Гимназиябездә "Яшь юл йөрүче" (ЮИД) түгәрәге актив эшләп килә. Түгәрәккә йөрүче укучылар җитәкчеләре Рәмзия Рәлифовна белән берлектә 1 нче сыйныфларга юл хәрәкәте кагыйдәләре һәм үз- үзеңне дөрес тоту культурасы турында проект эшләрен тәкъдим иттеләр.

Дүшәмбе иртәсе Рәсәй һәм Татарстан гимннарын башкарудан башланып китте. Гимн җырлаганнан соң "Мөһим сөйләшүләр" дәресләр циклы уздырылды. Укучылар белән "Россия: Киләчәккә караш" темасына сөйләшү алып барылды. Дәреснең максатлары: укучыларны «технологик суверенитет» төшенчәсе белән таныштыру;  "цифрлы һөнәрләр" һәм IT-технологияләр өлкәсе буенча кызыксыну уяту. Укучылар киләчәк һөнәрләренең үзенчәлекләре һәм алар белән бәйле кеше компетенцияләре турында белемнәр тупладылар.

Бүген гимназиябездә "Халыклар дуслыгы" темасына багышланган интерактив дәрес уздырылды. Китапханәче Зөлфия Рафаильевна төрле милләтләр турында мәгълүмат почмагы әзерләде. Татар теле һәм әдәбияты укытучысы Гөлназ Мәҗитовна укучыларның белемнәрен 3 этапта сынады: сорауларга җавап, көйне таны, милли ризыклар. Әлеге уен форматы укучыларга бик ошады!

Гимназиябезнең беренчел бүлек советы рәисе Галиев Нияз, рәис урынбасары Әминова Мәрьям, хезмәт һәм волонтёрлык министры Кәримова Диләрә тантаналы рәвештә "Алдынгылар хәрәкәте" сафларына кабул ителделәр. Укучыларыбызның күкрәкләренә хәрәкәтнең билгесе- түштамгалар беркетелде һәм берләштерүче беләзекләр тагылды. Активистларыбызны чын күңелдән котлыйбыз! Яңа планнар, идеяләр белән эшчәнлекне башлыйбыз!

Гимназиябезнең "Яшь экологлар" түгәрәгенә йөрүче 4Б сыйныфы укучылары җитәкчеләре Илсияр Илгизовна белән берлектә 1 нче һәм 2 нче сыйныф укучыларына якынлашып килүче "Песнәкләр көне" уңаеннан проект эшен тәкъдим иттеләр. Укучылар песнәкләр турында белемнәрен арттырдылар, плакатлар ясадылар. Балаларда табигатькә карата игътибарлы, сакчыл булуны кечкенәдән тәрбияләү бик әһәмиятле.

Видеога сылтама: https://vk.com/club216931602?z=video-216931602_456239191%2Ffc52c5318d94b8f96c

Бүген 7 нче һәм 9 нчы сыйныф укучылары "Киләчәккә билет" Бөтенроссия һөнәри юнәлеш проекты кысаларында "Киләчәк лабораториясе" күргәзмәсендә булып кайттылар

«ГАЛӘМ» УКУЧЫЛАРЫ «РОССИЯ БӨРКЕТЛӘРЕ» САФЛАРЫНДА!

Бүген безнең гимназиядә башлангыч сыйныф укучыларын «Россия бөркетләре»нә багышлау тантанасы узды. Барлыгы 382 бала иптәшләре һәм укытучылары алдында әлеге хәрәкәт сафларына кабул ителделәр. Укучыларны «Россия бөркетләре» сафларына алу тантанасы Россиянең һәм Татарстанның дәүләт гимннарын башкарудан башланып китте. Гимназиябез директоры Фәсхетдинова Гөлшат Әбүзәровна укучыларны шушы тантаналы көн белән котлап теләкләрен җиткерде. Аннары укучылар Бөркет турында матур легенда тыңладылар.
Легенда белән танышкач һәр укучыга тантаналы рәвештә хәрәкәтнең символлары булган тамгалар, рәсми таныклыклар һәм махсус эмблемалы капчыклар тапшырылды. Укучылар чара барышында «Россия бөркетләре»нең девизын һәм гимнын башкардылар. Тантаналы матур бәйрәм флешмоб белән тәмамланды.
Безнең «Россия бөркетләре» әлеге исемне лаеклы йөртәчәк, киләчәктә безнең гимназиянең һәм илебезнең горурлыгы булачак дип өметләнәбез. Укучыларга уңышлар һәм яңа казанышлар телибез!

Видеога сылтама: https://vk.com/club216931602?z=video-216931602_456239192%2F352028abebd566cbe8

Бүген «Россия– минем горизонтларым» һөнәри юнәлеш бирү курсының чираттагы дәресе уздырылды. Укучылар цифрлы технологияләр өлкәсе, аның үзенчәлекләре белән таныштылар Хәзерге заманда әлеге һөнәрнең никадәр перспектив һәм мөһим булуы турында нәтиҗә ясалды. Шулай ук укучылар профориентация буенча әзерләгән проект эшләрен дә тәкъдим иттеләр.

Күренекле татар шагыйре һәм язучысы Шәүкәт Галиевның тууына 95 ел тулу уңаеннан, гимназиябезнең 2В һәм 3Б сыйныф укучылары белән "Шәвәли килде кунакка" дип аталган әдәби сәгать үткәрелде. Балалар шагыйрьнең тормышы һәм кызыклы әсәрләре белән таныштылар, фикерләре белән уртаклаштылар. Чара барышында сыйныф җитәкчеләре белән берлектә табышмаклар чиштеләр һәм физкультура ясадылар. Укучыларга аеруча «Мин- Шәвәли, шук малай» шигыре ошады.

Видеога сылтама: https://vk.com/club216931602?z=video-216931602_456239190%2Fdef8583e5f6412855c

8 ноябрь- Россия Федерациясе эчке эшләр органнары хезмәткәрләренең хезмәт бурычларын үтәгәндә һәлак булганнарны искә алу көне. Халык куркынычсызлыгын, тыныч, рәхәт яшәешен тәэмин итүдә нәкъ менә эчке эшләр органнары хезмәткәрләре иң мөһим урыннарның берсен тота. Әлеге хезмәт бик авыр, җаваплы һәм шул ук вакытта куркыныч булып санала.
Искә алу көне уңаеннан, гимназиябездә "Буыннан-буынга, хәтерлибез" дип аталган чара уздырылды. Укучылар бурычларын үтәгәндә һәлак булган геройларның исемнәре белән таныштылар, видеороликлар карадылар.