13 декабрьдан мәктәбебездә физика атналыгы бара. 18 декабрь көнне башлангыч сыйныф укучылары белән физик  экспериментлар үткәрелде. 19 декабрь көнне 5-6 сыйныф укучылары "Табигатьнең гаҗәеп күренешләре" белән таныштылар. 7-11 сыйныф укучыларына кроссвордлар чишәргә тәкъдим ителде. Алар кроссвордларны  мәктәп сайтының "Год физики"  кертелмәсеннән ала алалар.

Мәктәбебезнең 4 нче сыйныф укучылары  “Ромашка”балалар бакчасына йөрүче нәни дуслары белән һәрвакыт аралашып торалар.  Ә бу атнада исә  алар,  Ләбиб Леронның “Тәпәләй белән Чәпәләй”әсәрен күчтәнәч итеп, балалар хозурына җиткерделәр. Әлеге театраль күренеш “Театр дөньясында “ дип аталган дәрестән тыш эшчәнлек шөгылендә әзерләнде. Нәни дусларының шат йөзләрен күрү 4 нче сыйныф укучыларын бик сөендерде. Тәрбиячеләрнең рәхмәт сүзләре дә “артистлар” ның  күңеленә сары май булып ятты.

17 нче декабрь көнне Сингапур компаниясе методикасы буенча дәресләр  Юлбат урта гомумбелем бирү мәктәбендә уңышлы дәвам итте.

   Саба районы  информацион-методик үзәк методистлары  тарафыннан уздырылган дәресләрдә укытучылар үзләре укучы ролендә белем алды. Дәрестә укучы 45 минут буе укытучыны тыңлап утырырга түгел, ә актив рәвештә катнашырга тиеш. Баланың психикасы да, фикерләү сәләте дә исәпкә алына. "Өчле"гә укыган баланың фикерләре "бишле"гә укыганныкы кебек төгәл булмаска да мөмкин. Сингапур компаниясе тәкъдим иткән яңа укыту методикасының  әнә шундый принциптан гыйбарәт икәнлегенә без тагын бер кат инандык.    Якын киләчәктә без алган белемнәребезне гамәлдә куллана башларбыз дип өметләнәбез. 

Бүген мәктәбебездә Юлбат, Арташ, Сабабаш мәктәбендә эшләүче коллегаларыбыз белән берлектә “Татарстан Республикасында укыту сыйфатын камилләштерү” проекты кысаларында “Фикерләү культурасын үстерү” программасы буенча укулар башланып китте.

12 декабрь көнне «Час кода» акциясе кысаларында  5-6 сыйныфларда «Кодлар илендә» дип аталучы практик ачык дәрес үткәрелде. Акция бөтен Россия буенча 4 нче һәм 12 нче декабрь көннәрендә үтте. Акция 4 декабрь - информатиклар көне булу уңаеннан оештырылды. Укучылар программалау, программист эше турында мәгълүмат алдылар, Java Script телендә программалар язу күнекмәләре булдыру өстендә эшләделәр. Дәрес укучыларга бик ошады. 

Бүген безнең мәктәбебездә башлангыч сыйныф укытучылары ата-аналар белән индивидуаль очрашу үткәрәләр. Анда укытучылар һәр балага аерым тукталып, укучының эшчәнлегенә анализ ясыйлар.Бу очрашулар һәр ай саен дәвам итәчәк.

11 декабрь көнне 18.00 -20. 00 сәгатьтә мәктәптә 5-7 сыйныф укучылары ата-аналарының фән укытучылары белән индивидуаль формада очрашып сөйләшүе булды. 

9 декабрь көнне илебездә Ватан геройлары көне билгеләп үтелә.Безнең мәктәбебездә дә бу көн уңаеннан мәктәп коридорында районыбызның Советлар Союзы геройларына һәм герой-пионерларга багышланнган мәгълумат яктыртылды, аларның портретлары куелды. 10-11 нче сыйныф укучылары белән “Батырлык дәресе” үткәрелде. Дәрестә Татарстан уллары һәм кызларының Бөек ватан сугышында күрсәткән батырлыклары турында, районыбызның Советлар Союзы герайлары һәм хезмәт геройлары турында сөйләшү-әңгәмә үткәрелде.

Бүген мәктәбебездә  "Семицветик"  үзәгенең психологлары белән эш башланып китте.  Назира Назмутдиновна, Лилия Данисовна  укучылар белән диагностика программасы "Эффектон" кулланып профориентацию  буенча тестлар алдылар.

3 нче декабрь көнне мәктәбебезнең 11 нче сыйныф  укучылары      рус  теленнән  чыгарылыш

 класс укучылары өчен  билгеләнгән  йомгаклау сочинениесе яздылар.Имтихан эше тиешле

таләпләргә җавап бирде.