Узган елның дүртенче кварталында республика укытучыларының хезмәт хакы 17 мең 851 сум тәшкил иткән
Татарстанда 2011 ел ахырында укытучыларның хезмәт хакы беренче тапкыр төбәктәге икътисад буенча уртача эш хакыннан артып киткән. Бүген бу хакта ТР Мәгариф һәм фән министрлыгының еллык коллегиясендә министр Альберт Гыйльметдинов хәбәр итте.
Аның сүзләренә караганда, “Киләчәк” программасы кысаларында укытучыларның хезмәт хакын арттыру буенча эш алып барылган. Шулай ук грант программалары тормышка ашырыла. Болар барысы да педагог һөнәренең абруен күтәрү өчен эшләнә.
 

2 нче февраль көнне  Гүзәл Галимулловна 5 сыйныфларда татар әдәбиятыннан ачык дәрес үткәрде. Бу дәрестә укучылар әдәбият теориясен яхшы белүләрен күрсәттеләр. Әдәби әсәрләр аша укучыларыбыз туган якка мәхәббәт, кешеләрдә гаделлек һәм әхлак сыйфатлары тәрбияләү турында тирәнтен өйрәнделәр. Дәрес бик уңышлы үтте.

Мәктәбебезнең 6 нчы сыйныф җитәкчесе Мифтахова Н.С. Арча шәһәрендә үткән "Ел хатын-кызы - 2012" конкурсының зона ярышларында катнашып, уңышлы чыгыш ясады. Нурания Садиковна әлеге бәйгедә Мактау таныклыгы һәм истәлек бүләкләренә лаек булды.

Владимир Путинның ил буйлап сәяхәте дәвам итә. Очрашулар һәм киңәшмәләр вакытында булачак Президент алдында ил өчен мөһим булган мәсьәләләр күтәрелә. Билгеле, Россиядә проблема булмаган өлкәне табу кыен, шуңа да җәмәгатьчелек тарафыннан күпкырлы мәсьәләләр күтә­релүе гаҗәп түгел. Тик проб­лемаларның кайберсе аеруча еш кабатланып күтәрелә.
Бу аңлашыла: авырткан җирдән кул китми, гел сыйпап торасы килә сызлавыкны. Кызык як шунда: россияле­ләрне иң нык сызлата торган сызлавык ул – гап-гадәти мәктәп имтиханы. Путинның футбол фанатлары вәкилләре белән очрашуы вакытында спорттан шактый ерак торган БДИ мәсьәләсе күтәрелүе һәм премьер-министр авызыннан афоризм булып чыккан җавапның мәгълүмат кырында зур дулкыннар кузгалтуы мәктәптәге чыгарылыш имти­ханының чынлап та авырткан җир булуын тагын бер кат дәлилләде.

Владимир Путинның ил буйлап сәяхәте дәвам итә. Очрашулар һәм киңәшмәләр вакытында булачак Президент алдында ил өчен мөһим булган мәсьәләләр күтәрелә. Билгеле, Россиядә проблема булмаган өлкәне табу кыен, шуңа да җәмәгатьчелек тарафыннан күпкырлы мәсьәләләр күтә­релүе гаҗәп түгел. Тик проб­лемаларның кайберсе аеруча еш кабатланып күтәрелә.
Бу аңлашыла: авырткан җирдән кул китми, гел сыйпап торасы килә сызлавыкны. Кызык як шунда: россияле­ләрне иң нык сызлата торган сызлавык ул – гап-гадәти мәктәп имтиханы. Путинның футбол фанатлары вәкилләре белән очрашуы вакытында спорттан шактый ерак торган БДИ мәсьәләсе күтәрелүе һәм премьер-министр авызыннан афоризм булып чыккан җавапның мәгълүмат кырында зур дулкыннар кузгалтуы мәктәптәге чыгарылыш имти­ханының чынлап та авырткан җир булуын тагын бер кат дәлилләде.

31 нче январь көнне Лилия Асхадулловна 4 нче сыйныфларда математика фәненнән ачык дәрес уздырды. Ул дәрестә яңа технологияләрне бик урынлы һәм оста файдаланды. Укучылар да дәрестә бик актив булдылар. Дәрес бик оешкан төстә үтте.

Мәктәптә пенсионерлар өчен компьютерга өйрәтү буенча укулар башланды.

Укулар атнага ике тапкыр информатика кабинетында үткәреләчәк.

Мәктәбебез укучылары концертларда татар биюләрен бик яратып бииләр. Һәр класс концертында төрледән – төрле матур татар халык биюләре башкырыла. Шуңа күрә быел татар костюмнарының гардеробын баету өчен тагын да матур татар бию костюмнары тегәргә булдык. Бу эшне технология укытучысы Фирания Ханифовна башкара. Аның теккән һәрбер киеме бик матур килеп чыга. Фирания апаларына укучыларыбыз бик рәхмәтле.

Ләйлә Сабировна башлангыч сыйныф укытучылары арасында үткәрелгән дәрес эшкәртмәләре конкурсында I урынны яулады.

Сезне зур уңышыгыз белән котлыйбыз, алга таба да зур үрләр яулавыгызны теләп калабыз.

31 нче январь көнне Гөлнара Тәлгатовна 8 класслар белән ачык тәрбия сәгате үткәрде. Алар сәламәтлек темасы астында фикер алыштылар. Гөлнара Тәлгатовна бик әйбәт презинтация эшләгән. Шуңа нигезләнеп, тәрбия сәгатен алып барды. Укучылар сәламәт булу өчен нәрсәләр эшләргә, кешенең нинди сыйфатларга ия булырга тиешлеген ассызыклап үттеләр. Сәламәт булу өчен кешенең рухи байлыгы нык, изге күңелле булырга кирәклекне дә әйтеп үттеләр