Государственная (итоговая) аттестация выпускников 9-х классов в 2011/2012 году проводится в двух формах: традиционной и с использованием механизмов независимой оценки знаний с участием Государственной экзаменационной комиссии Республики Татарстан (далее – ГИА в новой форме).
Выпускники 9 классов общеобразовательных учреждений обязаны сдать следующие экзамены:
 

10 сыйныф укучысы Шарипова Гөлнурның КФУның Филология һәм сәнгать институтына җибәрелгән хезмәтләре уңай бәяләнеп, Гөлнурга  III республикакүләм фәнни – гамәли конференциядә катнашу өчен чакыру кәгазе килде. 21 нче февраль көнне Гөлнур шуның өчен Казанга барачак. Хәерле юллар, зур уңышлар сиңа, Гөлнур!

18 нче февраль көнне мәктәбебезнең укучылар һәм укытучылар коллективы чаңгыга басты. “Татарстан чаңгы юллары – 2012” кысаларында үткән чарада безнекеләр дә читтә калмады. Барлык коллектив бергәләп чаңгы шуып кайттылар.

Район  этабында үткәрелгән террорчылыкка каршы плакатлар ясау конкурсында  Исрафилова Алиянең рәсеме I урынга лаек булып, республика күләменә җибәрелде. Афәрин, Алия!

5 сыйныфта укучы игезәкләр, Дилүс белән Дилүзәнең әтиләрен яхшы эшләгән өчен эш урыныннан  Таиландка ял итәргә җибәргәннәр иде. Тәбрис абый исән – сау йөреп кайткач, 5 сыйныф укучылары белән очрашу оештырды. Үзенең  күргәннәрен сөйләде, укучыларны кызыксындырган  сорауларга   җавап бирде. Тәбрис абый балаларның һәммәсенә истәлекле бүләкләр дә  алып кайткан. Очрашу укучыларыбызга бик кызыклы булды.

16 нчы февраль көнне 10 нчы сыйныф укучылары белән берлектә Рәмзия Миннехановна ачык тәрбия чарасы үткәрде. Бөрбаш мәктәбендә укыган, әфганчы егет Илгиз Хайруллин истәлегенә багышланган әлеге чара, Илгиз абыйның олы апайсы Гөлфинур апа белән очрашу рәвешендә уздырылды. 10 нчы сыйныф укучылары Илгиз абый истәлегенә бик матур, бай эчтәлекле стенд эшләгәннәр. Гөлфинур апа бик сөенде, укучыларыбызга ихлас күңеленнән рәхмәтләрен җиткерде. Хәзер мәктәп музеенда Илгиз Хайруллин истәлегенә аерым урын булдырылды.

6 нчы сыйныф укучылары Хайруллина Ләйсән һәм Сәләхетдинов Рәдис математик олимпиаданың район турында җиңү яуладылар.

Ләйсән, Рәдис Сезне зур җиңүегез белән котлыйбыз, олимпиаданың Республика этабында да җиңүләр яулавыгызны теләп калабыз

15 нче февраль көнне  “Аҗаган” уенының бер этабы  булган хоккей ярышы үткәрелде. “Кызыллар” һәм “Яшелләр” командасы арасында үткәрелгән бу ярышта “Яшелләр” командасы җиңү яуладылар.

Мәктәбебездә февраль ае - оборона масса эшләре айлыгы дип игълан ителде. Аерым планнар төзелде. 14 нче февраль көнне план нигезендә мәктәбебезнең югары сыйныф егетләре арасында “Ягез әле, егетләр!” исеме астында ярыш үткәрелде. Хәрби уеннар белән үткәрелгән әлеге ярышта егетләребез бик актив булдылар,уеннарда бик теләп катнаштылар. Ярыш нәтиҗәләре буенча 9 һәм 10 сыйныф егетләренең “Барс” командасы I урынга, ә 8 һәм 11 сыйныф егетләренең “ВДВ” командасы II урынга лаек булды.

14 февраль көнне 11 нче сыйныфларда рус әдәбиятыннан Гөлсинә Масхутовна ачык дәрес күрсәтте. Сугыш чоры шигъриятенә карата үткәрелгән дәресен укытучы яңа эш алымнары кулланып алып барды. Дәрес – семинар булганлыктан, укучылар шагыйрьләрнең тормыш юлы һәм иҗатлары турында таныштырдылар, шигырьләрен дә яттан сөйләделәр. Күп кенә шигырьләргә көйләр язылган, укучылар аларны да тыңлап үттеләр. Үзләре дә җырладылар. Дәрес бик матур һәм оешкан төстә үтте. Дәрестә катнашкан һәркем күңелендә сугыш хатирәләрен кабат яңартты. Дәрес балаларда патриотик хисләр тәрбияләде.