән темага әңгәмә үткәрелде. Ә иң кызыклысы, әлбәттә, Сабага бассейнга менү, музейга керү булды. Бүген дә балалар күтәренке күңел белән өйләренә таралды.

Бүген “Чишмәләр”- биремле экологик сәяхәт балалар өчен бик кызыклы үтте. Сәяхәтнең дәвамы булып иртәнге аштан соң Кече олимпия уеннары узды. Монда укучылар компос белән ориентлашу, учак ягу, рюкзак җыйнау, ягъни чын турист булу күнекмәләрен күрсәттеләр. Отрядларда эшчәнлек чишмәләрне саклау буенча фикер алышу белән алып барылды. Ә аннары сәламәтлекне саклау максатыннан саф һавада уеннар. Укучыларыбызга бигрәк тә "унике таяклы" уены ошады.

Бүген көндәлек чаралардан соң укучыларыбыз түгәрәкләрдәге эшчәнлекләрен дәвам итеп, кәгазь белән төрле эшләнмәләр иҗат иттеләр. Аннары  “Вместе весело шагать”- туристик биремле уен-сәяхәттә катнаштылар. Саф һавада уеннар, көндәлек эшкә йомгак ясау белән лагерьның өченче көне дә тәмамланды.

2 июнь көнендә балалар җыелып, иртәнге линейка һәм зарядка үткәргәннән соң Хезмәт десанты үзенең эшчәнлеген башлап җибәрде. Аларның тырыш хезмәте белән бакчабыз мул уңыш бирер дип өметләнәбез!  Соңынан ИКТ кулланып «Рисовалка  Paint» чарасы оештырылды. Укучыларыбыз үзләренең рәсем ясау осталыкларын күрсәттеләр.   Ә саф һавада уеннар уйнау, һичшиксез, укучыларыбызның  сәламәтлекләрен ныгытырга ярдәм итә.

Бүген балаларны "Хыял" лагерена кабул итеп, көндәлек режим, лагерь тормышының законнары, кагыйдәләре белән таныштырылды. Лагерьны ачу тантанасы оештырылды. Иртәнге зарядка, иртәнге аштан соң отрядларга бүленделәр, исем, җыр, девиз сайлап, отряд почмагы булдырдылар. Халыкара балаларны яклау көненә карата “Бәхетле балачак” дип аталган асфальтта рәсем ясау чарасы оештырылды. Аннары укучыларыбыз “Большая игра” уенында  күңел ачтылар. Лагерьның беренче көне балаларда матур тәэсирләр калдырды.

Бүген 9 сыйныф укучылары математикадан  төп дәүләт имтиханы тапшыралар. Укучыларыбызга имтиханнарын уңышлы тапшыруларын теләп калабыз.

Сезне чын күңелебездән Балаларны яклау көне, җәй һәм каникулларның башлануы белән котлыйбыз!!! Сау-сәламәт булуыгызны, бәхетле балалар булып үсүегезне, әти-әниләрегезне шатландырып яшәвегезне телибез! Йөзләрегездә һәрчак елмаю, күңелләрегез һәрчак шатлык белән тулып торсын! Һәрбер мизгелдән тәм табып, табигатебезнең матурлыгына сокланып яшәгез!