12 июнь көнендә һәр көнлек эшчәнлектән соң, укучыларга  “Һәр җирдә, һәр кайда тәртипле бул!” - дигән әңгәмә үткәрелде, аннары Юлбат җирлеге  буенча сәяхәт оештырылды. Йосыф-Алан авылына сәяхәт бигрәк тә кызыклы булды.

11 июнь көнне балалар спортзалда башваткычлар чишкәннән соң, саф һавада спорт уеннары белән шөгыльләнеп алдылар. Ә аннары Европа илләре буйлап сәяхәткә киттеләр. Инглизчә белемнәрне ныгытып кроссвордлар чиштеләр. Көндәлек эшләргә нәтиҗәләр ясагач, укучылар өйләргә таралыштылар.

Балалар җыелып, иртәнге линейка үткәргәч, көндәгечә зарядка ясадылар. Инглиз телендә алып барылган “Исполнение желаний” чарасы укучыларның күңелләренә бигрәк тә хуш килде. Аннары “Табышмаклар иленә сәяхәт”кә дә барырга, У.Дисней мультфильм геройлары рәсемнәреннән күргәзмә дә оештырырга  өлгерделәр. Көн күңелле узды.

Бүгенге көн отрядларда эшчәнлек (исем, җыр, девиз сайлау, отряд почмагы булдыру) белән башланып китте, аннары түгәрәкләрдә эшчәнлек

(вокал, оста куллар) белән дәвам итте. Икенче иртәнге аштан соң “Pole chudes” У.Дисней мультфильмнарын карау оештырылды. Ә саф һавада хәрәкәтле уеннар балаларның иң яраткан шөгыльләре.

Мәктәп яны тәҗрибә участогында хезмәт десантының эше дәвам итә. Укучылар чәчәк, яшелчә түтәлләре дымлылыгын сакларга тырыша. Әлегә көннәр бик коры тора, шуңа бик күп су сибәргә туры килә. Ә кечерәк төркемнәр могҗизалар кыры “Растения вокруг нас” аша табигать турында белемнәрен тулыландырды. Укучыларыбызның теләкләрен истә тотып саф һавада уйнаганнан соң, компьютер  уеннары да уйнап алдылар.

Хөрмәтле райондашлар! Барыгызны да 7,8 июнь көннәрендә узачак Сабантуй бәйрәме белән котлыйбыз! Бәйрәмнәр һәр өйгә, һәр гаиләгә шатлык-сөенечләр генә алып килсен. Балаларыбыз да, өлкәннәребез дә сау-сәламәт булсыннар. Сабантуйлар белән башланып киткән ямьле җәйләребезне күңелле үткәрик, киләчәк көннәргә көч-куәт туплап калыйк, басу-кырларыбызда мул уңыш үстерик. Дәртле һәм күңелле Сабантуй бәйрәме тормышыгызга ямь өстәсен, игелекле гамәлләргә рухландырсын. Барыгызга да исәнлек-саулык, гаилә бәхете һәм иминлек телибез.

5 июнь көнендә балалар җыелып, иртәнге линейка үткәргәннән соң, Фәләхов З.В. укучыларны зарядка ясатты. Аннары төркемнәргә бүленеп үзләрен кызыксындырган уеннар уйнап алдылар. “Җәмәгать урыннарында үз-үзеңне тоту” - дигән темага әңгәмә үткәрелде. Ә иң кызыклысы, әлбәттә, Сабага бассейнга менү, музейга керү булды. Бүген дә балалар күтәренке күңел белән өйләренә таралды.

Бүген “Чишмәләр”- биремле экологик сәяхәт балалар өчен бик кызыклы үтте. Сәяхәтнең дәвамы булып иртәнге аштан соң Кече олимпия уеннары узды. Монда укучылар компос белән ориентлашу, учак ягу, рюкзак җыйнау, ягъни чын турист булу күнекмәләрен күрсәттеләр. Отрядларда эшчәнлек чишмәләрне саклау буенча фикер алышу белән алып барылды. Ә аннары сәламәтлекне саклау максатыннан саф һавада уеннар. Укучыларыбызга бигрәк тә "унике таяклы" уены ошады.

Бүген көндәлек чаралардан соң укучыларыбыз түгәрәкләрдәге эшчәнлекләрен дәвам итеп, кәгазь белән төрле эшләнмәләр иҗат иттеләр. Аннары  “Вместе весело шагать”- туристик биремле уен-сәяхәттә катнаштылар. Саф һавада уеннар, көндәлек эшкә йомгак ясау белән лагерьның өченче көне дә тәмамланды.

2 июнь көнендә балалар җыелып, иртәнге линейка һәм зарядка үткәргәннән соң Хезмәт десанты үзенең эшчәнлеген башлап җибәрде. Аларның тырыш хезмәте белән бакчабыз мул уңыш бирер дип өметләнәбез!  Соңынан ИКТ кулланып «Рисовалка  Paint» чарасы оештырылды. Укучыларыбыз үзләренең рәсем ясау осталыкларын күрсәттеләр.   Ә саф һавада уеннар уйнау, һичшиксез, укучыларыбызның  сәламәтлекләрен ныгытырга ярдәм итә.