Бүген балалар Юлбат мәдәният йортына сәяхәткә бардылар. Анда мәдәният йорты җитәкчесе Мөбәрәкҗанова Сәрия апалары төрле конкурслар оештырды. Ә мәктәп территориясенә кайткач  "Зур уен"да хәзинәләр эзләү укучылар өчен дә тагын да мавыктыргычрак узды.

Балалар җыелып, иртәнге линейка үткәргәннән соң, зарядка һәм түгәрәкләрдә эшчәнлек оештырылды. Галимҗанова Л.Г. тарафыннан бик кызыклы итеп "Көйне тап"  уены уйнатылды. Саф һавада хәрәкәтле уеннар уйнагач, "Сезнең хезмәт үзе батырлык” дигән тема буенча әңгәмә  үтте. Балалар күтәренке кәеф белән лагерьдан таралыштылар.

Лагерьда наркотиклар айлыгы планы нигезендә "Балалар наркотикларга каршы" фильмын карадылар һәм нәтиҗәләр ясадылар. Аннары оста куллар түгәрәгендә чәчәкләр ясау оештырылды. Икенче аштан соң Тенеки авылына сәяхәткә бардылар, мәчеттә һәм Илгизәр Харисов каберлекләрендә булдылар. Спорт уеннары да читтә калмады.

14 июньдә лагерь көне   математика фәне белән бәйләп үткәрелде, математик ребуслар чиштеләр, “Геннис – шоу” спорт уены уйнадылар, “Математик КВН” да катнаштылар. Саф һавада хәрәкәтле уеннар уйнагач, көндәлек эшкә йомгак ясалды.

Бүген дә лагерьда тыгыз эш көне балалар математик башваткычлар чишәргә дә,  “Менә шундый кояш!” исемле рәсем ясаучылар конкурсында, “Математика илендә” уенында катнашырга да, саф һавада хәрәкәтле уеннар уйнарга да өлгерделәр.

12 июнь көнендә һәр көнлек эшчәнлектән соң, укучыларга  “Һәр җирдә, һәр кайда тәртипле бул!” - дигән әңгәмә үткәрелде, аннары Юлбат җирлеге  буенча сәяхәт оештырылды. Йосыф-Алан авылына сәяхәт бигрәк тә кызыклы булды.

11 июнь көнне балалар спортзалда башваткычлар чишкәннән соң, саф һавада спорт уеннары белән шөгыльләнеп алдылар. Ә аннары Европа илләре буйлап сәяхәткә киттеләр. Инглизчә белемнәрне ныгытып кроссвордлар чиштеләр. Көндәлек эшләргә нәтиҗәләр ясагач, укучылар өйләргә таралыштылар.

Балалар җыелып, иртәнге линейка үткәргәч, көндәгечә зарядка ясадылар. Инглиз телендә алып барылган “Исполнение желаний” чарасы укучыларның күңелләренә бигрәк тә хуш килде. Аннары “Табышмаклар иленә сәяхәт”кә дә барырга, У.Дисней мультфильм геройлары рәсемнәреннән күргәзмә дә оештырырга  өлгерделәр. Көн күңелле узды.

Бүгенге көн отрядларда эшчәнлек (исем, җыр, девиз сайлау, отряд почмагы булдыру) белән башланып китте, аннары түгәрәкләрдә эшчәнлек

(вокал, оста куллар) белән дәвам итте. Икенче иртәнге аштан соң “Pole chudes” У.Дисней мультфильмнарын карау оештырылды. Ә саф һавада хәрәкәтле уеннар балаларның иң яраткан шөгыльләре.

Мәктәп яны тәҗрибә участогында хезмәт десантының эше дәвам итә. Укучылар чәчәк, яшелчә түтәлләре дымлылыгын сакларга тырыша. Әлегә көннәр бик коры тора, шуңа бик күп су сибәргә туры килә. Ә кечерәк төркемнәр могҗизалар кыры “Растения вокруг нас” аша табигать турында белемнәрен тулыландырды. Укучыларыбызның теләкләрен истә тотып саф һавада уйнаганнан соң, компьютер  уеннары да уйнап алдылар.