Бу атнада 11, 9 нчы сыйныф укучыларына рус теле һәм математикадан сынау имтиханнары үткәрелде.Укучыларыбыз кабат үзләренең белемнәрен тикшерә алдылар.

18 нче октябрь көнне Балтач мәдәният йортында районыбызның мактаулы гражданины, күренекле дәүләт эшлеклесе, танылган шагыйре, популяр җырлар авторы Гарифҗан Садыйкович Мөхәммәтшинның гомер бәйрәме – 75 яшьлек күркәм юбилее уңаеннан, иҗат кичәсе булып узды. Юбилярны котларга бик күп кунаклар килгән иде. Кичәдә безнең мәктәп укытучылары да катнашты. Бу бәйрәм һәркемнең күңелендә җылы хисләр калдырды.

Иртәнге линейкада дежур торган 6 нчы сыйныф укучылары атналык эшкә нәтиҗә ясады. Нәтиҗәләргә килгәндә, “Иң яхшы укучы класс” - 10 нчы сыйныф танылды.”Иң чиста класс”-8 нче сыйныф, “Иң тәртипле укучылар ” - 11 нче сыйныф билгеләнде, “Спорт сөюче класс”-6 нчы сыйныф , “Иң шәфкатьле класс”-10,11 нче сыйныф билгеләнде.

21 нче октябрь көнне мәктәбебез ашханәсендә Корбан ашы булып узды.

9 нчы сентябрь көнне Балтач спорткомплексында 2002-2003 нче елгы укучылар арасында волейбол ярышы булып узды. Бу ярышта безнең кызларыбыз 3 нче урын яуладылар. Тренерлары Рөстәм Шайдулловичны һәм кызларны уңышлары белән котлыйбыз!

Информатика фәне буенча Республикакүләм конкурсында “2D компьютерная графика” номинациясендә җиңүчеләр 7 нче сыйныф укучылары Шарипова Фәйрүзәне- 1 урын, Гыйльмуллин Фәнисне-2 нче урын алулары белән котлыйбыз, зур уңышлар телибез.

15 нче октябрь көнне Арборда Зәкиев Билсур Мәгъсүм улы призына көрәш ярышы булып узды. Безнең мәктәптән бер төркем егетләребез дә катнашып призлы урыннар яулап кайттылар. 6 нчы сыйныф укучысы Авхадиев Ленар I урын, 4 нче сыйныф укучысы Галимов Әлфис-III урын, 9 нчы сыйныф укучысы Газимов Айрат - III урында калып диплом, медальләр белән бүләкләнделәр. Катнашкан барлык егетләребезне зур уңышлары белән котлыйбыз!

Иртәнге линейкада дежур торган 7 нче сыйныф укучылары атналык эшкә нәтиҗә ясады. Нәтиҗәләргә килгәндә, “Иң яхшы укучы класс” - 11 нче сыйныф танылды.”Иң чиста класс”-8 нче сыйныф, “Иң тәртипле укучылар ” - 10 нчы сыйныф билгеләнде, “Спорт сөюче класс”-7 нче сыйныф , “Иң шәфкатьле класс”-9 нчы сыйныф билгеләнде.

Символлар өчен тавыш бирү Твоя-россия.рф сайтында 12дә тәмамланган иде инде. Аның нәтиҗәләре буенча Севастополь 428 018 тавыш белән беренче, ә 421 748 тавыш җыя алган Казан икенче урынга урнашкан иде.
Ләкин алдан ук әйтелгән шарт нигезендә төп җиңүчеләр онлайн тавыш бирү нәтиҗәләре буенча гына ачыкланмады. Кичен "Россия 1" телеканалында Үзәк банк тарафыннан оештырылган конкурсның җиңүче шәһәре туры эфирда игълан ителде. 19:00-20:00 сәгатьтә "Народная банкнота" махсус проекты дәвамында символлар өчен смс-тавыш бирү оештырылды.
Шулай итеп, төп ике җиңүче билгеле. Алар – Ерак Көнчыгыш һәм Севастополь. Кызганыч, Казан өченче урында.

11 нче сентябрь көнне дәрестән соң барлык укучыларыбыз мәктәп территориясен җыештырырга чыктылар.Укучыларыбыз һәм укытучылар тырышлыгы белән бөтен җирдә тәртип урнашты. Хезмәтләре һәм тырышлыклыры өчен һәр кемгә рәхмәтебезне белдерәбез.