17 октябрь көнне тәрбия эшләре директор урынбасары Р.У.Валиева тарафыннан класс җитәкчеләре киңәшмәсе үткәрелде. Класс җитәкчеләре белән эшләнгән эшләргә нәтиҗә ясалды, эш планнары белән таныштырылды.

16 октябрь көнне мәктәбебездә рус теленнән олимпададалар узды.

Мәктәбебез поварлары укучыларыбызны тәмле ашлар белән сыйлыйлар. Аларга зур рәхмәт!

Укучыларыбыз мәктәп тормышында кайныйлар. Олимпиадага әзерлек, аерым фәннәрдән мониторинглар эшлиләр, консультацияләр үтә. Ләкин укучыларыбыз буш вакытларын файдалы итеп үткәрә дә беләләр. Һәр класс график нигезендә спортзалда волейбол, теннис, бадминтон уйнап сәламәтлекләрен ныгыталар.

Мәктәбебез Балтач үзәгендә оештырылган ярминкәдә катнашты. Бакчабызда үстерелгән яшелчәләр, төрле кайнатмалар тәкъдим ителде.

12 нче октябрь көнне “Балтач” спорткомплексында мәгариф хезмәткәрләренең җәйге спартакиадасы үтте. Безнең мәктәптән дә бер төркем укытучылар катнашты. Еракклыка сикерү буенча башлангыч сыйныф укытучысы Яббарова Әльфирә Мансур кызын 1 урын , мылтыктан ату буенча Миннемуллин Айгиз Рафил улын 1 урын, бадминтон ярышында Акбиров Рим Фәргат улын 2 урын яулаулары белән чың күңелдән котлыйбыз. Әфәрин укытучыларыбыз!

Мәктәптә атна саен дүшәмбе көнне иртәнге линейка үткәрелә. Линейкада дежур класс чыгыш ясый. Алар үз чыгышларында үткән атнаның мәктәп, район, республика яңалыклары белән таныштыралар. Шулай ук үткән атна нәтиҗәләре буенча "Иң яхшы укучы клас", "Иң чиста класс, "Иң шәфкатьле класс", "Иң актив класс" укучылары билгеләнә.

13 нче октябрь көнне укучылар белән тикшерү эшләре үткәрү өчен мәгариф идәрәсе психологлары килде.

8 октябрь көнне мәктәбебездә өмә үткәрелде. Укучылар һәм укытучылар мәктәп тирәсен чүпләрдән арындырдылар. Барысы да тырышып эшләделәр. Мәктәп тирәсе чиста һәм матур булып калды. Афәрин, укучылар һәм укытучылар!

“Шәҗәрә безнең тамырлар” төбәкара чарасында мәктәбебезнең технология укытучысы Хөсәенова Фирания Ханифовна һәм 8 нче сыйныф укучысы Хәйретдинова Диләрә кул эшләре белән күргәзмә эшчәнлегендә катнаштылар.