Мәктәбебез, Җиңүнең 70 еллыгын каршылау өчен, әзерлек эшләрен башлап җибәрде. Бөек  Ватан сугышы елларында халкыбызның фронтта, тылда күрсәткән  тиңдәшсез батырлыгы үрнәкләре белән яшь буынны таныштыру, буыннар  арасындагы бәйләнешне ныгыту, укучылар күңелендә сугыш чорын, сугыштан соңгы җимереклекләрне төзәтү авырлыгын кичергән, намуслы хезмәте белән көн күргән сугыш һәм тыл ветераннарына олы хөрмәт хисе тәрбияләү, гадел, тату, эшчән, шәфкатьле булырга омтылыш уяту, укучыларны эзләнү эшенә тарту, гаилә, нәсел тарихы белән кызыксындыру, аларның иҗади сәләтләрен, матур сөйләү күнекмәләрен үстерү өчен махсус план булдырылды һәм укучылар тарафыннан башкарылган рәсемнәр, иншалар күргәзмәгә куелды. 

Мәктәбебездә 9 сыйныф укучыларының фән укытучылары һәм әти - әниләре катнышында җыелышы узды. Һәр фән укытучысы гыйнвар аенда узган Төп дәүләт имтиханы нәтиҗәләренә тукталды, алда торган бурычлар кабаттан искәртелде. Укытучылар тарафыннан киңәшләр бирелде. Шулай ук ​​балалар һәм әти-әниләр тарафыннан гаризалар һәм рөхсәт кәгазьдәре язылды.

16 февраль көнне мәктәбебездә башлангыч сыйныф укучылары арасында "Карурманнар чакыра" исеме астында күңелле спорт уеннары узды. Укучылар үзләренең җитезлекләрен, кыюлыкларын күрсәтеп төрле биремнәр үтәделәр.

Мәктәбебездә беренче сыйныф укучылары өчен зур бәйрәм оештырылды - Әлифба бәйрәме. Алар Әлифбаны тәмамладылар, укырга өйрәнделәр. Бәйрәмдә укучылар шигырь сөйләделәр, җырлар башкардылар, табышмаклар чиштеләр һәм уеннар уйнадылар. Укучылар белән шатлыкларын уртаклашырга әти-әниләре дә килде, балаларга бүләкләр тапшырдылар.

Табигатьне, агачларны саклау максатыннан, бүген, 14 февраль көнне, мәктәбебездә макулатура җыю акциясе үткәрелде. Һәркемнен кимендә өч килограмм макулатура  алып килүе соралган иде. Укучылар һәм укытучылар әлеге чарада бик теләп катнаштылар.

13 февраль көнне Юлбат урта мәктәбендә сугышчы-интернационалистларны искә алу көне уңаеннан очрашу үткәрелде. Ак-Бигәнәй авылыннан Кадыйров Наил, Тенеки авылыннан Әфганстанда һәлак булган Харисов Илгизәрнең энесе Харисов Илсур катнашты. Әфган вакыйгалары шаһите Кадыйров Наил укучыларга теләкләрен җиткерде, үзе иҗат иткән җырларны башкарды.

Сәләтле укучылар мәктәбендә Физика елы уңаеннан укучылар өчен кызыклы мероприятие оештыру планлаштырыла. 12 февраль көнне  чараны оештыру буенча физика укытучылары район үзәгендә очрашып сөйләштеләр. Мероприятие 5-7 сыйныф укучылары  өчен оештырыла һәм кызыклы, бик файдалы булыр дип көтелә.

10 феврал ь көнне Балалар иҗат үзәгендә "Ел укытучысы-2015" конкурсы кысаларында "Иң яхшы өстәмә белем бирү педагогы" ДИП аталган бәйгенең муни ципаль туры үтте.Финалистлар арасында безнең мәктәптән робототехника түгәрәге җитәкчесе Давлетшин Нияз Ил ь гизович та бар иде. Һәр катнашучы бәйгегә зур әзерлек белән килгән. Нияз Ильгизович роботлар җыю буенча мастер класс тәкъдим итте.Без үзебезнең коллегабызга алга таба да уңышлар телибез.

   9 февраль көнне мәктәбебезнең өч укучысы - Гайфуллина Альбина, Каюмова Ясминә, Нигъмәтов Аяз Яңа гасыр телекомпаниясе оештырган танып-белү, фәнни, интеллектуаль “Тамчы-шоу” уенында катнаштылар. Алар үзләренең тирән белемле, зирәк һәм тапкыр икәнлекләрен күрсәтеп җиңүгә ирештеләр. Җитәкчеләре - Фәләхова Ф.Г.һәм Габделхәева Г.Р. Без аларны уңышлары белән котлыйбыз.  

Мәктәбебездә гражданлык-патриотлык айлыгы башланды. Шул уңайдан кичә, ягъни 6нчы февраль көнне, 10 сыйныф укучылары сыйныф җитәкчесе Галимуллина Дания Гайфетдин кызы белән тыл ветераны белән очрашуга бардылар. Шакирҗанова Корбанбикә әби, 83 яше тулса да, ачык зиһенле, яхшы хәтерле булуы белән сокландырды. Михнәтле сугыш елларында үткән балачак, авыр хеэмәттә чыныккан яшьлеге турындагы хатирәләре белән теләп уртаклашты ветеран. Очрашып сөйләшү бик тәэсирле булды.