Мәктәбебездә хокук бозуларны булдырмау, кисәтү эше белән шөгыльләнүче отряд үз эшчәнлеген башлап җибәрде. Отряд җыелышында гомуми еллык план төзелде һәм расланды.

Бүген мәктәбебездә “Балалар иминлеге айлыгы” кысаларында  янгыннан саклану максатыннан “Внимание всем!”сигналы буенча  эвакуация үткәрелде.  Әлеге чарада барлык укытучылар, укучылар, хезмәткәрләр катнашты.Эвакуация өчен сигнал Гадәттән тыш хәлләр министрлыгының Саба муниципаль районы бүлекчәсеннән килгән вәкил Габдрахманов Р.Р. тарафыннан бирелде. Әлеге иптәш мәктәп коллективының әзерлекле булуын билгеләп үтте.

Менә тагын җәйләр узды һәм сагынып көтеп алган 1 - сентябрь - Белем бәйрәме килеп җитте. Бу көнне һәрберебез дулкынланып, шатланып каршы ала: беренче тапкыр мәктәпкә баручы да, өлкән сыйныфларда укучы да, әти-әниләр дә. Балаларны да, өлкәннәрне дә шушы көтеп алынган ямьле бәйрәм белән тәбрик итәбез.

.

Район үзәгендә 29 августта ТИН, физика, информатика, технология укытучыларының һәм ашханә җитәкчеләренең янгын куркынычлыгы буенча чираттагы укулары оештырылды.

Бүген 22 августта август киңәшмәсенең пленар өлеше. Мәктәбебез укытучылары Хазиева А.Р., Гумерова Р.Т. педагогик эшчәнлекләрендә ирешкән уңышлары өчен Мактау грамоталарына лаек булдылар. 

19 август көнне район август киңәшмәсенең секция эшләре башланып китте. Бүген татар теле, инглиз теле, география укытучылары җыелышлары оештырылды.

15 августта Саба муниципаль районы Мәдәният йортында Татарстан Республикасы мәгариф һәм фән хезмәткәрләренең август киңәшмәсенең пленар утырышы төгәлләнде. "Татарстан: инновацион төбәк үсеше” темасына багышланган киңәшмә эшендә ТР Президенты Рөстәм Миңнеханов, ТР Премьер-министры Илдар Халиков, ТР Дәүләт Советы Рәисе Фәрит Мөхәммәтшин катнашты.

Хөрмәтле Рузия Тимершаеховна!

Дөньядагы һәрбер яхшылыктан,

Өлеш чыксын сиңа мул гына.

Без телибез сиңа, ак бәхетләр,

Шатлыкларга илткән юл гына.

Бәйрәмеңнең матур хатирәсе,

Күңелеңдә калсын уелып.

Тәбриклибез сине, чын күңелдән,

Барыбыз да бергә җыелып…

12нче август көнне Саба муниципаль районында татар теле һәм әдәбияты укытучылары, татар телендә белем бирә һәм татар теле предмет буларак укытыла торган мәгариф оешмалары хезмәткәрләренең VI Бөтенроссия съезды узды. Анда Россиянең төрле регионнарыннан 350 делегат катнашты. Килгән кунаклар башта районыбызның мәгариф оешмаларында булып, мәктәпләр һәм балалар бакчаларының эшчәнлеге белән танышты, аннары биш мәйданчыкта оештырылган фикер алышуларда катнашты. Пленар өлеш Саба районы мәдәният йортында узды. Съезд кысаларында милли мәгариф үсеше мәсьәләләре, татар теле һәм әдәбиятын укытуда инновацион ысуллар, милли мәгарифне үстерү максатында хакимият һәм милли-мәдәни автономияләрнең үзара бәйләнеше турында фикерләшүләр булды. Соңыннан съезд кунаклары Лесхоз бистәсендә урнашкан дендробакча, селекция үзәге һәм урманчылык музее белән таныштылар, мәдәният йорты хезмәткәрләре көче белән әзерләнгән мәдәни чарада катнаштылар.

5 августта "Кояшкай" лагеренда "Техник түгәрәк" сменасы башланып китә. Юлбат мәктәбенең техник түгәрәк шөгыленә йөргән  иң актив укучылар ял итәчәк.