18 нче сентябрь көнне "Мөһим сөйләшүләр" Зоя Космодемьянскаяның тууына 100 ел тулуга багышланган иде. Укучылар илебезнең герое турында нәфис фильмнан өзекләр карадылар, үзләренең фикерләре белән бүлештеләр. Чыннан да, Зоя Космодемьянская дошманга баш ими, үзенең гомерен Совет иле, совет халкы азатлыгы өчен бирә. Аның турындагы хәтер мәңгелек!

Бүген гимназиябез укучылары  "Милләтләр кроссы- 2023" ("Кросс нации- 2023") масштаблы спорт чарасында катнашып кайттылар. Көзге кросс сәламәт яшәү рәвешен пропагандалау, җиңел атлетиканы популярлаштыру, балалар һәм өлкәннәрнең актив ялын оештыру максатыннан оештырыла.

"Хәерле көн, хөрмәтле әти – әниләр, укучылар һәм коллегалар! Бүген безнең гимназиядә зур чара – Хәйрия ярминкәсе узды. Бу акциядә катнашкан һәрбер балага, әти – әнигә һәм укытучыга зур рәхмәтемне белдерәсе килә! Көзге Хәйрия ярминкәсендә без 232778 сум акча җыйганбыз! Җыелган акчалар авыру балаларга барып ирешсен һәм ярдәме тисен иде дигән теләктә калам! Эшләгән яхшылыкларныңигелеген тоеп, балаларыбызның шатлык-куанычларына сөенеп, сәламәт, бердәм булып яшәргә насыйп булсын! Барыгызга да бик ЗУУУУР рәхмәт!"- дип үзенең изге теләкләрен җиткерде гимназиябез директоры Гөлшат Әбүзәровна.

Видеога сылтама: https://vk.com/id715397316?z=video715397316_456239264%2Fab968b434c741cd55a 

Гимназиябез укучылары Сөнгәтуллина Җәннәт һәм Хайруллина Сәмирә "Алдынгылар хәрәкәтенә" кабул итү чарасында катнашып кайттылар. Горурланабыз!!!

Яңа уку елыннан гимназиябездә һәр пәнҗешәмбе иртәсе Бөтенроссия күләмендә кертелгән профориентация юнәлешендә уздырылган дәресләрдән башланачак. Бүген укучылар сыйныф җитәкчеләре белән берлектә "Киләчәк безнең кулда" дигән темага сөйләшү алып бардылар, анкеталар тутырдылар.

Башлангыч сыйныф укучылары белән дә һөнәри юнәлеш буенча актив эш алып барыла. 4Б сыйныфы укучылары һәм сыйныф җитәкчесе Илсияр Илгизовна флорист һөнәре белән таныштылар. Флорист Полина Никитична төрле композицияләр ясау буенча мастер-класс күрсәтте. Шулай ук 1Г сыйныфы укучылары да Айгөл Хәлимовна белән берлектә "Халык кәсепләре" дигән темага сөйләшү үткәрделәр, рәсемнәр ясадылар.

Бүген гимназиябез укучылары "Көзге игелек атнасы" акциясе кысаларында ветераннар йортында кунакта булып кайттылар. Укучыларыбыз сугыш һәм тыл ветераннарына үзләренең сәләтләрен күрсәттеләр, ихлас йөрәктән чыкккан җырларын бүләк иттеләр. Без укучыларыбыз белән горурланабыз!!!

13 нче һәм 14 нче сентябрь көннәрендә гимназиябездә әти- әниләр җыелышы булып узды. Гөлшат Әбүзәровна әти- әниләргә гимназия базасында эшләп килүче түгәрәкләр, укучыларның тәртипләре, үз-үзләренең тотышы, укучы формасы турында сөйләп китте. Җыелыш барышында табибның, түгәрәк җитәкчеләренең чыгышлары тыңланылды.

10 сентябрь - илебез буенча фашизм корбаннарын искә алу көне, 13 сентябрь- илебезнең горурлыгы, герой кызыбыз Зоя Космодемьянскаяның 100 еллыгы билгеләп үтелә. Гимназиябездә әлеге көннәргә багышланган дәресләр уздырылды. Укучыларыбыз искә алу көненең тарихы, илебез кичергән югалтулар турында яңа мәгълүматлар белән таныштылар.