6 февраль көнне 5 сыйныфларда Әнисә Камиловна математика фәненнән ачык дәрес күрсәтте. Яңа технологияләр кулланып үткәрелгән дәрес бик уңышлы үтте. Яңа тема аңлатылды. Укучылар дәрестә бик игътибарлы, актив булдылар.

27 нче январьдан 7 нче февральга кадәр мәктәптә инглиз теле атналыгы уза. Стенага төрле темага крссвордлар эленде. 3-5 класс укучылары арасында рәсем конкурсы үткәрелде. 27 январь көнне 5-7 класслар арасында КВН булып узды. Балалар 2 командага бүленеп соауларга җавап бирделәр, кроссвордлар чиштеләр, төрле биремнәр эшләделәр, инглиз телендә шигырьләр сөйләделәр.8-11 класс укучылары инглиз телендә стенгазеталар чыгардылар. Балалар конкурслаларда бик актив катнаштылар. Җиңүчеләр дирекция тарафыннан истәлекле бүләкләр белән бүләкләнделәр.

 Өлкәннәрне компьютер серләренә өйрәтү максатыннан мәктәбебездә  укулар башланып китте. Укуларны информатика укытучысы Фоат Раифович алып бара. Өлкәннәр бик теләп һәм кызыксынып укуларга йөри башладылар. Аларга тазалык, тынычлык, зур тырышлык телибез.

Бүген чыгарылыш сыйныф укучылары КФУ студенты Мифтахова М.М. белән очраштылар.

Миләүшә Мәгфүровна укучыларны КФУ белән университетта студент тормышы белән таныштырды, укучыларны кызыксындырган сорауларга җавап бирде.

2 нче февраль көнне лидерларыбыз кызлар өчен матур толымнар,ә егетләребез өчен матур түбәтәйләр көне үткәрде. Озын чәчле кызларыбыз нинди рәвешләрдә генә үрмәгәннәр чәчләрен,карап туйгысыз, бигрәк матурлар инде үзләре.

«Алтын йөзлек»кә нинди китапларны кертер идегез?

Узган елның дүртенче кварталында республика укытучыларының хезмәт хакы 17 мең 851 сум тәшкил иткән
Татарстанда 2011 ел ахырында укытучыларның хезмәт хакы беренче тапкыр төбәктәге икътисад буенча уртача эш хакыннан артып киткән. Бүген бу хакта ТР Мәгариф һәм фән министрлыгының еллык коллегиясендә министр Альберт Гыйльметдинов хәбәр итте.
Аның сүзләренә караганда, “Киләчәк” программасы кысаларында укытучыларның хезмәт хакын арттыру буенча эш алып барылган. Шулай ук грант программалары тормышка ашырыла. Болар барысы да педагог һөнәренең абруен күтәрү өчен эшләнә.
 

2 нче февраль көнне  Гүзәл Галимулловна 5 сыйныфларда татар әдәбиятыннан ачык дәрес үткәрде. Бу дәрестә укучылар әдәбият теориясен яхшы белүләрен күрсәттеләр. Әдәби әсәрләр аша укучыларыбыз туган якка мәхәббәт, кешеләрдә гаделлек һәм әхлак сыйфатлары тәрбияләү турында тирәнтен өйрәнделәр. Дәрес бик уңышлы үтте.

Мәктәбебезнең 6 нчы сыйныф җитәкчесе Мифтахова Н.С. Арча шәһәрендә үткән "Ел хатын-кызы - 2012" конкурсының зона ярышларында катнашып, уңышлы чыгыш ясады. Нурания Садиковна әлеге бәйгедә Мактау таныклыгы һәм истәлек бүләкләренә лаек булды.

Владимир Путинның ил буйлап сәяхәте дәвам итә. Очрашулар һәм киңәшмәләр вакытында булачак Президент алдында ил өчен мөһим булган мәсьәләләр күтәрелә. Билгеле, Россиядә проблема булмаган өлкәне табу кыен, шуңа да җәмәгатьчелек тарафыннан күпкырлы мәсьәләләр күтә­релүе гаҗәп түгел. Тик проб­лемаларның кайберсе аеруча еш кабатланып күтәрелә.
Бу аңлашыла: авырткан җирдән кул китми, гел сыйпап торасы килә сызлавыкны. Кызык як шунда: россияле­ләрне иң нык сызлата торган сызлавык ул – гап-гадәти мәктәп имтиханы. Путинның футбол фанатлары вәкилләре белән очрашуы вакытында спорттан шактый ерак торган БДИ мәсьәләсе күтәрелүе һәм премьер-министр авызыннан афоризм булып чыккан җавапның мәгълүмат кырында зур дулкыннар кузгалтуы мәктәптәге чыгарылыш имти­ханының чынлап та авырткан җир булуын тагын бер кат дәлилләде.