Башлангыч сыйныф укытучылары һәм укучылары ата-аналар белән тыгыз эш алып баралар. Һәр айның соңгы пәнҗешәмбесендә, төрле һөнәр ияләре булган, әти-әниләр белән очрашу уздыру планы булдырдылар. . Бу айда мәктәбебез кунагы "Ромашка" балалар бакчасы тәрбиячесе Гарифуллина Рәсилә Гаптелсабир кызы булды. Ул балаларга чын тормыш дәресе үткәрде. Очрашу бик файдалы, күңелле үтте.

11 нче сыйныф укучысы Фахретдинов Рүзәлне Рафил Галимуллин истәлегенә багышланган “Көрәш” ярышында 2 урын алуы белән чын күңелдән котлыйбыз!

Хөрмәтле өлкәннәр !
Сезне 1 октябрь- Өлкәннәр көне белән чын күңелдән котлыйбыз.
Сезгә озын гомер, нык сәламәтлек, телибез. Балаларыгызның, оныкларыгызның игелеген күреп, тынычлыкта яшәсәгез иде.
Картаймыйча шулай кояш кебек,
Балкып торыгыз сез иртә- кич
Яхшылыкны җирдә ятмый диләр,
Онытмабыз сезне һич тә без.
Иң изге теләкләр белән Бөрбаш урта мәктәбе укытучылар һәм укучылар коллективы

Илебез буенча октябрь ае башында Өлкәннәр көне уздырыла. Төрле җирләрдә өлкәннәрне котлаулар, бүләкләүләр, искә алулар бара.
9нчы сыйныф укучылары да тимурчылык буенча билгеләнгән Рәисә апайлары Әмадиеваны бәйрәм белән котлап кайттылар.
Кадерле әбиләребез,
Чал чәчле дәү әниләребез!
Бәйрәм белән котлый бүген
Сезне ул һәм кызларыгыз.
Яшәгез сез мәңге яшь булып,
Туган йортыгызда ямь булып.
Сез булсагыз таза- сәламәт
Оныкларга булыр бик рәхәт!

Россия мәгариф һәм фән министры Ольга Васильева 2020 елга укытучы вазифалары чикләрен кертү һәм "кәгазь эше"ннән азат итү турында сөйләде, шулай ук укытучының хезмәт хакы төшү ачыклаган төбәкләрдә "катгый эшләргә" вәгъдә итте.
Бүген Сочида узган Гомумроссия мәгариф профсоюзы Бөтенроссия семинар-киңәшмәсендә министр 2020 елга педагоглар өчен профессиональ стандарт өстендә (укытучы вазифасын әйдәп баручы, өлкән һәм укытучы вазифаларына бүлү) эшләү тәмамланачак дип белдерде. "Вазифалар системасын бүлгәләү педагогка йөкләнгән башкарыла торган бурычлар, функцияләр катлаулылыгына һәм җаваплылык дәрәҗәсенә бәйле. Боларның барысын да профессиональ стандартка теркәү планлаштырыла", - дип белдерә министр сүзләрен "ТАСС".
Семинарда министр укытучыларга өстәмә эшләр йөкләмәүне сорады ...

1 нче октябрь көнне мәктәбебез волонтерлары Бөрбаш, Бөрбаш-Сәрдегәне, Алан авылында яшәүче Өлкәннәрне бәйрәм белән котладылар.

200 һәм 2000 сумлык яңа банкнотларда басылачак шәһәр күренешләре өчен үткәрелгән бәйгедә Казан Кремле һәм Казан (Идел буе) федераль университеты финалга чыкты.
Бүген конкурсның соңгы, өченче этабы бара. Иң күп тавыш җыйган ун шәһәр арасыннан ике җиңүче сайлап алыначак.

Мәктәбебездә тавыш бирүдә укытучылар, укучылар гына түгел, әти-әниләр дә актив катнаша. Фотода тавыш бирүче 9 нчы сыйныф укучыларнының әти-әниләре.

28 нче сентябрь көнне Мәдәният йортында Бөрбаш авылы мәчете имамы, район мөхтәсибе, Татарстанның Баш казые Җәлил хәзрәт Фазлыевның юбилей кичәсе булып узды.Җәлил хәзрәтне хөрмәтләп авыл халкы,сыйныфташлары, шәкертләре республика, район кунаклары җыелган иде.”Алтын ачкыч” китабы авторы Гөлсинә Галимуллина, авылдаш шагыйрәбез Фәридә Шакирова белән очрашу юбилей кичәсенә ямь өстәде. Тулы зал, көчле алкышлар авылыбызның олы хөрмәткә лаек кешесе Җәлил хәзрәткә олы ихтирам хисе булып яңгырады.

Бәйрәм белән хөрмәтле хезмәттәшләр!

Сезне һөнәри бәйрәмегез белән чын күңелдән тәбрик итәбез. Сезгә сәламәтлек, иҗат һәм һөнәр уңышлары телибез. Бүгенге бәйрәмегездә сезгә нинди теләкләр, сүзләр генә теләсәк тә аз шикелле тоелыр. Бүгенге көндә сезгә карата эчкерсез, ихтирамлы, рәхмәтле хисләребезне бер нинди дә бүләк алыштыра алмас рәхмәт сүзе аша җиткерәбез хөрмәтле мөгаллимнәребез. Рәхмәт сезнең сабырлыгыгыз, зирәклелелегез, рухи дөньяга китергән юлыгыз өчен. Рәхмәт, мең рәхмәт.

Төшендердең фән серләрен
Син белем бирдең безгә.
Шәфкатьлелек орлыкларын
Салдың күңелебезгә...
 

Фән олимпиадаларының мәктәп туры нәтиҗәләре сайтның "Мероприятия" - "Одарённые дети, предметные олимпиады/ сәләтле бала" - "Олимпиады" бүлегенә урнаштырылды. Узган олимпиада нәтиҗәләре белән әлеге бүлектә таныша аласыз.