Муниципальное бюджетное общеобразовательное учреждение «Гимназия №18 с татарским языком обучения - «Галэм» Приволжского района г. Казани
Визитная карточка
| Адрес: | Республика Татарстан, 420141, г. Казань, ул. Кул Гали, д. 13 |
| Телефон: | +7(843)-262-43-69 (приёмная); +7(843)-590-13-18 (охрана) |
| E-Mail: | g18.kzn@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Гимназия №18 - "Галэм" |
| Руководитель: | Фасхутдинова Гульшат Абузаровна |
| Год основания учреждения: | 1999 |
| У нас учатся: | 905, из них иностранных граждан - 0 |
| У нас учат: | 61 |
Муниципальное бюджетное общеобразовательное учреждение «Гимназия №18 с татарским языком обучения - «Галэм» Приволжского района г. Казани - новости
Страницы: << 71 ( 72 ) 73 74 75 76 77 78 79 80 >>
-
"Мөһим сөйләшүләр" 23.10.2023
Дүшәмбе көнне үткәрелгән "Мөһим сөйләшүләр" дәресе кысаларында укучылар махсус билгеләнештәге бүлекчәләр төрләре белән таныштылар. Әлеге дәреснең максатлары махсус билгеләнештәге бүлекчәләрдә (спецназда) эшләүче кешеләргә хөрмәт тәрбияләүгә, Ватаныбызның суверенитетын һәм кыйммәтләрен яклауны тәэмин итүче көч структуралары өчен горурлык хисе формалаштыруга юнәлтелгән иде.
-
"Ура, Филимон!" рәсем конкурсы 21.10.2023
Казан шәһәр зоопаркы тарафыннан "Ура, Филимон!" дигән рәсем конкурсы игълан ителгәч, 2А сыйныфы укучылары читтә кала алмады. Алар үзләренең матур - матур рәсемнәрен конкурска җибәрделәр. Сыйныфтан Нәфыйкова Нурия III урын яулады. Катнашкан барлык укучыга рәхмәт хатлары, истәлекле бүләкләр килде. Котлыйбыз, укучылар!
-
Мини - футбол ярышында 20.10.2023
20 нче октябрь көнне гимназиябез укучылары Казан шәһәренең Вахитов һәм Идел буе районнары мәктәпләре арасында үткәрелгән мини - футбол ярышында катнашып кайттылар. Укучыларыбызга киләсе этапларда уңышлар телибез!!!
-
Интеллектуаль уен "Нәрсә? Кайда? Кайчан?" 19.10.2023
19 нчы октябрь көнне гимназиябез укучылары "Нәрсә Кайда? Кайчан?" шәһәр турнирының беренче этабында катнашып кайттылар. Әлеге интеллектуаль уен А. Н. Туполев исемендәге Казан милли тикшеренү техник университеты (КАИ) бинасында уздырылды. Барлыгы 74 команда үзара көч сынашты. Укучыларны турнирга әзерләгән өчен тарих һәм җәмгыять белеме укытучысы Усманова Эльмира Расыховнага рәхмәтләребезне белдерәбез! Нәтиҗәләрне көтеп калабыз!
-
Футбол ярышы - без финалда! 19.10.2023
Бүген Казан шәһәренең Вахитов һәм Идел буе районнары мәктәпләре арасында югары сыйныфлар өчен футбол ярышы уздырылды. Әлеге турнирда гимназиябез укучылары зур тырышлык һәм көч куеп финалга үттеләр. Чын күңелдән котлыйбыз!!! Алдагы этапта уңышлар теләп калабыз!!! Укучыларны ярышка әзерләгән өчен физик тәрбия укытучысы Лилия Камилевнага зур рәхмәт!
-
"Россия - минем горизонтларым" 19.10.2023
Бүген “Россия - минем горизонтларым" курсының чираттагы дәресе уздырылды. Дәреснең темасы - сәнәгать һәм җитештерү өлкәсе белән танышу. Укучыларыбыз әлеге һөнәр юнәлешләре буенча презентация, видео карадылар, биремнәр эшләделәр, илебезнең казанышлары белән таныштылар. Ахырдан сәнәгать Россия икътисады үсешенең шактый зур өлешен алып тора дигән фикер ясалды.
-
«Авыл укытучысы — 2023» конкурсы 19.10.2023
19 нчы октябрь көнне гимназиябез базасында «Мәгариф» журналы, Татарстан Мәгариф һәм фән министрлыгы, Бөтендөнья татар конгрессы белән берлектә оештырылган «Авыл укытучысы — 2023» конкурсына йомгак ясалды. Финалга чыккан 12 конкурсантның эшен Татарстанның халык укытучысы Камәрия Зиннур кызы Хәмидуллина җитәкчелегендәге жюри ике төркемгә бүленеп бәяләде. Катнашучылар гимназиябез укучылары белән берлектә жюрига дәрес бирделәр. Соңыннан кунакларыбыз өчен “Галәм-тур” гимназия буенча экскурсия оештырылды. Без үз чиратыбызда җиңүчеләрне, номинантларны һәм катнашучыларны чын күңелдән котлыйбыз!! Конкурсантларга дәрес бирергә булышкан барлык укучыларыбызга рәхмәтләребезне җиткерәбез!!!
-
Горурланабыз!!! 17.10.2023
Бүген гимназиябез укучылары Кәрим Тинчурин исемендәге Татар дәүләт драма һәм комедия театры үткәргән I Республика фестиваль - конкурсында "Әни килде" спектакле белән чыгыш ясадылар һәм гала - концерт этабына үттеләр. Афәрин, укучылар!!! Укучыларны югары дәрәҗәдә әзерләгән өчен театр түгәрәге җитәкчеләре Фәния Наилевна һәм Гөлфия Рөстәмовнага рәхмәтләребезне җиткерәбез!!!
Укучыларыбызның чыгышын күрәсе килгән барлык тамашачыны 2 нче ноябрь көнне сәгать 13:00 Кәрим Тинчурин бинасында көтеп калабыз! -
"Мөһим сөйләшүләр"- Рәсәй киносы көне 16.10.2023
Дүшәмбе иртәсе Россия Федерациясе һәм Татарстан Республикасы Дәүләт флагын күтәрүдән башланып китте. Укучылар Рәсәй һәм Татарстан гимннарын горурлык белән башкардылар. Линейкадан соң “Мөһим сөйләшүләр” дәресләр циклы дәвам итте. Укучылар Россия киносына 115 ел тулуга багышланган “Экранның икенче ягында” дип аталган тема белән таныштылар. Дәрес барышында Ватан кинематографиясе тарихы сөйләнелде, илебездә төшерелгән фильмнар һәм мультфильмнар искә алынды. Шулай ук укучылар викторинада көчләрен сынадылар, биремнәр эшләделәр һәм эмблемалар ясадылар.
-
Әтиләр көне белән!!! 15.10.2023
Синең барлыгыңны тоеп яшәү
Бу дөньяда, әти, бик рәхәт.
Без бәхетле җирдә син булганга,
Барысы өчен сиңа зур рәхмәт!
Әтиләребез- гаилә тоткасы, балаларның, илнең ныклы терәге. Хөрмәтле ир-егетләребез! Сезне әтиләр көне белән тәбрик итәбез!Видеога сылтама: https://vk.com/id715397316?z=video715397316_456239321%2Fa3a627d5187a409f2a%2Fpl_wall_715397316
