Бүген гимназиябездә "Сәләт- Мәрҗән" клубы активистлары "Нәрсә? Кайда? Кайчан?" дип аталган интеллектуаль уен уздырдылар. 7 нче , 8 нче,10 нчы сыйныфлар өч турда белемнәрен сынадылар. Шулай ук укучылар Сәләт турында күбрәк белделәр, жырладылар һәм биеделәр. Уен ахырында 3 урын билгеләнде:
3 урын - "Өчпочмаклар" командасы
2 урын - "Shine" командасы
1 урын- "Единая Россия" командасы булды
Әлеге чара укучыларга бик ошады! Без үз чиратыбызда "Сәләт- Мәрҗән" клубына рәхмәтләребезне белдерәбез!!!

19 нчы май көнендә 7Б сыйныфы укучылары Иннополис шәһәрендә кызыклы экскурсиядә булдылар." Балалар инновацион IT - авылдан барлыкка килгән уникаль шәһәр белән таныштылар. Бу - пыяла, пластик һәм металлдан торган мәгълүмати һәм инновацион югары технологияләрне үстерү үзәге. Балалар бик күп кызыклы яңалыклар белделәр һәм үзләрен фән шәһәрендә яшәүчеләр итеп тойдылар" - ди, сыйныф җитәкчеләре Ләйсән Ринатовна.

Гимназиябездә 7 нче 8 нче һәм 10 нчы сыйныф укучылары белән профориентация юнәлеше буенча квиз - PRO интерес үткәрелде. Укучыларга әлеге чара бик ошады.

Җәйге каникуллар алдыннан инспектор Ямалов М. З. башлангыч сыйныф укучылары белән юл йөрү кагыйдәләре буенча сөйләшү үткәрде.

Бүген гимназиябездә 2022 - 2023 уку елы һәм 4 нче чирек тәмамлануга карата ата - аналар җыелышы булып узды. Иң беренче чиратта өлгереш, сыйфат турында сүз алып барылды һәм шулай ук җәйге каникуллар башлану алдыннан куркынычсызлык кагыйдәләре дә искә төшерелде.
"Балаларның гомерен һәм сәламәтлеген саклау - ата-аналарның төп бурычы" - дип искәртеп үтте директорыбыз Гөлшат Әбүзаровна.

Исегездә булса, күптән түгел укытучыларыбыз "Весенний звездопад" дип исемләнгән халыкара конкурста чыгыш ясап кайткан иделәр. Нихаять нәтиҗәләре әзер!
2 нче урын!  Афәрин!!! Алга таба да шулай зур үрләр яуларга язсын сезгә! Укучыларыгыз да һәрчак яхшы нәтиҗәләре белән сөендереп торсыннар!

17 май көнне Шаяннар һәм Тапкырлар Клубы мәктәп лигасы үткәрелде. Гимназиябез укучылары әлеге чарада 3 урынны яуладылар Командалар үз көчләрен визитка һәм импровизация бәйгеләрендә сынадылар. Без укучыларыбыз белән горурланабыз, алга таба да уңышлар теләп калабыз!!! Җитәкчеләре Флүзә Рузалевнага да зур рәхмәтләребезне җиткерәбез!

Гимназиябезнең "Кәүсәрия" җыр ансамбле кызлары - балалар өчен күп җырлар иҗат иткән композитор, Наилә Яхинаның иҗат кичәсендә булып кайттылар. Алар үзләренең җырлары белән кичәне бизәделәр.

Бүген гимназия укучылары укытучылар белән берлектә волейбол Үзәгендә җанатарлар буларак катнашып кайттылар.
Директорыбыз Гөлшат Әбүзәровна бу чарада катнашкан барлык укучыларга һәм укытучыларга зур рәхмәтләрен белдерде.

12 нче 13 нче май көннәрендә гимназиябездә Хәйрия ярминкәсе булып узды. Укучылар, укытучылар һәм әти - әниләр тырышлыгы нәтиҗәсендә 99043 сум акча җыелды. Җыелган барлык акча мөмкинлеге чикле балага тапшырылачак Укучыларның изге гамәлләрдә теләп катнашуы безне бик сөендерә. Администрация исеменнән әлеге чараны оештыруга өлеш кертүчеләргә, әти- әниләргә, укытучыларга һәм укучыларга олы рәхмәтебезне белдерәбез!!!