10 сыйныф укучысы Кәримова Гүзәл инглиз теленнән "Learn to win 2014" конкурсында катнаша. Гүзәл өчен 1-7 декабрь көннәрендә Интернет тавыш бирүдә мәктәбебезнең барлык укучылары һәм укытучылары актив катнаша.

Мәктәбебезнең математика , технология укытучысы Каримова Равия Рафгалиевна, 28-29 ноябрь көннәрендә Казанда, КФУ ның 210 еллыгы һәм математика көне уңаеннан үткәрелгән IV Халыкара фәнни практик конференциядә чыгыш ясап кайтты. Конференция Н.И. Лобачевский исемендәге математика һәм механика институты математика һәм информатика технологиясе теориясе тарафыннан бик югары дәрәҗәдә оештырылган, чит ил кунаклары да катнашты, шулай ук ​​катнашучыларының язмалары басылган истәлек китаплары да бирелде. Катнашучылар зур рәхмәт хисләре белән кайтты.

27 ноябрь – Аналар көне мәктәбебездә зурлап билгеләп үтелде. Мәктәп коридорында укучыларның Аналар көненә багышлап ясалган рәсемнәреннән күргәзмә оештырылды. Ә спортзалда әниләргә багышланган “Иң-иң” дип аталган әдәби-музыкаль кичә үткәрелде. Кичәдә драма, хореография, ансамбль түгәрәкләренә йөрүче укучыларның чыгышлары күрсәтелде.  Бәйрәмгә килгән әниләр укучыларның чыгышларыннан бик кәнәгать булдылар.

20-23 ноябрь к өннәрендә районыбыз шахматчылары Татарстан Республикасы буенча үткәрелгән команда Чемионатында  III   урынга лаек булдылар. Команда составында безнең мәктәбебезд н 10 сыйныф укучысы Гүзәл Кәримова да булуы безне куандыра. Уңышларыгыз белән, Сезне!

11 сыйныф укучыларына рус әдәбиятыннан сочинение язу өчен методик күрсәтмәләрне түбәндәге адрес буенча табарга мөмкин:

http://imcsaba.3dn.ru/index/itogovoe_sochinenie_izlozhenie/0-188

Район мәктәпләре арасында  фән олимпиадалары дәвам итә. 21 ноябрь  көнне  олимпиада биология фәненнән үткәрелде. Мәктәбебездән   әлеге сынауга Мөбәрәкҗанов Айрат, Рахимов Илзат, Рахимуллина Чулпан, Габдрахманов Зөлфәтләр катнашты.   Әлеге укучыларның уңышлары сөенерлек. Ә  җиденче сыйныф укучысы Мөбәрәкҗанов Айрат (укытучысы Хаҗиева Альфира Рифкатовна) II нче призлы урын алуга иреште.

        Укучыларыбызга  алдагы  сынауларда зур  уңышлар телибез!

21 ноябрь  көнне  Биектауда "Заказанские  научные чтения / Казан арты фәнни укулары", "Человек и природа  в Заказанье . Иске-Казанский  историко-культурный  и природный комплекс: проблемы изучения.,сохранения  и использования  объектов  историко-культурного и природного наследия" дигән темага фәни практик конференция булды. Культура  елы уңаеннан үткәрелгән региональ конференциядә мәктәбебезнең тарих укытучысы Сафин Илдар Фатхуллович  катнашты.

21 нче ноябрь көнне башлангыч сыйныф укучылары "Законнар кайда туа?" дигән тема астында законнар иленә сәяхәт иттеләр. Бурычлар һәм хокуклар белән укучылар бик теләп таныштылар. Аларга төрле биремнәр бирелде. Укучылар "Белем шәһәрендә", "Биремнәр тукталышы" нда, "Кагыйдәләр шәһәрендә", "Бәхетле балачак илендә" булдылар. Һәр укучы биремнәрне үтәүдә катнашты, үз фикерләрен җиткерергә омтылдылар.

Сегодня ученики 11 класса приняли участие в  апробации итогового сочинения по русскому языку. В ней участвовали  8 одиннадцатиклассников. Выпускники отрабатывали экзаменационную технологию, познакомились с порядком, процедурой написания, правилами поведения.

ТИН укытучысы Мөбәрәкҗанов Р.Р. укучыларны, кышкы чорда куркынычсызлыкларын тәэмин итү максатыннан, ТРның Министрлар кабинеты тарафыннан булдырылган "Правила охраны жизни людей на водных обектах" (23.04.2009)  кагыйдәләре белән таныштырды.