Укытучыларның җәйге спартакиадасында пневматик мылтыктан ату буенча 2 нче урынны алган ТИН укытучысы Мөбәрәкҗанов Рафис Раифовичны, 100 м га йөгерүдә һәм озынлыкка сикерүдә 2 нче урынны алган математика укытучысы Давлетшин Нияз Ильгизовичны һәм йөгереп килеп биеклеккә сикерүдә 3 нче урынны алган башлангыч сыйныф укытучысы Сергеев Дмитрий Юрьевичны зур уңышлары белән котлыйбыз.

С целью подготовки учащихся и учителей выполнению нормативам ГТО в Юлбатской средней школе провели следующие мероприятия: классный час: На тему: «История возникновения ГТО», подвижные игры на свежем воздухе, ориентировка по местности, беседы по нормативам ГТО.

14 сентябрь көнне Саба районы мәктәпләре Казан шәһәрендә үткәрелгән ярминкәләрдә катнашты. Шәһәр халкы авыл хуҗалыгында җитештерелгән продукцияләрне бик теләп алды һәм канәгать калды.Алга таба да мондый ярминкәләр оештыруны сорап калдылар.

15 нче сентябрь – Татарстан варислары туган көне уңаеннан мәктәбебезнең “Шатлык”  балалар оешмасы  җыены узды. 2 нче,  5 нче сыйныф укучылары  тантаналы төстә эзтабарга  һәм вариска кабул ителде. Алар иптәшләре каршында ант итеп, киләчәктә лаеклы алмаш булырга вәгъдә бирделәр. Бәйрәм күңелле уеннар, матур җырлар белән үрелеп барды.

13 нче сентябрь  Саба муниципаль районы  Шәмәрдән бистәсендә 16 яшьтән зуррак шахматчылар арасында шәхси һәм команда беренчелегенә  район чемпионаты  булып узды.  Әлеге ярышта районыбызның алдынгы шахматчылары катнашты.  Шул ярышта Юлбат урта мәктәбенең 10 сыйныф укучысы Гүзәл Кәримова беренче урынга лаек булды. Уңышларың белән, Гүзәл!

12 нче сентябрь көнне , мәктәп  бакчасында бәрәңге алу өмәсе  оештырылды. Өмәдә  һәр укучы һәм мәктәп коллективы теләп катнашты.

12   сентябрь көнне мәктәбебездә 9 ннчы сыйныф укучыларының әти-әниләр җыелышы узды Анда 9 нчы сыйныфлар алдында торучы зур сынау - йомгаклау аттестациясе турында сөйләшү. булды. Сыйныф җитәкчесенең кереш чыгышыннан соң, балалар алдында торучы җаваплы экзаменнар турында Раушания Хәнәфиновна сөйләде. Фән укытучылары Рәмзия Габделбәровна, Нияз Илгизович шулай ук ныклы әзерлек кирәк булуы, әти-әниләрнең дә балаларга ярдәм итүләрен, һәрвакыт элемтәдә торырга кирәклеген әйттеләр. Мәктәп директоры Фәргать Тәлгатович алга таба бала нинди юнәлештә китергә теләвен хәзердән үк билгеләп, шул юнәлештә эзлекле эш алып барырга кирәклеген аңлатты. 9 сыйныф укучыларының әти-әниләр җыелышы эшлекле һәм файдалы узды.

10 сентябрь көнне X сыйныф укучысы Кәримова Гүзәл, “Ялкын” журналы чакыруы буенча, Казанга очрашуга барды. Шахмат-шашка уеннарындагы уңышлары, бу уңышка ирешү юллары турында ул “Тәртип FM” радиосына интервью биргән. Шушы көннәрдә аның чыгышын тыңлау мөмкин булачак. Булдыклыны кайда да күрәләр. Афәрин, Гүзәл, алга таба да уңышлар телибез!  

Уку  йортларында  “Финанс  белемнәре  көне”  Бөтенроссия  акциясе  үтте. Аның  максаты  укучыларда  шәхси  финанслар  белән идарә  итү  һәм  күнекмәләр  формалаштыру. Мәктәбебез укучылары да ООО СХП Юлбат экономисты Каримова Р.С белән очрашып файдалы мәгълүмат алдылар.

Мәктәбебездә уку белән беррәттән, класстан тыш эшчәнлеккә дә зур игътибар бирелә. 9 нчы һәм 11 нче сыйныф укучылары имтиханнарга әзерлек максатыннан консультацияләрне башлап җибәрделәр. Ә башка сыйныфларда олимпиадаларга әзерлек башланды. Шулай ук авыр үзләштерүче укучылар белән дә индивидуаль эш  алып барыла.

  Мәктәптә быелгы уку елында 6 түгәрәк эшли. Укучылар аеруча робототехника түгәрәге белән кызыксыналар. Бу көннәрдә алар 20 сентябрьдә Казан шәһәрендә үтәчәк ярышларга әзерләнәләр.