Мәктәптә "Хыял" лагеренда 18 нче көн . Лагерь эшчәннәре укучыларга пожар куркынычсызлыгы буенча инструктаж үткәрделәр,“Ут дусмы, әллә дошманмы?”  дигән уен, “Дөньяны уттан сакла”  дигән рәсем конкурсы оештырдылар, балалар өстәл уеннары һәм саф һавада хәрәкәтле уеннар уйнадылар.

Бүген хезмәт һәм ял лагерында ябылу чарасы -  тантаналы линейка үткәрелде. Балалар көндәгечә мәктәп яны тәҗрибә участогында түтәлләрне утау, су сибү, территорияне чистарту, дару үләннәре җыю белән шөгыльләнделәр.

Мәктәптә "Хыял" лагерьның 17 нче көне . Татар теле укытучысы Галимуллина Д.Г. “Татар әкиятләре сукмаклары буенча”дигән чара үткәрде, балалар экологик батырлык эшләделәр, территорияне чистарттылар, “Биремнәр буенча ориентлашу”, “Робин Гуд булу нинди яхшы” дигән уен программаларында, Робин Гуд призына укчылар ярышында катнаштылар. Хезмәт һәм ял лагерында су сиптеләр һәм чүп утадылар, чөгендерне сирәкләделәр, кыярларны күчерделәр, суган кыякларын кистеләр, дару үләннәре җыйдылар, өстәл уеннары һәм саф һавада хәрәкәтле уеннар уйнадылар.

"Хыял" лагерьның 16 нчы көне дә бик кызыклы үтте. Балалар география укытучысы Фаляхова Ф.Г.кабинетына кунакта булдылар, “Минем сәламәтлегем минем кулда” дигән чарада, аннары ГИБДД инспекторы белән “Автомобильдән саклан” дигән әңгәмәдә, “Пятачок белән без кая барабыз” дигән викторинада катнаштылар. Хезмәт һәм ял лагерында кәбестәләргә, кишерләргә, чөгендерләргә су сиптеләр һәм чүпләрен утадылар, өстәл уеннары һәм саф һавада хәрәкәтле уеннар уйнадылар.

"Хыял" лагерының 15 нче көне. Балалар иртәнге гимнастикадан соң «Елгалар янында үз-үзеңне тоту кагыйдәләре” белән  таныштылар, аннары елгага, инешләргә экскурсиягә  бардылар , балык тоттылар, “Балык эләк, эләк” дигән КВНда катнаштылар, төрле уеннар уйнадылар. Хезмәт һәм ял лагерында территорияне чистарттылар, ТИН укытучысы Мөбәрәкҗанов Р.Р. велосипедта йөрүчеләр өчен юл  кагыйдәләре белән таныштырды.  Өстәл уеннары һәм саф һавада хәрәкәтле уеннар уйнадылар.

Бүген лагерьга авыл фельдшер кунакка килде. «Пешкән һәм башка очакларда беренче ярдәм» белән таныштырды.

"Хыял" лагерында 13 нче көн. Балалар физзарядкадан соң «Кунакта үз-үзеңне тоту кагыйдәләре” белән  таныштылар, аннары Тенеки авыл клубына кунакка бардылар , мультфильмнар карадылар, уеннар уйнадылар. Хезмәт һәм ял лагерында сукмакларга ком ташыдылар, су сиптеләр, чүп утадылар, өстәл уеннары һәм саф һавада хәрәкәтле уеннар уйнадылар. Лагерьга йөрүчеләр күтәренке күңел белән өйләргә таралдылар.

Бүген "Хыял" лагерының уникенче көне. Тарих укытучысы Сафин И.Ф.балаларны Саба районы тарихы белән таныштырды, аннары чүп үләннәре белән көрәшү серләренә өйрәнделәр, саф һавада хәрәкәтле уеннар уйнадылар. Хезмәт һәм ял лагерында чәчәк түтәлләрен матурладылар, территорияне себерделәр, тырмаладылар, сукмакларга ком ташыдылар. Көн файдалы узды.

Лагерьның 11 нче көнендә укучыларны кабул иткәннән соң  физзарядка  оештырылды. "Хыял" ял  һәм сәламәтләндерү лагеры укучылары инструктаң үткәннән соң урманга сәяхәткә барып, матур тәэсирләр белән кайттылар, "Яшел аптека" конкурсында катнаштылар.Саф һавада хәрәкәтле уеннар уйнадылар. Хезмәт һәм ял лагерында бакчада чәчәкләргә су сиптеләр, кәбестәләрне өййделәр, территорияне чистарту белән шөгыльләнделәр, дару үләннәре җыйдылар.

"Хыял" лагерының 10 нчы көне иртәнге линейка белән башланып китте. Башлангыч сыйныф укучылары вожатыйлары Каюмова Я. һәм Гайфуллина А. балаларны бию серләренә төшендерде. Балалар "Наркотикларсыз тормыш", "Мин тормышны сайлыйм" дигән темаларга видеофильмнар карадылар, Галимзянова Л.М., Гумерова Р.Т. каралган материал буенча аңлату эшләре алып бардылар.

Хезмәт һәм ял лагерында территорияне чистарту, тырмалау, су сибү, чәчәклекләрне матурлау белән   шөгыльләнделәр. "Яхшы хәлләр, күркәм холыклар" дигән мероприятиедә катнаштылар.

Лагерьларда "12 июнь - Россия көне" дигән темага әңгәмәләр үткәрелде.

"Хыял" лагерының тугызынчы көне дә бик кызыклы узды. Математика укытучысы Дәүләтшин Н.И. укучыларны математика фәне серләре белән таныштырды, Лесхозга "Нарат" боз сараена сәяхәт тә күңелле узды. Хезмәт һәм ял лагерында чәчәк түтәлләреннән чүп утау, су сибү, территорияне тырмалау, дару үләннәре җыю белән шөгыльләнделәр, саф һавада уеннар уйнадылар.