Бердәм республика тестированиесына әзерлек йөзеннән 21 март көнне 9 класс укучылары тест үтәләр. Аларга уңышлар телибез.

Безнең татар халкында “Китапсыз өй – тәрәзәсез бүлмә” дигән мәкаль бар. Чыннан да, китап укымаган кешенең күңеле тәрәзәсез бүлмә кебек караңгы булыр, ә китапны яратучының күңеле күбрәк укыган саен сафланыр, ачылыр, дөньяга карашы киңәер. Кайсы гына  авторның китабы булса да, ул  безне изгелеккә, шәфкатьле булырга, матурлыкны күрә белергә өйрәтә. 2 сыйныф укучылары да  “Балалар китабы көне” кысаларында нәни китапчыклар ясадылар. Алар үз эшләрен күреп бик сөенделәр.

17 март көнне Балалар иҗат үзәгендә IV Халыкара «Живая классика» яшь башкаручылар конкурсының район туры булып узды. Анда 7 сыйныф укучысы Гайфуллина Альбина катнашып, икенче урынны яулады. Аны бу җиңүе белән котлыйбыз,алга таба да уңышлар телибез.

18 марта  психологи Алиса Илгамовна, Гульшат Ильшатовна, Назира Назмутдиновна проводили профилактические беседы и занятия по профессиональной ориентации учащихся 8-11 классов. Тренинг назывался "Для старших школьников "Агропрофи" профориентационная работа".

Мәктәбебездә “Балалар китабы көне “старт алды.Шул уңайдан 4 сыйныф укучылары “Китап – белем чишмәсе” дип исемләнгән бәйрәм дәрес үткәрделәр. Китап хакындагы табышмаклар, мәкаль, шигырьләрне искә төшерделәр. Дәрес укучыларның үзләре ясаган китапларын яклау белән тәмамланды.

14 нче март көнне, Арташ төп мәктәбе базасында, Фәләхов Рифат Мәүлит улы истәлегенә 2000 нче һәм аннан да яшьрәк үсмер егетләр катнашында татар-башкорт көрәше буенча район турниры  узды.Бу бәйгедә мәктәбебездән 8 сыйныф укучысы Рахимов Илзат - I , ә 7 сыйныф укучысы Хафизов Хәйдәр II урынга ия булып кайттылар.Без аларны уңышлары белән ихлас котлыйбыз.

Казан федераль университетында  Регионара фән олимпиадаларының очный турлары тәмамланды. Юлбат урта мәктәбенең 11 нче сыйныф укучысы Шакирҗанова Ләйлә татар теленнән үткәрелгән олимпиадада катнашып, узган ел җиңү яулаган иде. Быел да Ләйлә 2 нче призлы урынга лаек булды. Ләйләне зур җиңүе белән котлыйбыз!

VI сыйныф укучысы Мансуров Райнурны Мәшһүр татар шагыйре Хәсән Туфанның 115-еллыгына багышланган X Республикакүләм “Дулкыннар” конкурсында җиңүче булуы, “Вокал” номинациясенең кече төркемендә II урынга лаек булуы белән чын күңелдән котлыйбыз!

Райнурның әти-әнисенә, җитәкчесе Ф.Г.Аубакировка олы рәхмәтебезне белдерәбез!

Мәктәбебезнең  10 нчы сыйныф укучысы Гүзәл Кәримова  27 февральдән 10 мартка кадәр Татарстан республика командасы составында, Кострома шәһәрендә үткәрелгән   Россиякүләм рус шашкасы ярышларында уңышлы гына катнашып кайтты.

         Гүзәлгә алга таба да укуында, ярышларда уңышлар телибез.

Мәктәбебезнең “Кәҗәмөгез “ КВН командасы “Школьная лига КВН -2015”ярышында ярым финалга чыгып, уңышлы чыгыш ясады. Мәктәбебез укучыларына алга таба да уңышлар телибез.