Мәктәбебездз 13 октябрьдан "Наркотикларсыз тормыш" айлыгы бара. Шушы максатлардан чыгып боерык чыгарылды, айлык план төзелде. «Хочешь быть здоровым-будь: это правильный путь!» исем астында сыйныф сәгатьләре уздырылды. Авыл фельдшеры чакырылды. Аның тарафыннан алып барылган лекция тыңланды.

17 октябрь көнне 8-11 класс укучыларының көзге бал бәйрәме булып узды. Бәйрәмгә һәр сыйныф бердәм программа буенча, шул ук вакытта үзенчәлекле итеп әзерләнгән иде. Һәр команда үзенең исемен кызыклы формада яклады, концерт номерлары, юмор өлеше укучыларның тапкырлыгын, бай фантазиягә ия булуын күрсәтте. 

15 октябрь көнне мәктәбебезнең егетләр һәм кызларның баскетбол командалары Килдебәк урта мәктәбендә үткәрелгән зона ярышларында катнашты. Ярышларда 6 мәктәп командасы көч сынашты. Кызлар командасы призлы 2 нче урынны яулап финал уеннарына узды. Аларга алдагы бәйгеләрдә уңышлар телибез!

15 октябрь көнне мәктәптә пенсия фонды эшчәннәре белән эшлекле очрашу оештырылды. Монда укучыларга пенсиягә чыгу тәртибе турында яңа мәгълүматлар җиткерелде.

В Юлбатской СОШ  в связи с 200 летием со дня рождения М.Ю.Лермонтова организована выставка.

11 нче октябрь көнне, Казан шәһәрендә мәгариф оешмаларының республикакүләм ярминкәсе  үткәрелде. Безнең мәктәп коллективы да ярминкәдә актив катнашты. 

10 нчы октябрь  көнне  мәктәбебез  укытучылары Дәүләтшин Нияз Илгиз улы, Каримова Равия  Рәфгали кызы район командасы составында Татарстан укытучыларының Казан шәһәрендә  узган җәйге  спартакиадасында  уңышлы  чыгыш ясап кайттылар. Аларны чын күңелдән  котлыйбыз!

8 октябрь көнне Юлбат урта  мәктәбе  укучылары тантаналы рәвештә укытучыларны бәйрәмнәре белән тәбрик иттеләр. Һәр укытучыга балалар тарафыннан язылган Грамота тапшырылды. Тәбрикләү музыкаль котлаулар белән үрелеп барды.

Бүген , 8 нче октябрь көнне, гает бәйрәме уңаеннан  мәктәбебезгә авылыбыз мулласы  Габделвәли  абый чакырылды. Ул балаларга  дин – әхлак темасына чыгыш ясады, изге догалар укыды.

Мәктәбебездә дәресләр, мәктәп туры олимпиадалары белән беррәттән бакчадагы көзге эш тә дәвам итә. Бүген, ягъни 7 октябрь көнне,  укучылар, укытучылар  һәм хезмәткәрләр   көче белән өмә оештырылды. Мәктәпнең тәҗрибә участогыннан чәчәк орлыклары җыеп алынды. Кишер, чөгендер һәм кәбестә түтәлләре  чүптән арындырылды. Чәчәк сабаклары, чүп-чар җыеп түгелде, теплица чистартылды. Күмәк хезмәттә катнашкан һәр кеше канәгать, ә бакчабыз чистарып калды.