Көзге каникул алдыннан, укучылар арасында яллар куркынычсыз, файдалы үтсен өчен төрле чаралар башланып китте. ЮХИДИ инспекторы укучыларга куркынычсызлык кагыйдәләре турында сөйләде, юлда, транспортта үз- үзеңне дөрес тоту кагыйдәләре белән таныштырды.

Бүген "Россия- минем горизонтларым" дәресе кысаларында 7 - 11 нче сыйныф укучылары белән профориентацион квест үткәрелде. Укучылар һөнәри юнәлеш буенча төрле сорауларга җаваплар эзләделәр. Әлеге уен форматында үткәрелгән чара бик кызыклы һәм мавыктыргыч булды.

Киләчәк һөнәреңне сайлау – һәркем тормышында мөһим адым. Киләчәктә кем булырга, нинди һөнәр сайларга, мәктәптән соң укуны кайда дәвам итәргә? Әлеге сорауларга җаваплар табу максатыннан гимназиябездә һөнәри юнәлеш буенча һәрдаим эш алып барыла.
Бүген гимназиябезгә УФСИН инспекторы Музафаров Илшат Шамилевич югары сыйныф укучылары белән очрашуга килде. Илшат Шамилевич шушы юнәлештә белем бирә торган Россия югары уку йортлары белән таныштырды, хезмәте турында сөйләп китте.

Гимназиябездә 1нче чиреккә йомгак ясап, тантаналы рәвештә линейкалар узды. Линейка барышында төрле бәйгеләрдә, олимпиадаларда катнашкан укучылар бүләкләнделәр. Махсус чакырылган кунак, балигъ булмаган балалар белән эшләүче инспектор Садыкова Рената Айратовна хокук бозулар һәм законнар турында сөйләп китте. Гимназия директоры Гөлшат Әбүзаровна каникул вакытында үз- үзеңне тоту кагыйдәләре белән таныштырды, укучыларга күңелле һәм файдалы яллар теләде!

Бүген Казан шәһәренең Идел буе районы мәктәпләре буенча 2006- 2007 елгы егетләр арасында мини- футбол ярышы уздырылды.  Әлеге ярышта гимназиябез укучылары 2 нче урынга лаек булдылар. Чын күңелдән котлыйбыз!!!

Бүген Идел буе районының 73 нче урта белем бирү мәктәбендә “Көз сылуы Сөмбелә- 2023” шәһәр бәйгесенең район этабы уздырылды. Әлеге бәйгедә гимназиябез данын 6Б сыйныфы укучысы Кәримова Мәликә яклады. Конкурс 4 этаптан торды: “Костюм- көз сылуы Сөмбелә”, “Интеллектуаль бәйге”, “Бөтен җирне нурга күмә кояш кебек Сөмбелә”(визитка), “Алтын куллар” кул эшләре бәйгесе. Мәликәне уңышлы чыгыш ясавы белән котлыйбыз!!! Җитәкчесе педагог- организатор Фәния Наилевнага һәм Мәликәнең әти- әнисенә рәхмәтләребезне җиткерәбез! Нәтиҗәләрне көтеп калабыз!

25 нче октябрь көнне гимназиябезнең 8А сыйныфы укучылары «Ышаныч» балаларга һәм яшьләргә психологик- педагогик ярдәм күрсәтү үзәгендә булып кайттылар. Укучылар әлеге юнәлеш буенча эшләү тәртибе, психолог профессиясе белән якыннанрак таныштылар.

24 нче һәм 25 нче октябрь көннәрендә гимназиябездә әти- әниләр җыелышы булып узды. Сыйныф җитәкчеләре әти- әниләрне 1 нче чирек уку күрсәткечләре белән таныштырдылар, тәрбия мәсьәләләре буенча фикер алыштылар.

25 октябрь көнне Халыкара мәктәп китапханәләре көне билгеләп үтелә. Мәктәп китапханәләре белем бирү процессында мөһим роль уйныйлар. Хәзерге дөньяда гаять зур мәгълүмат массивына керү мөмкинлеген тәэмин итә торган электрон элемтә чаралары таралуга карамастан, классик кәгазь китап үзенең әһәмиятен югалтмаган. Китап - күп гасырлар дәвамында кешеләргә дөрес хезмәт итүче белем чыганагы.
Әлеге бәйрәм уңаеннан бүген безнең гимназиядә мәктәп китапханәчесе Хисамиева Рафаиль кызы һәм директорның тәрбия буенча киңәшчесе Мансурова Гөлчәчәк Әсхать кызы белән берлектә, "Китапка икенче тормыш бүләк ит" акциясен оештырдылар. Китаплар да авырый, алар саргая, кибә, сибелә башлыйлар. 6А, 6В сыйныф укучылары китапларны «дәваладылар». Кызлар-егетләр китаплар саклана торган киштәләрдәге тузаннарны сөрртеләр, китапның битләрен ябыштырып, йомшак битләрен сыйпадылар. Укучылар барысы бергә китап белән аралашу кагыйдәләрен кабатладылар: рәсемнәр ясамаска, китаплардан бернәрсә дә язмаска, битләрне йолкып алмаска, китапларны бөкләмәскә, ашаганда китапларны укымаска, кенәгәләргә карандаш һәм кул салмаска, кыстыргычтан файдаланырга. Әлеге акция укучыларга китаплар белән ничек сак эш итәргә кирәклеген аңларга ярдәм итте.

Видеога сылтама: https://vk.com/galyamaldingilari?z=video-222311097_456239064%2F0e8751894a6d8499b0

Татар кызы, татар уллары без,
Саклыйк, яклыйк туган илебезне.
Без көч биреп, яшәтергә тиеш
Җандай газиз туган телебезне.
23 нче октябрь көнне "Татар кызы, Татар егете - 2023" шәһәр бәйгесенең район этабы уздырылды. "Татар кызы, Татар егете - 2023" конкурсының төп максаты- балаларда татар булуына горурлык хисе тәрбияләү һәм татар милли йолаларына кызыксыну уяту. Әлеге чарада уңган, зирәк, батыр, кыю егет- кызлар көч сынашты. Гимназиябезнең данын 10 сыйныф укучысы Хәкимова Сәидә һәм 9А сыйныф укучысы Сәлимҗанов Айназ яклады. Без чын күңелдән укучыларыбыз белән горурланабыз!!! Нәтиҗәләрне көтеп калабыз!!!