Сегодня начался школьный этап республиканского конкурса организаторов воспитательного процесса. Желаем Вам успехов!

Мәктәбебездә уңышлы гына робототехника түгәрәге эшләп килә. Укучыларның робототехникага кызыксындыруын арттыру йөзеннән мәктәп күләмендә төрле чаралар үткәрелә.  Күптән түгел мәктәп күләмендә робототехника буенча «Кегельринг»   ярышы үткәрелде, җиңүчеләр билгеләнде, һәр укучыга дипломнар тапшырылды.

Бөек җиңүнең 70 еллыгын каршыларга әзерләнгән көннәрдә Юлбат урта мәктәбе музее Бөек Ватан сугышында катнашкан авылдашларның Бүләкләү кәгазләрен архивлардан эзләп табу эше белән шөгыльләнә. 7 орден һәм 15 медаль белән бүләкләнгән гвардия подполковнигы Баһавиев Ислам һәм "Батырлык өчен" медале, Кызыл Йолдыз ордены белән бүләкләнгән Сафин Фатхулланың бүләкләү кәгазьләре табылды инде. Алга таба эзләнү эше дәвам итә.

Декабрь бураннары алып килгән Яңа ел белән котлыйбыз! Бәйрәмегез мөбарәк, куанычлы булсын. Эшләрегез уң булсын, күңелегездәге мәрхәмәтлелек нуры йөзегезне тагын бизәсен. Бусагаларыгыздан караңгылык, салкынлык, хәвеф-хәтәр атлап кермәсен, бәла-каза йөрмәсен. Бәхетле мизгелләр, матур вакыйгалар, яхшы хәбәрләр, саулык-сәламәтлек алып килсен Яңа ел. Гаилә бәхетегез учагы гел балкып торсын.

Мансуров Райнур "Дулкыннар" конкурсында вокал номинациясенда  I урын,рәсем номинациясенда III урынга лаек булды. Аны уңышлары белән чын күңелебездән котлыйбыз һәм алга таба да җиңүләр теләп калабыз!

11 январь көнне район башлыгының чыршы бәйрәме узды. Юлбат мәктәбеннән Рәхимуллин Тәбрис,Мөбәрәҗанов Булат бәйрәмнең кунаклары булдылар. Укучыларыбызга бәйрәм бик ошады.

Бүген мәктәбебезнең 4,6,7 сыйныф укучылары район балалар иҗат үзәгендә "Дулкыннар" конкурсында нәфис сүз номинациясендә чыгыш ясыйлар. Аларга уңышлар теләп калабыз!

9, 11 январь көннәрендә 11 сыйныф укучыларыбыз сайлау фәннәреннән бердәм дәүләт имтиханнары тапшырып карыйлар. Аларга укуларында уңышлар, белемнәре тирән булуын теләп калабыз.

Бүген укучыларыбыз урман музеенда кунакта булдылар. Районыбызның иң мәртәбәле урыннарының берсе бит ул. Һәр укучы үз яшәү урыны тарихын белүе -  бик мөһим тәрбияви чараларның берсе.

7 январь көнне 5,6,10 класс укучылары сыйныф житәкчеларе белән "Нарат" боз сараена бардылар. Укучыларыбызның һәр каникулда бик теләп конькида шуарга бара. Бүген дә бик матур тәэсирләр белән кайттылар.