Гимназиябездә изостудиягә йөреп, шөгыльләнүче балалар ярдәмендә "Космик хыяллар" дип исемләнгән рәсем күргәзмәсе оештырылды. Бу күргәзмә космонавтика көненә багышланган иде.
"Күргәзмәнең төп идеясе шунда ки, балалар үз рәсемнәре белән әйләнә-тирә дөньяны ничек күрүләрен, космосны ничек күз алдына китерүләрен һәм аның белән бәйле булганнарын рәсемнәрендә чагылдырырга тырыштылар" - ди, җитәкчеләре Равилә Хәйдәровна

Балачакта китап укудан да күңелле шөгыль юктыр. Бигрәк тә китапта сиңа таныш хәлләр, вакыйгалар турында язылган булса. Әлеге китапны кат-кат укыйсы, аның турында иптәшләреңә сөйлисе килә. Гимназиябездә «Таныш булыгыз- яңа китаплар» дигән күргәзмә оештырылды. Укучылар татар язучыларының яңа гына дөнья күргән әсәрләре белән таныштылар.

8А сыйныфы укучылары сыйныф җитәкчеләре Эльмира Вагизовна белән танылган композитор Рөстәм Яхин җырларыннан оештырылган иҗади кичәдә булып кайттылар. Әлеге чарада укучылар композиторның тормышы һәм иҗаты белән таныштылар, танылган җырчылар башкаруында Рөстәм Яхинның җырларын, романсларын тыңладылар.

Шулай ук 6А сыйныфы укучылары "Чулпан" мәдәният үзәгендә "Апуш" балалар театр студиясенең "Әбүгалисина" мюзиклын карап кайттылар.

Бүген Космонавтика көненә 4А сыйныф укучылары "Йолдызлы күк хәзинәләре" сәяхәтендә булдылар. Әлеге чарада укучылар галәмне өйрәнү тарихы, космоска беренче очыш, Кояш системасы планеталары турында таныштылар.Табышмакларны һәм кроссвордны
чишкәндэ астрономия, инженерия өлкәсендә үз белемнәрен кулландылар. Шулай ук Галәм темасына багышланган китап күргәзмәсе белән дә таныштылар. Әлеге чараны оештырган өчен китапханәче Зөлфия Рафаильевнага зур рәхмәт!!!

Шулай ук, бүген дә гимназиябез укучылары Идел буе районы яшүсмер кызлар арасында оештырылган бадминтон ярышында катнашып 3 нче урынга лаек булдылар. Афәрин, укучылар!!! Сезне бу җиңүегез белән кайнар котлыйбыз!
Менә бит, булганнан бар да була!

Бүген 10 нчы сыйныф укучылары Казан дәүләт архитектура-төзелеш университетында булып кайттылар.
Очрашуның төп максаты - уку профилен һәм булачак һөнәри эшчәнлек өлкәсен сайлауда иде.
Экскурсия вакытында укучыларга университетта укуның төп юнәлешләре һәм өстенлекләре турында сөйләделәр, заманча җиһазлар һәм лабораторияләр белән җиһазландырылган фәнни-мәгариф үзәкләрен күрсәттеләр.
Укучыларыбыз бу очрашудан бик канәгать калдылар һәм КГАСУның фәнни-мәгариф үзәкләре буенча үткәрелгән экскурсия өчен рәхмәт белдерделәр.

Бүгенге "Мөһим сөйләшүләрнең" темасы космонавтика көненә багышланды. Укучылар беренче очучы-космонавт Ю. А. Гагарин язмышы һәм аның космоска тәүге очуы белән таныштылар.

Бүген гимназиябез укучылары Идел буе районы яшүсмер егетләр арасында оештырылган бадминтон ярышында катнашып 5 нче урынга лаек булдылар. Афәрин, егетләр!!!

Бүген белем бирү учреждениеләре базасында ел саен Бөтенрәсәй буенча үткәрелә торган «Тоталь диктант» акциясе узды.
Бу акциядә безнең 10 нчы сыйныф укучылары да катнашты.
"Акциянең төп максаты - яшьләрне һәм халыкны рус телен популярлаштыру һәм грамоталылыкны арттыру мәсьәләләренә җәлеп итү"- ди, укыту эшләре буенча директор урынбасары Лилия Газинуровна