Гимназиябездә сынлы сәнгать укытучысы Равилә Хәйдаровна җитәкчелегендә "Яңа ел хыяллары" дип исемләнгән рәсем күргәзмәсе оештырылды. Әлеге күргәзмә бәйрәм атмосферасы һәм кәеф тудыру, укучыларның иҗади сәләтләрен үстерү максатыннан үткәрелде.

Бүген 9 нчы һәм 11 нче сыйныф укучылары “Барысын да белем хәл итә: белгеч белән тикшерик!“ региональ акциясендә катнаштылар. Укучылар математика фәненнән имтихан яздылар. Әлеге акциянең максаты: имтиханнарга әзерлекнең сыйфатын бәяләү, укучылар җибәргән типик хаталарны анализлау.

Сегодня в гимназии прошла региональная акция «Всё решают только знания: разберем со специалистом!» для обучающихся 9-х и 11-х классов. Учащиеся написали экзамен по математике. Цель данной акции: предоставление возможности получения объективной информации о качестве подготовки обучающихся, анализ типичных ошибок, допущенных участниками акции.

6А сыйныфы укучылары «Бер минутта өлгер» дип исемләнгән яңа ел челленджын узып кайттылар. Әлеге уенда балалар арасында тизлеккә реакция, юмор хисе буенча ярышлар үткәрелде. «Бик тә күңелле, файдалы, логик фикерләүне, тизлекне үстерә, балаларны берләштерә торган челлендж булды», - дип сөйләде сыйныф җитәкчесе Гөлчәчәк Әсхатовна.

Видеога сылтама: https://vk.com/club216931602?z=video-216931602_456239211%2Fbc098658f8506baa0c

18 нче декабрь көнне үткәрелгән "Мөһим сөйләшүләр" циклының темасы “Безнең заман геройлары”на багышланган иде. Укучылар укытучылар белән берлектә Ватаныбыз геройлары, ватанпәрвәрлек һәм батырлык сүзләренең мәгънәләре турында сөйләштеләр, видеоөзекләр карадылар, биремнәр эшләделәр.

Гимназиябезнең 1А сыйныфы укучылары сыйныф җитәкчеләре Резедә Фатыховна белән берлектә "Әкият" курчак театрында "Морозко" исемле яңа ел тамашасын карап кайттылар. Әлеге тамаша укучыларга бик ошады!

Гимназиябезнең 3В сыйныфы укучысы Йылмаз Самира «Айтматов укулары» исемендәге IX Халыкара фәнни- гамәли конференциядә катнашып III дәрәҗәдәге дипломга лаек булды!!! Самираны һәм җитәкчесе Гөлчәчәк Мансуровнаны җиңүләре белән котлыйбыз, алга таба уңышлар телибез!!!

Коррупция атналыгы кысаларында укучылар белән "Бергә коррупциягә каршы" исеме астында тренинг үткәрелде. Әңгәмә барышында корруциянең төрләре һәм аның белән көрәшү алымнары каралды. Шулай ук укучыларга тормыштан алынган вакыйгалар тәкъдим ителде.

11 - 15 нче декабрь көннәрендә гимназиябездә "Дөрес туклану" атналыгы уздырылды. Укучылар белән  "Дөрес туклану нәрсә ул?", "Яшелчә, җиләк- җимешнең файдасы", "Ни өчен организмга су кирәк?", "Ашаганда үз- үзеңне ничек тотарга?" дигән темаларга әңгәмәләр үткәрелде. Сөйләшү ахырында дөрес туклану физик һәм рухи активлыкны ныгыта, төрле авыруларга профилактика булып тора дигән нәтиҗәләр ясалды.

Һәр бәйге – ул зур хезмәт, иҗади эш, дулкынлану, шул ук вакытта тәҗрибә уртаклашу, үз өстеңдә эшләү һәм һөнәри үсеш. Бүген гимназиянең рус теле һәм әдәбияты укытучысы Гыйльметдинова Динара Айратовна «Ел укытучысы – 2024» һөнәри осталык бәйгесендә үзенең эш тәҗрибәсе һәм алымнары белән уртаклашты. Бәйге барышында укучылар белән дәрес күрсәтелде, жюри тарафыннан дәрескә анализ ясалды. Динара Айратовнаны уңышлы чыгыш ясавы белән котлыйбыз!!! Шулай ук нәтиҗәләрне көтеп калабыз!

Бүген гимназиябез китапханәсендә танылган шагыйрьләр Ленар Шәех, Галимҗан Гыйльманов һәм Рифат Сәлах белән әдәби очрашу үткәрелде. Чакырылган кунакларыбыз укучыларны үз иҗатлары һәм яңа әсәрләре белән таныштырдылар. Чара барышында балалар язучыларның шигырьләрен сөйләделәр, кызыксындырган сорауларын бирделәр. Әлеге эчтәлекле очрашу барыбызда да уңай тәэсирләр калдырды!