Гимназиябезнең директор киңәшчесе Мансурова Г.Ә. активистларыбыз белән берлектә Халыкара музыка көненә багышланган музыкаль-мәдәни кичә - квартирник үткәрделәр. Кичәдә укучылар гитарада, баянда уйнап күңелләренә хуш килгән җырлар башкардылар, тәмле чәй эчеп күңелле аралаштылар. "Репертуарыбызда татар җырлары җитмәгәнне дә аңладык, киләчәк чараларга бергәләп өйрәнергә сөйләштек"- дип теләкләрен җиткерде Гөлчәчәк Әсхатовна.

Видеога сылтама: https://vk.com/id715397316?z=video715397316_456239272%2F4fa174a3963d882e1e%2Fpl_wall_715397316

Бүген гимназиядә Донецк һәм Луганск Халык Республикалары, Запорожье һәм Херсон өлкәләренең Россия Федерациясе белән берләшү көненә багышланган дәресләр уздырылды. Әлбәттә, яңа территорияләрне Россия Федерациясе составына кабул итү әһәмиятле вакыйга булып тора. Әлеге чараның максаты: гражданлык позициясен формалаштыру һәм туган якка мәхәббәт тәрбияләү.

Укыйбыз да, ял да итәбез! 30 нчы сентябрь көнне 5А сыйныфы укучылары сыйныф җитәкчесе Динара Айратовна белән берлектә вакытны файдалы үткәрү максатыннан Горки - Әмәт урман паркында ял итеп кайттылар.

Бүген 4В сыйныфы укучылары сыйныф җитәкчеләре Рамилә Рифатовна белән берлектә Кремль буйлап сәяхәт кылдылар, «Абый & Сабый» һөнәрчелек үзәгендә мастер-класста булып кайттылар. Укучыларга әлеге сәяхәт бик ошады!!!

Сезнең тормыш юлы матур тарих,
Күпләр өчен үрнәк булырлык.
Рәхмәт, дибез, сезгә чын йөрәктән,
Сезнең гомер — безнең горурлык.
Бүген гимназиядә якынлашып килүче Халыкара өлкәннәр көне уңаеннан "Бер күрешү - үзе бер гомер" исемле бәйрәм чарасы оештырылды. Бәйрәмгә күп еллар гимназиябездә эшләп, лаеклы ялга чыккан укытучылар, хезмәткәрләр чакырылды. Өлкәннәребезгә укучыларыбыз үз куллары белән эшләнгән бүләкләр тапшырдылар, үзләренең талантларын күрсәттеләр. Концерттан соң очрашу бәйрәм табыны артында дәвам итте. Без үз чиратыбызда өлкәннәребезгә исәнлек-саулык, озын гомер, күңел тынычлыгы теләп калабыз!

Видеога сылтама: https://vk.com/id715397316?z=video715397316_456239271%2Feb0fba318b8a08d549%2Fpl_wall_715397316

һәр атнаның пәнҗешәмбесендә гимназиядә профориентация юнәлешендә дәресләр үткәрелә. Бүген 8- 11 сыйныфлар өчен "В. Г. Тимирясов исемендәге Казан инновация университеты" вәкиле белән очрашу уздырылды. Укучылар университетның эшчәнлеге, студентлар тормышы, әлеге уку йортына керү тәртибе белән таныштылар.

Гимназиябездә һөнәри юнәлеш буенча актив эш алып барыла. Бүген 6Б сыйныфы укучылары психология өлкәсе белән таныштылар. Психолог Фазлеева Ләйсән укучыларны төрле эшләү алымнары белән таныштырды.

2Б сыйныфында беренче медицина ярдәме күрсәтү буенча мастер- класс үткәрелде. Укучылар беренче ярдәм күрсәтү кагыйдәләрен искә төшерделәр, үзләрен кызыксындырган сорауларга җаваплар таптылар.

Бүген 10 нчы сыйныф укучылары "Киләчәк лабороториясе" күргәзмәсендә булып кайттылар. Әлеге күргәзмә «Россия- минем тарихым» тарихи паркында Казан ярминкәсе территориясендә оештырылды. Чараның төп максаты - укучыларны төрле һөнәрләр һәм тармаклар белән уен формасында таныштыру, һөнәр сайлау вариантларының күптөрлелеген күрсәтү.

Туризм көне безнең илдә 1983 елның 27 сентябреннән билгеләп үтелә. Безнең гимназиябезнең дә алдынгылары тәрбия буенча директор киңәшчесе Мансурова Г.Ә. белән бу көнне файдалы итеп үткәрергә тырыштылар. Алар бергәләп маршрут төзеп Иске Татар бистәсенә эксурсиягә барып кайттылар. Укучылар сәяхәтләрен Юнысов мәйданыннан башлап, Г.Тукай, Ф. Кәрим, К.Насыри, Ш.Мәрҗәни урамнарында урнашкан сәүдәгәр йортлары, Мәрҗәни, Апанай мәчетләренең тарихлары белән таныштылар. Кабан күле серләре турында да фикер алыштылар. Күңелле сәяхәтне "Түбәтәй"дә кыстыбый, өчпомаклар, мәтрүшкәле чәйләр белән тәмамлап куйдылар. Укучыларыбызның Казаныбыз турында белемнәре бар. Димәк, киләчәктә туризм юнәлешен үстерүгә мөмкинлекләр бар.

Видеога сылтама: https://vk.com/id715397316?z=video715397316_456239270%2F8c8ab6b25c4a6b2684