25 нче ноябрьдә "Әниләр көне" уңаеннан һәм һөнәр сайлау юнәлеше буенча башлангыч сыйныфларда Мөхәрләмова Гөлнар Хәтәмҗан кызы белән очрашу узды. Ул балаларга әниләрне кадерләү, хөрмәтләү турында сөйләү белән беррәттән кибетче һөнәре турында да мәгълүмат бирде. Бу очрашу балаларда матур хисләр калдырды. 

Мәктәптә җимлек операциясенә йомгак ясалды. 1-4 сыйныфлар арасында 1урында-3,4 класс,2 урында-2 класс,3 урында-1 класс; 5-7 сыйныфлар арасында 1 урын-5 класс,2 урын-7 класс,3 урын- 6 класс; 8-11 сыйныфлар арасында 1урын-8,9 класс,2 урын-10 класс, 3 урын-11 класс

Балтач Загс бүлегендә “Без сәламәтлекне саклыйбыз” темасына үткәрелгән конкурста җиңүчеләрне бүләкләү тантанасы узды. Безнең мәктәптән 2 нче сыйныф укучысы Заһидуллина Галия җүнүче буларак диплом һәм истәлекле бүләк белән бүләкләнде. Галияне һәм аның остазы Хөсәенова Фирания Хәниф кызын чың күңелдән җиңүләре белән котлыйбыз!

11-класс укучыларының профориентация юнәлешендә оештырылган тәрбия сәгатенә Шәймәрдәнова Рүзиләнең әти-әниләре Рөстәм абыйлары һәм Фирдәвес апалары килде. Авылда үрнәк гаиләләрдән саналган Шәймәрдәновлар укучыларга үз һөнәрләре һәм гаилә тарихын сөйләп, киңәшләрен бирде. Без дә Рөстәм абыйны хокук саклаучылар көне, ә Фирдәвес апаны әниләр көне белән котладык

Иртәнге линейкада дежур торган 7 нче сыйныф укучылары атналык эшкә нәтиҗә ясады. Нәтиҗәләргә килгәндә, “Иң яхшы укучы класс” - 10 нчы сыйныф танылды.”Иң чиста класс”-11 нче сыйныф, “Иң тәртипле укучылар ” - 5 нче сыйныф билгеләнде, “Иң шәфкатьле класс”-8 нче сыйныф,”Конкурсларда атив катнашучы” 5 нче сыйныф, “Спорт сөюче класс”-6 нчы сыйныф билгеләнде.

Ике дәрестән соң укучыларыбыз сәламәтлекләрен ныгыту һәм ял итү максатыннан иртәнге физзаярядка ясыйлар.

9 нчы сыйныф укучылары, инде традициягә кереп киткән, айның соңгы пәнҗешәмбесендәге әти-әниләр белән очрашуда, полиция хезмәткәре - Хәйретинов Рәйхан "Һөнәрле үлмәс - һөнәрсез көн күрмәс" дигән тәрбия сәгатендә очрашып сөйләштеләр. Бу очрашу бик күңелле һәм эчтәлекле үтте. Укучылар Рәйхан Хәйретдиновның тормышы, һөнәре турында бик күп мәгълүмат ишеттеләр, сорауларга җаваплар алдылар.

5-класс укучылары мәктәптә уку белән беррәттән класстан тыш эшләрдә дә активлар. Менә бүген алар “Математика минем гаиләдә” темасына багышланган проект эшләрен якладылар. Беренче генә тапкыр башкарылган фәнни эшләрендә кимчелекләр бар әлбәттә. Ләкин чыгышлары үрнәк булырлык укучылар да бар. Иң яхшы проект яклаучы Хөсәенова Зәринә, Мифтахова Азалия, Базагутдинова Диния һәм Миннемуллина Гөлгенәләргә зур “бишлеләр”. Ә калганнар алдагы чараларда активрак, төгәлрәк булыр дип ышанып калабыз.

Мәктәбебез шугалагы кышкы сезонга әзер. 

22 нче ноябрь көнне 2 нче сыйныфларда “Дуслык” темасына ачык тәрбия сәгате үткәрелде. Укытучы Миләүшә Назировна укучыларны кызыксындырып, дәрестә актив катнаштырды. Укытучыга һәм укучыларга зур уңышлар телибез.